Danyela 3:4 - Siswati 1996 Bible

⁴ Ummemeteli wevakala amemeta kakhulu, atsi: “Naku lokufanele kutsi nikwente, yebo, nine bantfu, nani tive, nani nonkhe nine bantfu betilwimi tonkhe:

Danyela 3:4 Referencias Cruzadas

Esta 8:9

Loku kwenteka ngelilanga lema-23, enyangeni yesitsatfu, lebitwa ngekutsi nguSivani. Modekhayi wabita bomabhalane benkhosi wabeka inkhulumo, bona bayibhala phansi. Letincwadzi tamikiswa kumaJuda, nebabusi, netindvuna, netiphatsimandla, nakuto tonkhe tifundza letatili-127, kusukela eNdiya kuze kufike eSudani. Letincwadzi tabhalwa ngelulwimi nangeluhlobo lwekubhala lwaleso naleso sifundza lapho tatiya khona, nakuwo emaJuda ngelulwimi lwawo nangeluhlobo lwekubhala kwawo.

Isaya 40:9

Wena loletsa tindzaba letimnandzi eSiyoni, khuphukela entsabeni lephakeme. Wena loletse tindzaba letimnandzi eJerusalema, phakamisa livi lakho, umemete, liphakamise, ungesabi. Tsanini kuwo emadolobha akaJuda: “Nangu Nkulunkulu wenu!”

Isaya 58:1

Nkulunkulu utsi: “Kumemetele ngelivi lelikhulu, ungatibambi. Phakamisa livi lakho njengelicilongo. Tjela bantfu bami kuhlubuka kwabo, indlu yakaJakobe tono tayo.

Danyela 3:10

Ukhiphe simiso, wena waphakathi, kutsi wonkhe umuntfu, nakeva kukhala kwempalampala, nekwemntjingozi, nekwezitha, nekwelire, nekwehabhu, nekwetimveve, nekwato tonkhe tinhlobo tekuhlabela, kufanele awe phansi akhotsame kulesithico segolide,

Danyela 3:3

Ngako-ke baholi, netindvuna, nebabusi, nebeluleki, nebagcinitikhwama, nebehluleli, nabomantji kanye nato tonkhe tiphatsimandla tetifundza bahlangana batewunikela lesithico Nebukhadnezari, inkhosi, labesakhile; befika bema embikwaso.

Danyela 3:7

Ngako-ke batsi kube beve umsindvo wempalampala, newemntjingozi, newezitha, newelire, newehabhu, newato tonkhe tinhlobo tekuhlabela, bonkhe bantfu, netive, nebantfu bato tonkhe tilwimi bawa phansi bakhotsama kulesithico segolide lesasimiswe yinkhosi Nebukhadnezari.

Danyela 4:1

Inkhosi Nebukhadnezari yatfumela nankhu umlayeto kubantfu, netive, nebantfu bato tonkhe tilwimi emhlabeni wonkhe, jikelele, watsi: “Philani nonkhe bekunene!

Danyela 4:14

Samemeta ngelivi lelikhulu, satsi: ‘Sijube leso sihlahla, ucote emagala aso; phundla emacembe aso, usakate titselo taso. Tilwane letingaphansi kwaso atibaleke, netinyoni letisemagaleni aso tindize tisuke kuso.

Danyela 6:25

Inkhosi Dariyusi yabhalela bonkhe bantfu, netive, nebantfu bato tonkhe tilwimi emhlabeni wonkhe jikelele, yatsi: “Nginifisela inchubekela embili!

Hoseya 5:11

Efrayimu ucindzetelekile wagcotjwagcotjwa ngekwehlulelwa, ngobe utimisele kulandzela tithico.

Mikha 6:16

Loko kuyakwenteka, ngobe nilandzele imikhuba lemibi yenkhosi Omri nendvodzana yakhe Ahabi. Nichubeke nalandzela imitsetfo yabo, ngaloko-ke ngiyawunibhubhisa; bonkhe bantfu bayawunibukela phansi. Bantfu yonkhe indzawo bayawunedzelela ngendzelelo.”

Sembulo 5:9

Kwahlatjelwa ingoma lensha, letsi: “Ufanele wena kuyitsatsa lencwadzi legocotiwe, ufanele futsi kuticatulula netimphawu tayo, yebo, ngobe wena wahlatjwa, ngengati yakho wahlawulela bantfu kuNkulunkulu. Labantfu bachamuka emindenini yonkhe, nasetilimini tonkhe, nasetiveni tonkhe, nasemaveni onkhe.