Danyela 4:37 - Siswati 1996 Bible

³⁷ Manje, mine Nebukhadnezari, ngibabata ngiphakamise ngekudvumisa iNkhosi yelizulu, ngobe konkhe lekwentako kulungile, nato tonkhe tindlela tayo tiphelele ngekulunga. Labo labahamba ngekutigcabha, uyakwati kubatfobisa.”

Danyela 4:37 Referencias Cruzadas

2 Tikhronike 33:19

Umthandazo wakhe, nekutsi Nkulunkulu watsintseka kanjani ngekutincengela kwakhe, kanye nato tonkhe tono takhe, nekungetsembeki kwakhe, netindzawo letiphakeme tekukhontela tithico, lapho bekakhe khona titfombe letikhontwako, wagcumeka netinsika ta-Ashera netithico, ngalesikhatsi asengakatitfobi, konkhe loko kubhaliwe etincwadzini tebaboniswa.

Esta 6:10

Inkhosi yatsi kuHamani: “Phutfuma, utsatse ingubo yebukhosi nelihhashi njengobe ushito, konkhe loko ukwente kuModekhayi, liJuda. Utamkhandza ahleti emphundvwini yendlunkhulu.”

Tihlabelelo 119:75

Ngiyati, Nkulunkulu, kutsi tehlulelo takho tilungile, nekutsi ungijezise njengobe kungifanele.

Tihlabelelo 99:4

Simakadze, nguwe losimise kulunga kwenkhosi letsandza kubusa ngekungakhetsi muntfu; nguwe lowehlisela lokuhle kuJakobe, waletsa kulunga nebucotfo.

Eksodusi 18:11

Nyalo-ke sengiyati kutsi Simakadze mkhulu kunabo bonkhe labanye bonkulunkulu, ngobe ema-Israyeli uwakhulule ekugcilatweni ngesihluku ngemaGibhithe.”

Eksodusi 8:4

Letigogodvolo tiyawugcumela etikwakho, nasetikwebantfu bakho, nasetikwetiphatsimandla takho tonkhe.’ ”

Isaya 23:9

NguSimakadze longuSomandla lokuhlelile kutsi entele phansi ligcabho labo bonkhe bukhatikhati, nekutsi atfobise bonkhe labadvumile emhlabeni.

Isaya 5:16

Kodvwa Simakadze longuSomandla utawuphakanyiswa ngekwehlulela kwakhe lokumsulwa. Nkulunkulu longcwele utabubonakalisa bungcwele bakhe ngekulunga kwakhe.

Jeremiya 50:29

“Butsani banembi bamelane neBhabhulona, bonkhe labakwati kujijimeta ngebutjoki, niyitungelete yonkhe, kubete lophunyulako. Yikhokheleni njengetento tayo; yentani kuyo njengobe nayo yenta. Ngobe yedzelele Simakadze, longuLongcwele waka-Israyeli.

Hezekeli 16:56

Wawungeke sewumbite nangelibito dzadzewenu Sodoma ngetikhatsi tekutiphakamisa kwakho,

Hezekeli 16:63

Ngiyawutsi-ke nase ngikwentele inhlawulo yakho, yako konkhe loku lose ukwentile, bese uyakhumbula udliwe ngemahloni, ungaphindzi uwuvule umlomo wakho ngenca yalokuhlazeka kwakho lokungaka, kusho iNkhosi Simakadze.’ ”

Danyela 4:26

Lomyalo wekushiya siphunti sesihlahla netimphandze taso kusho kutsi lombuso wakho uyawubuyiselwa kuwe, wena nase uvume kutsi Lizulu ngilo lelibusako.

Danyela 4:3

“Maye, tikhulu tibonakaliso takhe, maye, tinemandla timangaliso takhe! Umbuso wakhe ngumbuso waphakadze; bukhosi bakhe buyawuhlala bukhona titukulwane ngetitukulwane.

Danyela 4:34

“Ekugcineni kwaleso sikhatsi mine, Nebukhadnezari, ngaphakamisela emehlo ami ngabheka ngasezulwini, kukhanyelwa kwengcondvo yami kwabuyiselwa kimi. Ngabe sengidvumisa Longetulu Kwako Konkhe. Ngamhlonipha ngamdvumisa lowo lophila kuze kube phakadze. “Umbuso wakhe ungumbuso waphakadze; bukhosi bakhe buyawuhlala bumile titukulwane ngetitukulwane.

Danyela 5:4

Batsi basanatsa liwayini, babe badvumisa bonkulunkulu begolide, nebesiliva, nebelitfusi, nebensimbi, nebetigodvo, nebematje.

Matewu 11:25

Ngaleso sikhatsi Jesu wakhuluma watsi: “Ngiyabonga, Babe, Nkhosi yelizulu nemhlaba, ngobe ukufihlile loku kulabahlakaniphile nalabanekucondza, wakwembula kulabo lababantfwana.

Imisebenti yebaPhostoli 17:24

LoNkulunkulu lowenta yonkhe indalo yemkhatsi, nguNkulunkulu welizulu nemhlaba, akahlali emathempelini lakhiwe ngetandla tebantfu.

Dutheronomi 32:4

“Yena uLidvwala, imisebenti yakhe iphelele; yebo, netindlela takhe tonkhe tilungile. Nkulunkulu lowetsembekile longakwenti lokubi, ucotfo akakhetsi muntfu.

Sembulo 15:3

Babehlabela ingoma yaMosi, sisebenti saNkulunkulu, nengoma yeliWundlu, batsi: “Tinkhulu tiyamangalisa tento takho, Nkhosi, Nkulunkulu, Somandla! Tilungile tiliciniso tindlela takho, Nkhosi yetive tonkhe.

Sembulo 16:7

Ngase ngiva livi liphuma elatini litsi: “Nkhosi, Nkulunkulu, Somandla! Tiliciniso, futsi timsulwa tehlulelo takho!”

1 Samuweli 2:3

Ningasakhulumi kakhulu ngekutiphakamisa; kubete kutiphakamisa lokuphuma emilonyeni yenu. Ngobe Simakadze nguNkulunkulu welwati, ngaye tento tonkhe tiyaphenyisiswa.