Danyela 8:14 - Siswati 1996 Bible

¹⁴ Watsi kimi: “Kuyawutsatsa tikhatsi tekuhlwa netekusa letiti-2 300. Ngulapho-ke lithempeli liyawuhlanjululwa kabusha khona.”

Danyela 8:14 Referencias Cruzadas

Genesisi 1:5

Nkulunkulu wakwetsa kukhanya watsi: “Yimini,” bumnyama wabetsa watsi: “Busuku.” Kwahlwa, kwasa: Kwaba lilanga lekucala.

Isaya 1:27

ISiyoni itawuhlengwa ngekwemtsetfocotfo, labatisolako bahlengwe ngekulunga.

Isaya 45:25

Kodvwa kuSimakadze tonkhe titukulwane taka-Israyeli tiyawusindziswa, futsi tiyawumdvumisa.

Danyela 12:11

“Kusukela ngesikhatsi lekwasuswa ngaso umhlatjelo wemalanga onkhe, kwemiswa sinengiso lesibanga incitsakalo kuyawutsatsa emalanga layi-1 290.

Danyela 12:12

Ubusisiwe lowo loyawulindza aze efike ekugcineni kwalamalanga layi-1 335.

Danyela 12:7

Lomuntfu labegcoke telineni, labesetikwalamanti emfula, waphakamisa sandla sakhe sekudla nesancele, watibhekisa ezulwini, ngamuva afunga ngaye lophila phakadze atsi: “Kuyawuba ngiminyaka lemitsatfu nesigamu. Nakuphelela kuhlushwa kwebantfwana baNkulunkulu, tonkhe letintfo tiyawube setentekile.”

Danyela 7:25

Iyawukhuluma ihlambalate Longetulu Kwako Konkhe, icindzetele labangcwele bakhe, yetame kugucula tikhatsi temikhosi lemisiwe nemitsetfo. Labangcwele bayawunikelwa kuyo kube sikhashana, netikhatsi, nencenye yesikhatsi.

Danyela 8:26

“Lombono wemihlatjelo yasebusuku neyasekuseni lowukhonjisiwe uliciniso, kodvwa uwugcine usifuba sakho, ngobe wona umacondzana netikhatsi tekugcina.”

KubaseGalathiya 3:8

UmBhalo wakubona kucala kutsi Nkulunkulu nebetive uyawubalungisisa ngekukholwa; ngiwo lowashumayela liVangeli kucala ku-Abrahama watsi: “Tive tonkhe tiyawubusiswa ngawe.”

Sembulo 11:15

Ingilosi yesikhombisa yashaya licilongo layo, kwase kuba nemisindvo lemikhulu kakhulu ezulwini itsi: “Umbuso walomhlaba sengumbuso weNkhosi yetfu, naKhristu wakhe; iyawubusa kuze kube phakadze naphakadze!”

Sembulo 12:14

Kodvwa lomfati wanikwa timphiko letimbili telusweti lolukhulu, kuze atewundiza abalekele lenyoka aye ehlane endzaweni lapho kufanele ondliwe khona, kuze kube sikhatsi netikhatsi nencenye yesikhatsi.

Sembulo 13:5

Lesilo saphiwa umlomo wekukhuluma emavi lamakhulu lasinengiso newekuhlambalata. Savunyelwa kutsi sisebentise emandla aso tinyanga letingema-42.