Danyela 4:4 - Siswati 1996 Bible

⁴ “Mine, Nebukhadnezari, ngangisekhaya esigodlweni sami, ngenelisekile, futsi ngiphumelela etintfweni tonkhe.

Danyela 4:4 Referencias Cruzadas

Isaya 56:12

Ngulowo nalowo uyatikhalela atsi: “Wotani, ngitalilandza liwayini! Asinatseni tjwala njengekutsandza kwetfu! Likusasa nalo litawuba njengalamuhla, nome-ke libe ncono kakhulu!”

Jeremiya 48:11

“Mowabi abesaphumulile kusukela kwasebusheni bakhe, njengeliwayini lelisele emashiceni, lingakatfululwa kuloludziwo lafakwa kulolwa; akakayi ekudzingisweni. Ngako usanambitseka njengobe abenjalo, neliphunga lakhe alikagucuki.”

Hezekeli 28:17

Inhlitiyo yakho yakhukhumuka ngenca yebuhle bakho, wona buhlakaniphi bakho ngenca yekucwebetela kwakho. Ngako ngase ngikulahlela emhlabeni, ngakwenta inhlekisa embikwemakhosi.

Hezekeli 29:3

Khuluma kuyo utsi: ‘Naku lokushiwo yiNkhosi Simakadze, itsi: “ ‘Ngimelene nawe, Faro, nkhosi yaseGibhithe, wena nyokangwenya lenkhulu, wena locambalele emkhatsini wemifudlana yakho. Ukhuluma utsi: “INayili yami, ngatakhela yona mine.”

Danyela 2:11

Loku lokufunwa yinkhosi kulukhuni kakhulu. Kute namunye longakwembula loku enkhosini ngaphandle kwabonkulunkulu, bona-ke abahlali emkhatsini webantfu.”

Danyela 4:19

Ngako Danyela, labebitwa ngekutsi nguBhelteshasari, wadideka kakhulu kwesikhashana, imicabango yakhe yametfusa. Ngako inkhosi yakhuluma kuye, yatsi: “Bhelteshasari, ungavumi likwetfuse leliphupho kanye nenchazelo yalo.” Bhelteshasari waphendvula, watsi: “Nkhosi yami, kube mane leliphupho belicondzene netitsa takho nenchazelo yalo icondzene nalabo labemelene nawe!

Danyela 5:8

Tonkhe tati tenkhosi tangena; kodvwa atizange tikwati kuwufundza lombhalo nome titjele inkhosi kutsi wawusho kutsini.

Zefaniya 1:12

“Ngaleso sikhatsi ngiyakuyiphenya ngetibane iJerusalema, ngijezise labo labatesutsisako, labafanana neliwayini lelisele emashiceni alo, bacabange batsi: ‘Simakadze angeke ente lutfo, loluhle nome lolubi.’