Danyela 3:30 - Siswati 1996 Bible

³⁰ Ngako inkhosi yase iphakamisa boShadraki, naMeshaki, na-Abednego ibanika tikhundla letiphakeme kakhulu esifundzeni saseBhabhulona.

Danyela 3:30 Referencias Cruzadas

Tihlabelelo 1:3

Unjengesihlahla lesihlanyelwe elusentseni lwemifula, sona sitsela titselo ngesikhatsi sato emacembe aso akabuni. Konkhe lakwentako kuyaphumelela.

Tihlabelelo 91:14

Nkulunkulu yena utsi: “Njengobe naku ubambelele kimi ngelutsandvo, ngitamephula ngimbeke endzaweni lephakeme, ngimvikele ngobe alati libito lami.

Danyela 1:7

Lendvuna yawetsa emabito lamasha: Danyela yatsi nguBhelteshasari, Hananiya yatsi nguShadraki, Mishayeli yatsi nguMeshaki, Azariya yatsi ngu-Abednego.

Danyela 2:49

Ngetulu kwaloko, ngesicelo saDanyela, inkhosi yabeka boShadraki, naMeshaki, na-Abednego kutsi babe tiphatsimandla kulesifundza saseBhabhulona, kwase kutsi Danyela yena wasala esigodlweni.

Danyela 3:1

Inkhosi Nebukhadnezari yenta sithico segolide, lesasingemamitha labengaba ngema-30 kuphakama, nemamitha labengaba matsatfu bubanti, yasibeka etsafeni laseDura esifundzeni saseBhabhulona.

Danyela 3:12

Kodvwa kukhona emaJuda lamanye lowabeke kutsi engamele tonkhe tindzaba talesifundza saseBhabhulona, boShadraki, naMeshaki, na-Abednego, labangenandzaba nawe, nkhosi. Ababakhonti bonkulunkulu bakho, kantsi futsi nalesithico segolide losimisile abasikhotsameli.”

Johane 12:26

Lowo losikhonti sami akangilandzele, lapho ngikhona khona mine nesisebenti sami siyawuba khona. Losikhonti sami uyawutuswa nguBabe.”

KubaseRoma 8:31

Siyawutsini-ke ngaloku? Nangabe Nkulunkulu angakitsi ngubani longamelana natsi?

1 Samuweli 2:30

“Ngaloko-ke Simakadze, Nkulunkulu wema-Israyeli, ukhuluma utsi: ‘Ngetsembisa ngatsi indlu yakho nendlu yeyihlo iyawukhonta embikwami phakadze naphakadze.’ Kodvwa nyalo Simakadze utsi: ‘Kungeke kusaba njalo! Ngobe labo labangihloniphako ngiyakubahlonipha, kodvwa labo labangedzelelako nabo bayakwedzeleleka.