Danyela 7:28 - Siswati 1996 Bible

²⁸ “Loku-ke kuphela kwendzaba yonkhe. Mine Danyela, ngakhatsateka kakhulu ngimicabango yami, buso bami baze baphaphatseka, kodvwa lendzaba yaba sifuba sami ngedvwa.”

Danyela 7:28 Referencias Cruzadas

Genesisi 37:10

Kwatsi nakalitjela boyise nabomnakabo leliphupho, uyise wamtsetsisa watsi kuye: “Yini lena loyibhudzako wena? Ucabanga kutsi mine, nenyoko, nabomnakenu, sitakuta sitekukhotsama la kuwe?”

Genesisi 37:11

Bomnakabo baba nemona, kodvwa uyise wawagcina engcondvweni yakhe lamaphupho.

Danyela 10:16

Kwaba khona lonjengemuntfu lowatsintsa tindzebe temlomo wami, ngase ngiyakhuluma; ngakhuluma kulowo labeme embikwami, ngatsi: “Ngehlulwa kwesaba ngenca yalombono, nkhosi yami, angisenamandla.

Danyela 10:8

Ngako ngatikhandza sengisele ngedvwa ngigolotele lombono lomkhulu kangaka ngingenamandla, buso bami bagwala baba bovu tju, ngaba yingici.

Danyela 11:27

Lawo makhosi lamabili layawube tinhlitiyo tawo ticondze bubi, ayawuhlala etafuleni linye ayengane odvwa, kodvwa loko kungasiti lutfo, ngobe siphetfo sona siyawuhlale sifike ngesikhatsi saso lesibekiwe.

Danyela 12:13

“Kodvwa wena Danyela, hamba endleleni yakho kuze kube ngusekugcineni. Uyawuphumula, kuyawutsi ekupheleni kwemalanga, uvuke utekwemukeliswa sabelo sakho lekulifa lakho.”

Danyela 12:9

Wangiphendvula watsi: “Hamba ngendlela yakho, Danyela, ngobe lamavi asavalelwe ashicilelwa, kuyawudzimate kube sikhatsi sekugcina.

Danyela 4:16

Ingcondvo yakhe ayigucuke ekubeni yemuntfu, yena anikwe ingcondvo yetilwane kuze tikhatsi letisikhombisa tendlule kuye.

Danyela 4:19

Ngako Danyela, labebitwa ngekutsi nguBhelteshasari, wadideka kakhulu kwesikhashana, imicabango yakhe yametfusa. Ngako inkhosi yakhuluma kuye, yatsi: “Bhelteshasari, ungavumi likwetfuse leliphupho kanye nenchazelo yalo.” Bhelteshasari waphendvula, watsi: “Nkhosi yami, kube mane leliphupho belicondzene netitsa takho nenchazelo yalo icondzene nalabo labemelene nawe!

Danyela 5:6

Buso bayo bagucuka baphaphatseka, yatfutfumela kangangekutsi kwaze kwagedletela emadvolo ayo, kwatsamba nemilente yayo.

Danyela 7:15

“Mine Danyela ngakhatsateka emoyeni wami, nalemibono leyendlula engcondvweni yami yangiphatamisa emphefumulweni.

Danyela 8:1

Ngemnyaka wesitsatfu wekubusa kwenkhosi Bhelshasari, mine Danyela ngabona umbono, ngemvakwalowo lowase ubonakele kimi.

Danyela 8:17

Watsi asasondzela kulendzawo lapho ngangime khona, ngesaba kakhulu ngawa phansi ngebuso. Watsi kimi: “Ndvodzana yemuntfu, visisa kahle kutsi lombono umacondzana nesikhatsi sekugcina.”

Danyela 8:19

Watsi: “Ngitakutjela kutsi kutakwentekani kamuva, ngesikhatsi selulaka, ngobe lombono umacondzana nesikhatsi sekugcina lesimisiwe.

Danyela 8:27

Mine Danyela ngaphela emandla, ngalala ngigula emalanga lamanyenti. Ngase ngiyavuka ngachubeka nemsebenti wenkhosi. Ngangimangaliswe ngulombono, futsi wawungetulu kwengcondvo yemuntfu.

Makho 9:15

Masinyane nje sicuku satsi kube simbone Jesu, samangala kakhulu, sagijima saya kuye sayawumbingelela.

Lukha 2:19

Yena-ke Mariya watikhumbula tonkhe leto tintfo, wazindla ngato enhlitiyweni yakhe.

Lukha 2:51

Noko Jesu wahamba nabo waya eNazaretha; lapho wafike watitfoba, waba ngephansi kwabo; kodvwa unina watigcina enhlitiyweni yakhe tonkhe leto tintfo.

Lukha 9:44

“Ningabokukhohlwa naku lengitanitjela kona! INdvodzana yeMuntfu itawunikelwa etandleni tebantfu.”