Danyela 6:18 - Siswati 1996 Bible

¹⁸ Inkhosi yase iyancandzeka ibuyela esigodlweni sayo, busuku bonkhe yayihleti ingadli lutfo, akuzange kuletfwe ngisho nentfo yekuyijabulisa embikwayo. Ayizange ilale.

Danyela 6:18 Referencias Cruzadas

2 Samuweli 19:24

Mefiboshethi naye, umntfwanemntfwana Sawula, wehla watawuhlangabeta inkhosi Davide. Abengazange atigeze tinyawo takhe, nesilevu sakhe abengazange asihhule, netimphahla takhe abengazange atigeze kusukela mhlazane inkhosi, Davide, iphuma eJerusalema kwaze kwaba lilanga leyabuya ngalo iphephile.

1 Emakhosi 21:27

Watsi kube Ahabi eve lamavi, wadzabula tingubo takhe, wembatsa emasaka, wazila, walala ngemasaka, wahamba angulotfotjisiwe.

Esta 6:1

Kulobo busuku abuzange sebehle butfongo enkhosini, ngako yatfumela kutsi akulandvwe emabhuku emilandvo yembuso ifundzelwe.

Jobe 21:12

Bahlabelela ngekuhambisana nemafahlawane, nemahabhu, batijabulise ngekudlala imintjingozi.

Tihlabelelo 137:2

Saphanyeka emahabhu etfu, etulu eminyetaneni.

Tihlabelelo 77:4

Nguwe lowenta tinkhophe tami kutsi tingasindvwa butfongo, ngehluleka ngisho nekukhuluma.

Umshumayeli 2:8

Ngabutsisa ndzawonye isiliva negolide kanye nengcebo yemakhosi neyemave. Ngatibutsela bahlabeli labadvuna nalabasikati nako konkhe umuntfu langahle atijabulise ngako.

Sililo 3:53

Betama kucedzela imphilo yami emgodzini, bangijikijela ngematje,

Danyela 10:3

Ngangingadli kudla kwelikhetselo, nome inyama; kute nelitfonsi leliwayini lelake latsintsa umlomo wami; angigcobisanga ngisho nakancane, kwadzimate kwaphela lawo maviki lamatsatfu.

Danyela 2:1

Ngemnyaka wesibili wekubusa kwakhe, Nebukhadnezari wabhudza emaphupho; inhlitiyo yakhe yakhatsateka kakhulu, wehluleka ngisho nekulala.

Danyela 6:19

Kwatsi nakudzabuka kusa, inkhosi yavuka yaphutfuma emgodzini wemabhubesi.

Sembulo 18:22

Ingeke iphindze ivakale kuwe imisindvo yebashayi bemahabhu, neyebahlabeli, neyebashayi bemintjingozi, neyebashayi bemacilongo. Kungeke kuphindze kwateke kutsi kwase kwaba khona babati betintfo letitinhlobonhlobo. Ungeke uphindze uvakale nemsindvo wesigayo.