Danyela 2:48 - Siswati 1996 Bible

⁴⁸ Inkhosi yase ibeka Danyela esikhundleni lesiphakeme kakhulu, yambhumbela ngetipho letinyenti letinkhulu. Yamenta waba ngumbusi etikwesifundza sonkhe saseBhabhulona, yambeka waba ngumengameli wato tonkhe tati takhona.

Danyela 2:48 Referencias Cruzadas

2 Samuweli 19:32

Bhazilayi besekulikhehla lelidzala, asaneminyaka lengema-80 budzala. Abenjinge kakhulu, nguye labekhipha kudla aphe inkhosi ngesikhatsi isahlala eMahanayimu.

2 Emakhosi 5:1

Namani abeyindvuna yelibutfo lenkhosi yaseSiriya. Abengumuntfu lomkhulu kabi enkhosini yakhe, futsi ahlonishwa kakhulu, ngobe ngaye Simakadze wanika iSiriya kuncoba. Abelichawe lelinesibindzi, kodvwa abenebulephelo.

Jobe 1:3

abefuye timvu letatiti-7 000, nemakamela lati-3 000, netinkhabi letiboshelwako letiyinkhulungwane, netimbongolo letinsikati letatingema-500 kanye netisebenti letinyenti kakhulu. Lendvodza yayidvume ngebunjinga lobukhulu, yendlula onkhe emadvodza asemphumalanga.

Jeremiya 5:5

Ngako ngiyakuya kubaholi, ngikhulume kubo, ngempela, bayayati indlela yaSimakadze, imiyalo lefunwa nguNkulunkulu wabo, kubo.” Kodvwa nabo futsi nganhlitiyonye balephula lijoko, batidzabula netibopho.

Danyela 2:6

Kodvwa naningitjela leliphupho nilichaze, nitakwemukela kimi tipho, nemivuzo, neludvumo lolukhulu. Ngako-ke ngitjeleni leliphupho, bese ningichazela lona.”

Danyela 3:1

Inkhosi Nebukhadnezari yenta sithico segolide, lesasingemamitha labengaba ngema-30 kuphakama, nemamitha labengaba matsatfu bubanti, yasibeka etsafeni laseDura esifundzeni saseBhabhulona.

Danyela 3:12

Kodvwa kukhona emaJuda lamanye lowabeke kutsi engamele tonkhe tindzaba talesifundza saseBhabhulona, boShadraki, naMeshaki, na-Abednego, labangenandzaba nawe, nkhosi. Ababakhonti bonkulunkulu bakho, kantsi futsi nalesithico segolide losimisile abasikhotsameli.”

Danyela 3:30

Ngako inkhosi yase iphakamisa boShadraki, naMeshaki, na-Abednego ibanika tikhundla letiphakeme kakhulu esifundzeni saseBhabhulona.

Danyela 4:6

Ngako ngayala kutsi tonkhe tati taseBhabhulona tite lapha embikwami, titengichazela leliphupho lami.

Danyela 4:9

“Ngakhuluma kuye, ngatsi: Bhelteshasari, mholi wetangoma, ngiyati kutsi umoya wabonkulunkulu labangcwele ukuwe, kute imfihlakalo lelukhuni kakhulu kuwe. Nali liphupho lami, ase ungichazele lona.

Danyela 5:11

Kukhona indvodza lapha embusweni wakho lenemoya wabonkulunkulu labangcwele. Ngesikhatsi seyihlo yatfolakala inako kubonisisa, nekucondzisisa, nekuhlakanipha lokufanana nekwabonkulunkulu. Inkhosi Nebukhadnezari, uyihlo, yambeka kutsi abe ngumphatsi wetinyanga, nebatsebuli, nabosonkhanyeti kanye netangoma.

Danyela 5:16

Ngivile-ke wena kutsi ungakwati kuveta tinchazelo nekucatulula tinkinga letilukhuni. Nawungafundza lombhalo, ungitjele kutsi usho kutsini, utakwembatsiswa letibukhwebeletane, kugacwe umgaco wegolide entsanyeni yakho, bese wentiwa uba ngumbusi wesitsatfu embusweni.”

Danyela 5:29

Ngekushesha Bhelshasari watfumela livi kutsi Danyela akembatsiswe ngaletibukhwebeletane, kwagacwa entsanyeni yakhe umgaco wegolide, kwamenyetelwa kutsi yena sewungumbusi wesitsatfu embusweni.

Danyela 5:7

Inkhosi yamemeta kutsi kulandvwe bonkhe batsebuli, nabosonkhanyeti, netangoma. Yakhuluma kuletati taseBhabhulona, yatsi: “Nome ngabe ngubani longafundza lombhalo, angitjele kutsi usho kutsini, utakwembeswa ngaletibukhwebeletane, agacwe umgaco wegolide entsanyeni yakhe, entiwe abe ngumbusi wesitsatfu embusweni.”

Danyela 8:27

Mine Danyela ngaphela emandla, ngalala ngigula emalanga lamanyenti. Ngase ngiyavuka ngachubeka nemsebenti wenkhosi. Ngangimangaliswe ngulombono, futsi wawungetulu kwengcondvo yemuntfu.

Numeri 24:11

Nyamalala nyalo ubuyele ekhaya lakho; bengitsi ngitakubonga ngesibongo lesihle, kodvwa Simakadze ukwalele kutsi utfole lesibongo.”

1 Samuweli 17:25

Ema-Israyeli abesolomane atsi: “Uyayibona yini lendvodza lesolomane iphumela ebaleni? Iphumela kusibita insayeya sive sema-Israyeli. Inkhosi itsite itamnika umcebo lomyenti umuntfu longahle ayibulale. Itawuphindze imendzisele nendvodzakati yayo, iphindze ikhiphe nendlu yeyise waleyo ndvodza emtselweni wema-Israyeli.”

1 Samuweli 2:8

Uphakamisa labampofu elutfulini, akhuphule labeswele etindvundvumeni temlotsa, atebahlalisa nalabahloniphekile, abente badle lifa lesihlalo sebukhosi. Ngobe tinsika temhlaba taSimakadze, umhlaba uwakhele etikwato.

1 Samuweli 25:2

Bekukhona indvodza leyayicebile eMayoni, yayinetimphahla khona lapho eKhameli. Yayinetimbuti letatiyinkhulungwane netimvu letati-3 000 leyayitifuyele eKhameli, lapho yayitihhulela khona.