Danyela 8:1 - Siswati 1996 Bible

¹ Ngemnyaka wesitsatfu wekubusa kwenkhosi Bhelshasari, mine Danyela ngabona umbono, ngemvakwalowo lowase ubonakele kimi.

Danyela 8:1 Referencias Cruzadas

Hezekeli 1:1

Ngemnyaka wema-30, enyangeni yesine, ngelilanga lesihlanu, ngangisesemkhatsini walababetfunjiwe, ngasemfuleni iKhebari, kwavuleka emazulu, ngabona imibono yaNkulunkulu.

Danyela 1:17

Lamajaha lamane Nkulunkulu wawanika lwati nekucondza kwato tonkhe tinhlobo temfundvo netetincwadzi letatibhaliwe. Danyela abesayicondza yonkhe imibono nemaphupho ato tonkhe tinhlobo.

Danyela 10:2

Ngaleso sikhatsi, mine Danyela, ngalila emaviki aze aba matsatfu.

Danyela 10:7

Mine Danyela, kwaba ngimi ngedvwa lengawubona lombono; lamadvodza labekanye nami akazange awubone, kodvwa efikelwa ngulokukhulu kwesaba nekutfutfumela, aze abaleka ayawutifihla.

Danyela 11:4

Iyawutsi nase ivele, umbuso wayo bese uyehlukaniswa ubhekiswe emimoyeni yomine yasezulwini. Ngeke wendlulele etitukulwaneni tayo, futsi ngeke ube nalamandla leyayiwasebentisa, ngobe lombuso wayo uyawusishulwa unikwe labanye.

Danyela 7:1

Kwatsi ngemnyaka wekucala waBhelshasari, inkhosi yaseBhabhulona, Danyela wabhudza liphupho, kwendlula imibono engcondvweni yakhe aselele embhedzeni wakhe ngalobo busuku. Walibhala phansi leliphupho alandzisa lobekucuketfwe ngilo leliphupho.

Danyela 7:15

“Mine Danyela ngakhatsateka emoyeni wami, nalemibono leyendlula engcondvweni yami yangiphatamisa emphefumulweni.

Danyela 7:28

“Loku-ke kuphela kwendzaba yonkhe. Mine Danyela, ngakhatsateka kakhulu ngimicabango yami, buso bami baze baphaphatseka, kodvwa lendzaba yaba sifuba sami ngedvwa.”

Danyela 8:15

Ngatsi mine Danyela ngisabukisisa umbono, ngetama kuwuvisisa kahle, ngabona sekume embikwami lokwakunjengemuntfu ngesimo.

Danyela 8:2

Embonweni wami ngatibona mine ngisenqabeni yaseSusa esifundzeni sase-Elamu; kulombono ngangiseceleni kwemfula, i-Ulayi.

Danyela 9:2

ngemnyaka wakhe wekucala abekiwe, mine Danyela ngafundza ngeva kahle emiBhalweni njengekwelivi laSimakadze kuJeremiya, umphrofethi, kutsi kubhidlitwa kweJerusalema kuyawutsatsa iminyaka lengema-70, lapho iyawusala khona ikhala libhungane.