Danyela 4:8 - Siswati 1996 Bible

⁸ Ekugcineni kwefika Danyela, wema embikwami, ngabe sengimlandzisa ngaleliphupho lami. Ubitwa ngekutsi Bhelteshasari, lekulibito lankulunkulu wami; umoya wabonkulunkulu labangcwele ukuye.

Danyela 4:8 Referencias Cruzadas

Genesisi 41:38

Faro wakhuluma kuletindvuna takhe watsi: “Kodvwa singamtfolaphi umuntfu lofana nalona, lonaMoya waNkulunkulu?”

Isaya 46:1

Beli uyaguca, Nebo uyakhotsama. Titfombe tabo tetfwelwe tilwane tekwetfwala. Letitfombe tabo lababetetfwala setiyasindza, tingumtfwalo kuletilwane letidziniwe.

Isaya 63:11

Sive sakhe sase siyawakhumbula emalanga akadzeni, emalanga aboMosi kanye nesive sakhe, batsi: “Uphi lowa lowabeweta lwandle lolubovu bona kanye nebelusi bemhlambi wetimvu takhe? Uphi lowa lowafaka Moya wakhe Longcwele emkhatsini wabo,

Jeremiya 50:2

“Memetelani nikhulume emkhatsini webetive, phakamisani siboniso semphi, nimemetele, ningafihli lutfo, kodvwa tsanini: ‘IBhabhulona itawutfunjwa, Bheli utawuhlazeka, Maduki yena agcwale kwesaba. Titfombe tayo tiyawuhlazeka netithico tayo tigcwale kwesaba.’

Hezekeli 17:23

ngiwuhlanyele eticongweni tetintsaba letiphakeme taka-Israyeli. Uyawukhipha emagala utsele titselo, ube sihlahla lesihle semsedari. Kuyawukwakhela kuso tinhlobonhlobo tato tonkhe tinyoni, tiyawukhosela emtfuntini wemagala aso.

Danyela 1:7

Lendvuna yawetsa emabito lamasha: Danyela yatsi nguBhelteshasari, Hananiya yatsi nguShadraki, Mishayeli yatsi nguMeshaki, Azariya yatsi ngu-Abednego.

Danyela 2:11

Loku lokufunwa yinkhosi kulukhuni kakhulu. Kute namunye longakwembula loku enkhosini ngaphandle kwabonkulunkulu, bona-ke abahlali emkhatsini webantfu.”

Danyela 2:26

Inkhosi yabuta Danyela, labesabitwa ngekutsi nguBhelteshasari, yatsi: “Ungakhona yini kungitjela kutsi ngiboneni ephusheni lami, bese uyangichazela kutsi lisho kutsini?”

Danyela 3:14

Nebukhadnezari wakhuluma kuwo, watsi: “Kuliciniso yini, wena Shadraki, nawe Meshaki, nawe Abednego, kutsi anibakhonti labonkulunkulu bami nekutsi lesithico segolide lengisakhile anisikhotsameli?

Danyela 4:18

“Ngilo leli-ke liphupho lengilibhudzile, mine Nebukhadnezari. Manje-ke, Bhelteshasari, ngitjele kutsi lisho kutsini, ngobe kute nome munye wetati letilapha embusweni wami longangichazela lona. Kodvwa wena ungangichazela, ngobe umoya wabonkulunkulu labangcwele ukuwe.”

Danyela 4:9

“Ngakhuluma kuye, ngatsi: Bhelteshasari, mholi wetangoma, ngiyati kutsi umoya wabonkulunkulu labangcwele ukuwe, kute imfihlakalo lelukhuni kakhulu kuwe. Nali liphupho lami, ase ungichazele lona.

Danyela 5:14

Ngivile kutsi umoya wabonkulunkulu ukuwe nekutsi uyakubona lokusitsekile, unengcondvo kantsi unekuhlakanipha lokugcamile.