Danyela 2:9 - Siswati 1996 Bible

⁹ Naningangitjeli leliphupho, sinye kuphela sijeziso senu. Nihlanganise emasu ekungitjela tintfo letedukisako naletikhohlakele netsembe kutsi tintfo titawugucuka. Ngako-ke ngitjeleni liphupho, ngitawube sengiyati-ke kutsi ningangichazela lona.”

Danyela 2:9 Referencias Cruzadas

1 Emakhosi 22:22

“Simakadze wawubuta watsi: ‘Kanjani?’ “Umoya waphendvula watsi: ‘Ngitawuphuma ngibe ngumoya wemanga emlonyeni wabo bonkhe baphrofethi bakhe.’ “Simakadze watsi: ‘Cha, wena-ke utawuphumelela kumhunga nembala. Hamba, wente njalo.’

1 Emakhosi 22:6

Ngako inkhosi yaka-Israyeli yase ibutsela ndzawonye baphrofethi lababengaba ngema-400, emadvodza odvwa, yababuta yatsi: “Ngingaya yini kuyawuhlasela iRamothi Gileyadi, nome ngiyekele?” Baphendvula batsi: “Hamba, ngobe Simakadze utayinikela etandleni tenkhosi.”

Esta 4:11

“Wonkhe umuntfu, indvodza nome umfati, longena ngekhatsi endlunkhulu enkhosini ayibone ingakambiti, umtsetfo utsi lowo muntfu akabulawe. Lomtsetfo watiwa ngibo bonkhe bantfu lababeluleki bayo kanye nebantfu bonkhe emaveni onkhe embuso. Lowo muntfu usindza kuphela, nangabe inkhosi imphakamisela indvuku yayo yebukhosi yegolide. Sekuphela inyanga inkhosi solomane ingakangibiti kutsi ngite kuyo.”

Taga 12:19

Umuntfu lokhuluma liciniso uyakhonsa; kodvwa lokhuluma emanga akakhonsi.

Isaya 41:23

Nome-ke nisitjele ngetintfo letitakwenteka, nisitjele kutsi likusasa liphetseni, kuze sitekwati kutsi nibonkulunkulu. Ase nente lutfo, loluhle nome lolubi, kuze sitewujabha sesabe.

Isaya 44:25

lophuntisa tibonakaliso tebaphrofethi bemanga, labaphengulako abente tilima, acitse kufundza kwalabahlakaniphile, akugucule akwente kube ngumbhedvo.

Hezekeli 13:17

“Nyalo-ke, ndvodzana yemuntfu, bhekisa buso bakho kuwo emadvodzakati esive sakini laphrofetha loko lokusuka emicabangweni yawo. Phrofetha umelane nawo,

Hezekeli 13:19

Nine ningihlambalatile emkhatsini wesive sami, ngobe nicondze kutfola emabinta lambalwa nje ebhali netingebhuta letimbalwa tesinkhwa. Ngekukhuluma emanga esiveni sami, lesilalela emanga, nibabulele labo lebekufanele bangafi, nasindzisa lebekufanele bafe.

Hezekeli 13:6

Imibono yabo iyinkhohliso, nekubhula kwabo kungemanga. Bakhuluma batsi: “Kusho Simakadze,” abe Simakadze angazange asabatfume; kunjalo nje, babheke kutsi lamavi abo agcwaliseke.

Danyela 2:16

Ngaloko Danyela wesuka waya enkhosini wayawucela litfuba lekutsi ayichazele leliphupho layo.

Danyela 2:21

Ugucula tikhatsi netikhatsi temnyaka; ubeka emakhosi aphindze awehlise. Ubanika kuhlakanipha labahlakaniphile, anike lwati kulabacondzako.

Danyela 2:8

Inkhosi yaphendvula yatsi: “Cha, sengiyabona kutsi nicondze kungicitsela sikhatsi, ngobe nani niyabona kutsi loku ngukona lese ngikuncumile ngema kuko:

Danyela 3:15

Manje, naniva umsindvo wempalampala, newemntjingozi, newezitha, newelire, newehabhu, newetimveve, newato tonkhe tinhlobo tekuhlabela, nase nilungele kuwa nikhotsame kulesithico segolide lengisimisile, kulungile. Kodvwa naningasikhotsameli, nitawujikijelwa ngekushesha lokukhulu ekhatsi kulamalangabi emlilo lowesabekako nalohhumako. Ngumuphi-ke lowo nkulunkulu lotaba nemandla ekunephula esandleni sami?”

Danyela 5:28

Pharisini: Umbuso wakho wehlukanisiwe wanikwa emaMede nemaPheresiya.”

Danyela 5:31

Dariyusi, umMede, watsatsa umbuso, asaneminyaka lengema-62.

Danyela 7:25

Iyawukhuluma ihlambalate Longetulu Kwako Konkhe, icindzetele labangcwele bakhe, yetame kugucula tikhatsi temikhosi lemisiwe nemitsetfo. Labangcwele bayawunikelwa kuyo kube sikhashana, netikhatsi, nencenye yesikhatsi.

2 kubaseKorinthe 2:17

Tsine-ke asinjengabo bantfu labanyenti labenta livi laNkulunkulu libe yindali; kodvwa tsine lesikuKhristu sikhuluma kwaNkulunkulu ngekuciniseka ebukhoneni bakhe.