Danyela 5:10 - Siswati 1996 Bible

¹⁰ Indlovukazi yatsi kube ive emavi enkhosi netindvuna, yeta yangena endlini yelidzili. Yafike yatsi: “Bayethe, nkhosi, lunwele loludze, wena waphakathi! Ungetfuki! Ungesabi!

Danyela 5:10 Referencias Cruzadas

1 Emakhosi 1:31

Ngako Bhatisheba wakhotsamisa buso bakhe wabubhekisa phansi, waguca embikwenkhosi, watsi: “Shangatsi inkhosi yami Davide angaphila phakadze!”

Jobe 13:4

Noko, nine ningibhoca ngemanga, nonkhe nifanana netinyanga, kantsi anikwati kwelapha!

Jobe 21:34

“Ngako-ke ningangidvudvuta kanjani ngalenkhulumo yenu lengumbhedvo? Kute nakunye kwetimphendvulo tenu lokusasele ngaphandle kwemacebo odvwa nje.”

Danyela 2:4

Ngako bosonkhanyeti baphendvula inkhosi ngesi-Aramu batsi: “Awu nkhosi, lunwele loludze, wena waphakathi, tjela tinceku takho liphupho, tsine-ke sitabe sesiyalichaza.”

Danyela 3:9

Bakhuluma enkhosini Nebukhadnezari, batsi: “Bayethe nkhosi, lunwele loludze! Wena waphakathi!

Danyela 5:6

Buso bayo bagucuka baphaphatseka, yatfutfumela kangangekutsi kwaze kwagedletela emadvolo ayo, kwatsamba nemilente yayo.

Danyela 6:21

Danyela waphendvula watsi: “Lunwele loludze, nkhosi!

Danyela 6:6

Ngako labengameli naletikhulu babutsana baba sicumbi baya enkhosini, bafike batsi: “Bayethe, nkhosi Dariyusi, lunwele loludze! Nkhosi!