Danyela 4:12 - Siswati 1996 Bible

¹² Emacembe aso abemahle netitselo taso titinyenti, lapha kuso bekunekudla kwabo bonkhe. Ngaphansi kwaso tilwane tesiganga tatfola umtfunti wekuphumula, netinyoni tasemoyeni takhela tidleke tato emagaleni aso; tonkhe tidalwa tondliwa kuso.

Danyela 4:12 Referencias Cruzadas

Jobe 12:24

Babusi betive temhlaba ubemuka kuhlakanipha, abayekele bazulazule ehlane bangayiboni indlela,

Jobe 14:7

“Nangabe sihlahla sesijutjiwe, likhona litsemba lekutsi singahle siphindze sihlume futsi, kantsi nalawo mahlumela aso angeke abune.

Jobe 14:9

noko ngekuva umswakama wemanti siyahluma, kumile emahlumela njengesihlahla.

Sililo 4:20

Logcotjiwe waSimakadze, lokunguyena angimitsambo yekuphila kwetfu, wabhajwa etingibeni tabo. Besicabanga kutsi siyawukhosela ngaphansi kwematfunti akhe, siphile emkhatsini wetive ngetive.

Hezekeli 17:23

ngiwuhlanyele eticongweni tetintsaba letiphakeme taka-Israyeli. Uyawukhipha emagala utsele titselo, ube sihlahla lesihle semsedari. Kuyawukwakhela kuso tinhlobonhlobo tato tonkhe tinyoni, tiyawukhosela emtfuntini wemagala aso.

Hezekeli 31:17

Labo labebahlala emtfuntini wawo, tihlobo tawo emkhatsini wetive, nabo behlela nawo ethuneni, bahlangana nalabo lababulewe ngenkemba.

Danyela 4:14

Samemeta ngelivi lelikhulu, satsi: ‘Sijube leso sihlahla, ucote emagala aso; phundla emacembe aso, usakate titselo taso. Tilwane letingaphansi kwaso atibaleke, netinyoni letisemagaleni aso tindize tisuke kuso.

Matewu 13:32

Yona yincane kakhulu, kepha naseyikhulile iba yinkhulu kunato tonkhe tihlahla, kudzimate kufike netinyoni temoya, takhele tidleke tato emagaleni aso.”

Makho 13:32

“Kepha noko kute lowatiko kutsi lelo langa nalelo awa kuyawufika nini. Netingelosi tasezulwini atati, neNdvodzana ayati; nguYise kuphela lokwatiko loko.

Makho 4:32

Kepha umuntfu nakayihlanyela emhlabatsini, itsi ingamila, ikhule ibe sihlahla lesikhulu lesiveta emagala lamakhulu lanemtfunti, ngisho netinyoni tesiganga tifike takhe tidleke tato kuso.”

Lukha 13:19

Ufanana nenhlanyelo yendlulamitsi leyatsatfwa ngumuntfu wayihlanyela ensimini yakhe. Lenhlanyelo yakhula yaba sihlahla, netinyoni letindiza emoyeni takha tidleke tato emagaleni aso.”