Danyela 2:46 - Siswati 1996 Bible

⁴⁶ Inkhosi Nebukhadnezari yakhotsama yawa ngebuso embikwaDanyela, imhlonipha, yatsi akentelwe umnikelo, ashiselwe imphepho.

Danyela 2:46 Referencias Cruzadas

Ezra 6:10

khona batewunikela imihlatjelo lejabulisako kuNkulunkulu wasezulwini, kuthandazelwe inkhosi nemadvodzana ayo kutsi konkhe kubahambele kahle.

Danyela 3:5

Kutawutsi kungevakala kukhala kwempalampala, nekwemntjingozi, nekwezitha, nekwelire, nekwehabhu, nekwetimveve, nekwato tonkhe tinhlobo tekuhlabela, kufanele niwe phansi nikhotsame kulesithico segolide lesimiswe yinkhosi Nebukhadnezari.

Danyela 3:7

Ngako-ke batsi kube beve umsindvo wempalampala, newemntjingozi, newezitha, newelire, newehabhu, newato tonkhe tinhlobo tekuhlabela, bonkhe bantfu, netive, nebantfu bato tonkhe tilwimi bawa phansi bakhotsama kulesithico segolide lesasimiswe yinkhosi Nebukhadnezari.

Danyela 8:17

Watsi asasondzela kulendzawo lapho ngangime khona, ngesaba kakhulu ngawa phansi ngebuso. Watsi kimi: “Ndvodzana yemuntfu, visisa kahle kutsi lombono umacondzana nesikhatsi sekugcina.”

Levithikusi 26:31

Emadolobha enu ngiyakuwenta abe tindzala, netindzawo tenu tekukhontela ngitente tibe lihlane, kantsi neliphunga lelinuka lusi lelimnandzi leminikelo yenu yekushiswa ngingeke ngilemukele.

Lukha 17:16

Yefika yatilahla phansi etinyaweni taJesu imbonga. Yona-ke beyingumSamariya.

Imisebenti yebaPhostoli 10:25

Nasatawungena nje ekhaya Phetro, Khoneliyuse waphuma wamhlangabeta, waguca ngemadvolo wakhotsama embikwakhe.

Imisebenti yebaPhostoli 14:13

Umphristi waZeyusi labenelithempeli lelalakhiwe ngephandle kwelidolobha, waletsa tinkunzi nemhlobiso wetimbali emasangweni. Yena nesicumbi abefuna kunikela umnikelo kubaphostoli.

Imisebenti yebaPhostoli 28:6

Babeloku babheke kutsi bambone avuvuka nome bambone ashayeka phansi afe. Kodvwa emvakwekuba sebabheke kwaze kwaba sikhatsi lesidze, babona kungenteki lutfo kuPawula, bajikisa tingcondvo tabo batsi: “Lomuntfu ungunkulunkulu.”

Sembulo 11:16

Emalunga langema-24 labehleti etihlalweni tawo tebukhosi embikwaNkulunkulu, awa phansi ngebuso, akhuleka kuNkulunkulu,

Sembulo 19:10

Ngase ngiwela ngasetinyaweni tayo ngayikhotsama, kodvwa yatsi kimi: “Ungakwenti loko! Nami ngisisebenti kanye nawe nebazalwane bakho labanebufakazi baJesu. Khotsama Nkulunkulu.” Ngobe bufakazi baJesu bunguMoya wesiphrofetho.

Sembulo 22:8

Ngimi, Johane, loweva waphindze wakubona konkhe loku. Ngatsi kube ngikuve ngikubone konkhe loku, ngawa phansi ngasetinyaweni talengilosi lebeyingikhombisa letintfo, ngentela kuteyikhotsama.