Danyela 3:19 - Siswati 1996 Bible

¹⁹ Nebukhadnezari watfukutselela boShadraki, naMeshaki, na-Abednego, nesimo sakhe kubo sagucuka. Watfumela kutsi kubaswe lamalangabi emlilo lowesabekako nalohhumako kutsi ushise ngalokuphindvwe kasikhombisa,

Danyela 3:19 Referencias Cruzadas

Genesisi 31:2

Jakobe wabona kutsi buso baLabani babungasamjabuleli njengakucala.

Esta 3:5

Hamani watfukutsela wagaya tiboti, nakabona kutsi Modekhayi akamhloniphi, futsi akamkhotsameli.

Esta 7:7

Inkhosi yasukuma seyitfukutsele igaya tiboti, yashiya lidzili yaphumela ngaphandle esibuyeni sesigodlo, yayawushaywa ngumoya. Hamani wabona kutsi kubi, inkhosi vele itamjezisa ngalesento; wasala endlini, entela kutincengela ku-Esta, kutsi inkhosi ingambulali.

Tihlabelelo 76:10

Ngempela lulaka lwebantfu lwengeta indvumiso yakho, labasindze elulakeni lwakho bayimvunulo yakho.

Taga 16:14

Kutfukutsela kwenkhosi kunjengesitfunywa sekufa; kodvwa umuntfu lohlakaniphile uyayidvudvuta inhlitiyo yayo.

Taga 21:24

Ligama lelitsi “sidvwaladvwala” lisho umuntfu longahloniphi nalotigcabhako, nalongabanaki bantfu.

Isaya 51:23

Ngiyakuyifaka etandleni tebahluphi bakho, labakhuluma kuwe batsi: ‘Khotsama phansi, khona sitewuhamba etikwakho.’ Umhlane wakho uwente ufanane nesiyilo, ufanane nemgwaco lekungahanjwa etikwawo.”

Danyela 2:12

Loku kwenta inkhosi yatfukutsela yatselwa ngemanti, yatsi: “Tonkhe tati taseBhabhulona atibulawe.”

Danyela 3:13

Nebukhadnezari watfukutsela wabila, wabita boShadraki, naMeshaki kanye na-Abednego kutsi bete kuye. Ngako lamadvodza aletfwa embikwenkhosi.

Danyela 3:20

watfuma lamanye emadvodza emphi labenemandla kakhulu kutsi abophe boShadraki, naMeshaki, na-Abednego bese abajikijela ekhatsi kulamalangabi emlilo lohhumako.

Danyela 5:6

Buso bayo bagucuka baphaphatseka, yatfutfumela kangangekutsi kwaze kwagedletela emadvolo ayo, kwatsamba nemilente yayo.

Danyela 6:24

Inkhosi yakhipha umyalo, kwaletfwa kuyo onkhe lamadvodza labebeke Danyela licala ngekumcalela emanga, ajikijelwa emgodzini wemabhubesi, wona, nabomkawo, kanye nebantfwabawo. Emabhubesi atseleka etikwabo, abadzabudzabula abacedza bangakefiki ngisho nasesiyilweni salomgodzi wemabhubesi, ababhasha ngisho nematsambo abo.

Levithikusi 26:18

“ ‘Nanichubeka ngekungangilaleli nome sekunehlele konkhe loku, sijeziso senu ngiyawusikhulisa siphindvwe kasikhombisa.

Levithikusi 26:21

“ ‘Nanichubeka kumelana nami nale nekungilalela, lokuhlupheka kwenu ngiyawukuphindza kasikhombisa kuye ngaleto tono lenitentile.

Levithikusi 26:24

nami-ke sengiyawumelana nani ngekunivisa buhlungu ngalokuphindvwe kasikhombisa ngenca yetono tenu.

Levithikusi 26:28

ngiyawunigucukela ngentfukutselo yami ngimelane nani, sijeziso ngisente sibe buhlungu ngekusiphindza kasikhombisa.

Imisebenti yebaPhostoli 5:33

Batsi nabakuva loko, batfukutsela kakhulu, bancuma kutsi babulawe.

Imisebenti yebaPhostoli 7:54

Liqoqo letiphatsimandla lisalalele Stefano latfukutsela kakhulu, lacucudza imihlatsi.