Danyela 3:10 - Siswati 1996 Bible

¹⁰ Ukhiphe simiso, wena waphakathi, kutsi wonkhe umuntfu, nakeva kukhala kwempalampala, nekwemntjingozi, nekwezitha, nekwelire, nekwehabhu, nekwetimveve, nekwato tonkhe tinhlobo tekuhlabela, kufanele awe phansi akhotsame kulesithico segolide,

Danyela 3:10 Referencias Cruzadas

1 Tikhronike 15:16

Davide watjela baholi bemaLevi kutsi bakhetse bantfu nebahlabeli kutsi batewuhlabela tingoma tekujabula, baphekeletelwa ngimintjingozi: emalire, nemahabhu kanye nemasimbali.

1 Tikhronike 15:28

Ngako onkhe ema-Israyeli enyuka nelibhokisi lesivumelwane saSimakadze amemeta, ashaya timphondvo tetihhanca, nemacilongo, nemasimbali, ashaya ngisho nemalire nemahabhu.

2 Tikhronike 29:25

Wemisa emaLevi ethempelini laSimakadze aphetse emasimbali, nemahabhu, nemalire ngayo yona leyo ndlela leyayimiswe nguDavide naGadi, umboniswa wenkhosi, kanye naNathani, umphrofethi. Loko bekungumyalo lowetfulwa nguSimakadze ngebaphrofethi bakhe.

Tihlabelelo 94:20

Babusi lababi bangaba nenhlanganyelo yini nawe, labo labenta bubi kube shangatsi ngumtsetfo?

Eksodusi 1:16

“Nanibelekisa bafati bemaHebheru, kubotsi luswane nalungumfana nilubulale, kodvwa naluyintfombatane ningalubulali.”

Eksodusi 1:22

Ngako-ke Faro wayala bonkhe bantfu bakhe, watsi: “Lonkhe luswane lwemHebheru lolungumfana lubotsi nalutalwa nilugcumukisele emfuleni iNayili, kodvwa luswane loluyintfombatane niboluyekela luphile.”

Umshumayeli 3:16

Ngetulu kwaloko kukhona lokunye lengaphindze ngakubona lapha ngaphansi kwemtfunti welilanga: lapho kwakufanele kusebenta khona umtsetfo, kwasebenta umonakalo; lapho kwakufanele kusebente khona kulunga, kwasebenta umonakalo.

Isaya 10:1

Maye kulabo labashaya imitsetfo lengakalungi, kulabo labashaya imitsetfo yekucindzetela,

Danyela 3:11

nekutsi wonkhe longawi akhotsame uyawujikijelwa kulelilangabi lemlilo lowesabekako nalohhumako.

Danyela 3:15

Manje, naniva umsindvo wempalampala, newemntjingozi, newezitha, newelire, newehabhu, newetimveve, newato tonkhe tinhlobo tekuhlabela, nase nilungele kuwa nikhotsame kulesithico segolide lengisimisile, kulungile. Kodvwa naningasikhotsameli, nitawujikijelwa ngekushesha lokukhulu ekhatsi kulamalangabi emlilo lowesabekako nalohhumako. Ngumuphi-ke lowo nkulunkulu lotaba nemandla ekunephula esandleni sami?”

Danyela 6:12

Ngako ahamba aya enkhosini, afike akhuluma kuyo ngalesimemetelo sayo sebukhosi, atsi: “Awuzange yini ukhiphe umtsetfosimemetelo kutsi kulamalanga langema-30 letako umuntfu lothandaza kunome ngumuphi nkulunkulu nome umuntfu ngaphandle kwakho, nkhosi, utawujikijelwa emgodzini wemabhubesi?” Inkhosi yaphendvula, yatsi: “Lesimemetelo simile njengekwemitsetfo yemaMede nemaPheresiya, lengeke iguculwe ngumuntfu.”

Amose 6:5

Nanihlabela, nigubhutelisa emahabhu enu, nitakhele nine imintjingozi yemculo njengaDavide.

Johane 11:57

Baphristi labakhulu nebaFarisi base bakhipha simemetelo sekutsi nakukhona lowatiko lapho akhona Jesu, abobabikela, kuze batembamba.