Danyela 4:16 - Siswati 1996 Bible

¹⁶ Ingcondvo yakhe ayigucuke ekubeni yemuntfu, yena anikwe ingcondvo yetilwane kuze tikhatsi letisikhombisa tendlule kuye.

Danyela 4:16 Referencias Cruzadas

2 Samuweli 18:32

Inkhosi yabuta kulomKushe, yatsi: “Unjani umfana Absalomu?” LomKushe waphendvula watsi: “Shangatsi loko lokwenteke kuye kungenteka kubo bonkhe labatitsa takho, nkhosi, nabo bonkhe labakuvukelako.”

Isaya 6:10

Yenta inhlitiyo yalabantfu ibe ndzindzima, netindlebe tabo tibe butfuntfu ekuveni, uvale nemehlo abo, bangahle babone ngemehlo abo, beve ngetindlebe tabo, bacondzisise ngetinhlitiyo tabo, bagucuke, bese bayaphiliswa.”

Danyela 11:13

Ngobe inkhosi yasenyakatfo iyawubutsa lamanye futsi emabutfo emphi, layawuba manyenti kakhulu kunalawa akucala; kuyawutsi emvakweminyaka leminyenti, bese ishuca nalenkhulu imphi lehlome yaphelela.

Danyela 12:7

Lomuntfu labegcoke telineni, labesetikwalamanti emfula, waphakamisa sandla sakhe sekudla nesancele, watibhekisa ezulwini, ngamuva afunga ngaye lophila phakadze atsi: “Kuyawuba ngiminyaka lemitsatfu nesigamu. Nakuphelela kuhlushwa kwebantfwana baNkulunkulu, tonkhe letintfo tiyawube setentekile.”

Danyela 4:23

“Wena, nkhosi, ubone sitfunywa, lesingcwele, sehla siphuma ezulwini, sitsi: ‘Sijube leso sihlahla usibhubhise, kodvwa ushiye siphunti saso, siboshwe ngensimbi nangelitfusi etjanini besiganga, timphandze taso tisesele phansi emhlabatsini. Lomuntfu akanetfwe ngematolo asezulwini; akahlale njengetilwane tesiganga, kuze kwendlule tikhatsi letisikhombisa ngakuye.’

Danyela 4:25

Utawucoshwa emkhatsini webantfu, uhlale netilwane tesiganga; utawudla tjani njengetinkhomo, unetfwe ngematolo asezulwini. Kutakwendlula tikhatsi letisikhombisa kuwe, uze uvume kutsi Longetulu Kwako Konkhe wengamele imibuso yonkhe yebantfu, uyinika nome ngubani lowo latsandza kumupha yona.

Danyela 7:25

Iyawukhuluma ihlambalate Longetulu Kwako Konkhe, icindzetele labangcwele bakhe, yetame kugucula tikhatsi temikhosi lemisiwe nemitsetfo. Labangcwele bayawunikelwa kuyo kube sikhashana, netikhatsi, nencenye yesikhatsi.

Danyela 7:28

“Loku-ke kuphela kwendzaba yonkhe. Mine Danyela, ngakhatsateka kakhulu ngimicabango yami, buso bami baze baphaphatseka, kodvwa lendzaba yaba sifuba sami ngedvwa.”

KumaHebheru 1:11

Wona ayawubhubha, kodvwa wena ungeke; wona ayawuguga onkhe, avitsike njengengubo.

Sembulo 12:14

Kodvwa lomfati wanikwa timphiko letimbili telusweti lolukhulu, kuze atewundiza abalekele lenyoka aye ehlane endzaweni lapho kufanele ondliwe khona, kuze kube sikhatsi netikhatsi nencenye yesikhatsi.