Danyela 7:9 - Siswati 1996 Bible

⁹ “Ngatsi ngisabukile, tihlalo tebukhosi tabekwa ngabolonina, Lophila Phakadze Naphakadze wahlala kusakhe. Tembatfo takhe tatimhlophe njengangcocwane; tinwele tenhloko yakhe tatimhlophe njengeboya betimvu. Sihlalo sakhe sebukhosi sasivutsa emalangabi, nemasondvo aso onkhe abelavuka emalangabi.

Danyela 7:9 Referencias Cruzadas

1 Emakhosi 22:19

Mikhaya wachubeka watsi: “Ngako-ke lalela livi laSimakadze: Ngabona Simakadze ahleti esihlalweni sakhe sebukhosi nayo yonkhe imphi yasezulwini ime ngakuye imtungeletile ngesekudla sakhe nangesancele.

2 Tikhronike 18:18

Mikhaya wachubeka watsi: “Ngako-ke lalela livi laSimakadze: Ngabona Simakadze ahleti esihlalweni sakhe sebukhosi, nayo yonkhe imphi yasezulwini ime ngakuye ngesekudla sakhe nangesancele.

Tihlabelelo 45:8

Tonkhe tingubo takho titselwe ngemakha emure, newenhlaba, newemphepho. Esigodlweni lesihlotjiswe ngekwematinyo endlovu, kuvakala tintsambo letikhala kamnandzi naletitfokotisako.

Tihlabelelo 90:2

Ngaphambi kwekudalwa kwetintsaba, yebo, ungakawudali nemhlaba, kusukela phakadze kuze kube phakadze, wena Nkulunkulu ukhona.

Tihlabelelo 93:2

Sihlalo sakho sebukhosi seloku sema sicinile kwasemandvulweni, wena wawuvele ukhona kwasemaphakadzeni.

Isaya 6:1

Kwatsi ngemnyaka wekufa kwenkhosi Uziya, ngabona Simakadze ahleti esihlalweni sakhe sebukhosi, naso lesisetulu futsi siphakeme, umsila wesembatfo sakhe ugcwalise lonkhe lithempeli.

Isaya 9:6

Ngobe tsine sitalelwe umntfwana, siphiwe indvodzana. Umbuso uyawubasemahlombe akhe. Uyawutsiwa nguMeluleki Lomangalisako, nguNkulunkulu Lonemandla, nguBabe Waphakadze, yiNkhosi Yekuthula.

Jeremiya 49:38

Ngiyawumisa sihlalo sami sebukhosi e-Elamu, ngibhubhise inkhosi yayo netiphatsimandla tayo,” kusho Simakadze.

Hezekeli 1:26

Ngetulu kwalomkhatsi lowawusetikwetinhloko tato bekunentfo leyayifanana nesihlalo sebukhosi lesakhiwe ngesafire, ngetulu kwalesihlalo sebukhosi kwakunentfo leyayinesimo lesasifanana nesemuntfu.

Danyela 7:13

“Embonweni wami wasebusuku, ngabona embikwami kwakume umuntfu labenjengendvodzana yemuntfu, abehla ngemafu asezulwini. Wasondzela kuloLophila Phakadze Naphakadze, waholeleka ebukhoneni bakhe.

Danyela 7:22

kwadzimate kwefika loLophila Phakadze Naphakadze, wakhipha sigwebo avikela labangcwele bakhe Longetulu Kwako Konkhe, kwase kufika sikhatsi lapho batsatsa khona umbuso waba ngewabo.

Mikha 5:2

Simakadze utsi: “Betlehema Efratha, nome ungulomunye wemiti lemincane yakaJuda, kodvwa ngiyawuveta kuwe umbusi loyawubusa sive saka-Israyeli. Lusendvo lwakhe luyawusukela kulolo lwaluvele lukhona kwasekucaleni.”

Habakhuki 1:12

Awu, Simakadze, awusiye yini wena wasendvulo? Nkulunkulu wami, wena Longcwele wami, singeke sife. Awu, Simakadze, ubeke bona baseBhabhulona kutsi behlisele kitsi sijeziso. Awu, dvwala letfu, umise bona kutsi batewusishaya.

Matewu 17:2

Jesu wagucuka lesinye simo embikwabo, buso bakhe bakhatimula njengelilanga, tingubo takhe taba mhlophe njengekukhanya.

Matewu 28:3

Lengilosi yayinjengembane, timphahla tayo tatimhlophe njengesitfwatfwa.

Makho 9:3

Tingubo takhe tacwebetela taba mhlophe nke, kwakungekho muntfu emhlabeni jikelele labengatenta tibe mhlophe njengato.

Imisebenti yebaPhostoli 2:30

Njengemphrofethi-ke ati futsi kutsi Nkulunkulu abetsembisile ngesifungo kuye kutsi uyawukhetsa lomunye wesitukulwane sakhe amente abe yiNkhosi njengaye.

Imisebenti yebaPhostoli 2:33

Asaphakanyiselwe ngasesandleni sekudla saNkulunkulu wemukeliswa nguYise setsembiso lesinguMoya Longcwele lebesetsenjiswe Yena, wabuye wamtfululela kitsi. Ngiko loku lenikubonako nalenikuvako.

KubaseFiliphi 3:9

ngitfolakale kuye ngite ngisho nalokuncane kulunga lokukwami, lokutfolakala ngekwenta lokufunwa ngumtsetfo. Kepha ngifuna kutfolakala nginekulunga lokuya ngekukholwa nguKhristu, ngisho kulunga lokutfolakala kuNkulunkulu ngekukholwa.

1 kuThimothi 6:16

Nguye yedvwa longabhubhi lohlala ekukhanyeni lekungasondzeleki kuko, longazange asabonwe ngumuntfu, nalongeke abonwe ngumuntfu. Kuye akube ludvumo nemandla aphakadze. Amen.

1 yaJohane 1:5

Lona ngumlayeto lesawutsatsa emlonyeni wakhe, simemetela wona kini kutsi Nkulunkulu ukukhanya, bumnyama kute kuye.

Sembulo 1:14

Inhloko netinwele takhe kwakumhlophe njengeboya betimvu, kumhlophe njengangcocwane; emehlo akhe afanana nelilangabi lemlilo.

Sembulo 19:18

Wotani nitewudla inyama letidvumbu temakhosi, netetindvuna, netemadvodza lanemandla, netemahhashi kanye netebagibeli bawo, netabo bonkhe bantfu, labakhululekile netigcili, labancane nalabakhulu.”

Sembulo 20:4

Ngase ngibona tihlalo tebukhosi, labo bebahleti kuto banikwa emandla ekwehlulela. Ngabona nemiphefumulo yalabo bebancunywe tinhloko ngenca yekufakaza kwabo ngaJesu, nangenca yekushumayela kwabo livi laNkulunkulu. Abazange bavume kusikhonta lesilo nome umfanekiso waso, abazange balwemukela neluphawu lwaso emabuntini abo nasetandleni tabo. Bavuka ekufeni, babusa naKhristu iminyaka leyinkhulungwane.

Sembulo 4:2

Masinyane ngaba kuMoya, kwabonakala ezulwini kume sihlalo sebukhosi, kukhona bekahleti kuso.