Danyela 3:29 - Siswati 1996 Bible

²⁹ “Ngako-ke sengikhipha umtsetfosimemetelo kutsi bonkhe bantfu bato tonkhe tive netilwimi labakhuluma lokuphambene naNkulunkulu waboShadraki, naMeshaki, na-Abednego abajutjwe batokwe babe ticucu, netindlu tabo tibhidlitwe tibe tindvundvuma tetimfuhlululu, ngobe kute lomunye nkulunkulu longasindzisa ngalendlela.”

Danyela 3:29 Referencias Cruzadas

2 Emakhosi 10:27

Balibhubhisa lelitje laBhali lekwakutsiwa lingcwele, babhidlita nalelithempeli laBhali. Bantfu balisebentisa njengemthoyi kusukela ngalelo langa kuze kube ngulamuhla.

Ezra 6:11

“Ngetulu kwaloko ngishaya umtsetfo kutsi lowo loyakuwugucula lomtsetfo kuyawufutwa likabha endlini yakhe, licijwe nganhlanye bese ugwazwa ngalo. Indlu yakhe shangatsi ingentiwa ibe yincumbi yemfucuta.

Tihlabelelo 3:8

Insindziso ivela kuwe, Simakadze; sibusiso sakho asibesesiveni sakho! Cabanga.

Tihlabelelo 76:10

Ngempela lulaka lwebantfu lwengeta indvumiso yakho, labasindze elulakeni lwakho bayimvunulo yakho.

Danyela 1:19

Inkhosi yakhuluma nabo, yakhandza kutsi kute namunye labelingana naboDanyela, naHananiya, naMishayeli kanye na-Azariya; ngako base bangena emsebentini wenkhosi.

Danyela 1:7

Lendvuna yawetsa emabito lamasha: Danyela yatsi nguBhelteshasari, Hananiya yatsi nguShadraki, Mishayeli yatsi nguMeshaki, Azariya yatsi ngu-Abednego.

Danyela 2:17

Danyela wancandzeka wabuyela endlini yakhe, wafike wachazela labangani bakhe boHananiya, naMishayeli kanye na-Azariya ngalendzaba.

Danyela 2:47

Inkhosi yakhuluma kuDanyela, yatsi: “Impela, loNkulunkulu wakho unguNkulunkulu wabo bonkhe bonkulunkulu, neNkhosi yemakhosi, neMembuli wetimfihlakalo, ngobe wena ukhonile kwembula lemfihlakalo.”

Danyela 2:49

Ngetulu kwaloko, ngesicelo saDanyela, inkhosi yabeka boShadraki, naMeshaki, na-Abednego kutsi babe tiphatsimandla kulesifundza saseBhabhulona, kwase kutsi Danyela yena wasala esigodlweni.

Danyela 2:5

Inkhosi yaphendvula labosonkhanyeti, yatsi: “Naku-ke lese ngikuncumile ngema kuko: Naningangitjeli kutsi leliphupho lami belitsini bese niyalichaza, ngitanicoba nibe ticucu, ngibhidlite netindlu tenu tibe tindvundvuma temfuhlululu.

Danyela 3:12

Kodvwa kukhona emaJuda lamanye lowabeke kutsi engamele tonkhe tindzaba talesifundza saseBhabhulona, boShadraki, naMeshaki, na-Abednego, labangenandzaba nawe, nkhosi. Ababakhonti bonkulunkulu bakho, kantsi futsi nalesithico segolide losimisile abasikhotsameli.”

Danyela 3:15

Manje, naniva umsindvo wempalampala, newemntjingozi, newezitha, newelire, newehabhu, newetimveve, newato tonkhe tinhlobo tekuhlabela, nase nilungele kuwa nikhotsame kulesithico segolide lengisimisile, kulungile. Kodvwa naningasikhotsameli, nitawujikijelwa ngekushesha lokukhulu ekhatsi kulamalangabi emlilo lowesabekako nalohhumako. Ngumuphi-ke lowo nkulunkulu lotaba nemandla ekunephula esandleni sami?”

Danyela 3:17

Nasijikijelwa ekhatsi kulamalangabi emlilo lowesabekako nalohhumako, loNkulunkulu wetfu lesimkhontako unemandla ekusisindzisa kuwo, futsi uyakusephula esandleni sakho, nkhosi.

Danyela 3:28

Nebukhadnezari-ke wakhuluma watsi: “Akadvunyiswe Nkulunkulu waboShadraki, naMeshaki, na-Abednego lotfume ingilosi yakhe kutsi itewulamlela tinceku takhe! Babemetsembile bangete bawutsatsa umyalo wenkhosi, batimisela kulahlekelwa nakuphila kwabo kunekutsi bakhonte nome bakhotsamele lomunye nkulunkulu ngaphandle kwaNkulunkulu wabo.

Danyela 6:28

Ngako Danyela waphumelela ngesikhatsi sekubusa kwaDariyusi nangesikhatsi sekubusa kwaKhuresi, umPheresiya.

Dutheronomi 32:31

Ngobe lidvwala labo alifanani neLidvwala letfu, ngisho netitsa tetfu tiyakuvuma loko.