Danyela 4:32 - Siswati 1996 Bible

³² Wena sewutawukhishwa emkhatsini webantfu, uyewuhlala emkhatsini wetilwane tesiganga; utawudla tjani njengetinkhomo. Kutakwendlula tikhatsi letisikhombisa kuwe, uze uvume kutsi Longetulu Kwako Konkhe wengamele yonkhe imibuso yebantfu, nekutsi uyinika nome ngubani umuntfu latsandza kumupha yona.”

Danyela 4:32 Referencias Cruzadas

2 Tikhronike 33:13

Watsi nakathandaza kuye, Simakadze watsintseka ngalokuncusa kwakhe, wakulalela kutincengela kwakhe, wase umbuyisela emuva eJerusalema nasembusweni wakhe. Kusukela lapho-ke Manase wati kutsi Simakadze nguNkulunkulu.

Jobe 42:2

“Ngiyati kutsi wena unemandla ekwenta konkhe, kute muntfu longaphatamisa loko lese uhlose kukwenta.

Jobe 9:12

Nakukhona lamhlwitsako, ngubani longaba nemandla ekummisa? Ngubani kona longambuta atsi: ‘Wentani?’

Tihlabelelo 115:3

Phela, Nkulunkulu wetfu usemazulwini, wenta konkhe lakutsandzako.

Tihlabelelo 135:6

Konkhe Simakadze lakutsandzako uyakwenta emazulwini nasemhlabeni, etilwandle kanye nasekujuleni konkhe.

Eksodusi 8:10

Faro wamphendvula watsi: “Kusasa.” Mosi watsi: “Kulungile, nkhosi, kutakwenteka njengobe ufuna, kuze wati kutsi kute lofanana naSimakadze longuNkulunkulu wetfu.

Eksodusi 9:14

Ngobe manje letishayo ngitatitfumelela kuletiphatsimandla takho nakubantfu bakho ngicedze ngendlulele kuwe imbala, khona utekwati kutsi kute lofanana nami emhlabeni wonkhe jikelele.

Eksodusi 9:29

Mosi wakhuluma kuye watsi: “Ngitawutsi ngingaphuma la edolobheni, bese ngiphakamisa tandla tami ngithandaze kuSimakadze; lokudvuma kutawukhawula nalesangcotfo siphele, kuze wati kutsi umhlaba ngewaSimakadze.

Isaya 37:20

Manje-ke, Simakadze Nkulunkulu wetfu, sephule esandleni sakhe, kuze yonkhe imibuso yemhlaba yati kutsi wena wedvwa, Simakadze, unguNkulunkulu.”

Isaya 40:15

Buka, tive tifanana nelitfonsi embiteni, titsatfwa njengelutfuli esikalweni; ukala tichingi kube shangatsi tilutfuli lolucolisakele.

Isaya 40:17

Tonkhe tive tinjengelite emehlweni akhe, kuye titsatseka njengentfo lengenamsebenti, futsi tingaphansi kwelite.

Isaya 45:3

Ngiyawukunika ingcebo yebumnyama, bunjinga lobubekwe etindzaweni letiyimfihlo, khona utewukwati kutsi mine nginguSimakadze, Nkulunkulu wema-Israyeli, lokubita ngelibito lakho.

Jeremiya 27:5

Ngemandla ami lamakhulu nangengalo yami leyelulekile, ngadala umhlaba kanye nebantfu labahlala kuwo kanye netilwane letikuwo, futsi ngiwunika nome ngubani lengimtsandzako.

Danyela 2:21

Ugucula tikhatsi netikhatsi temnyaka; ubeka emakhosi aphindze awehlise. Ubanika kuhlakanipha labahlakaniphile, anike lwati kulabacondzako.

Danyela 4:31

Emavi abesesemlonyeni wayo, nayiva livi liphuma ezulwini, litsi: “Naku lese kumiselwe wena, nkhosi Nebukhadnezari: Emandla ebukhosi bakho asatsetfwe kuwe.

Danyela 5:21

Wakhishwa emkhatsini webantfu, wanikwa ingcondvo yesilwane; wahlala emkhatsini wetimbongolo tesiganga, wadla tjani njengetinkhomo; nemtimba wakhe wanetfwa ngematolo asezulwini, waze wavuma kutsi Nkulunkulu Longetulu Kwako Konkhe wengamele yonkhe imibuso yebantfu nekutsi ubeka etikwayo nome ngumuphi lowo latsandza kumbeka.

Joshuwa 4:24

Wakwenta loko kuze tonkhe tive temhlaba tati kutsi sandla saSimakadze sinemandla, nekutsi nani nihlale nimesaba Simakadze Nkulunkulu wenu phakadze naphakadze.”