Danyela 2:40 - Siswati 1996 Bible

⁴⁰ Ekugcineni, kuyawuba nembuso wesine loyawucina ube njengensimbi, ngobe phela insimbi iyacheketa iphihlite konkhe, futsi-ke njengobe insimbi iphihlita tintfo tibe ticucu nje, kanjalo lombuso uyawucindzetela uchekete yonkhe lena leminye.

Danyela 2:40 Referencias Cruzadas

Jobe 9:17

Abenganginyatsela ngesangcotfo, andzise emanceba ami ngaphandle kwesizatfu.

Jeremiya 15:12

“Umuntfu angayephula yini insimbi, insimbi lephuma enyakatfo, nome litfusi?”

Danyela 2:33

imilente yaso kuyinsimbi, tinyawo taso kuyinhlanganisela yensimbi nelibumba lelishisiwe.

Danyela 2:39

“Emvakwakho, kuyawuvela lomunye umbuso lomncane kunalowakho. Lolandzelako, ngumbuso wesitsatfu, umbuso welitfusi, uyawubusa umhlaba wonkhe.

Danyela 2:41

Njengobe ubonile nje kutsi tinyawo netintwane, incenye yako bekulibumba lelishisiwe kantsi lena lenye incenye bekuyinsimbi, ngako lowo kuyawuba ngumbuso lowehlukene ekhatsi; noko uyawuba nemandla ensimbi kuwo, kuye njengobe ubonile, lensimbi beyihlangene nelibumba.

Danyela 7:7

“Emvakwaloko, embonweni wami ebusuku ngabuka, ngabona embikwami lesinye futsi silo sesine, sasesabeka, setfusana kakhulu futsi sinemandla lamakhulu. Sasinetimbabela tematinyo ensimbi, sasikufihlita sikushwabudzele loko lesikubambile sigcobagcobe loku lokwakusele kwako ngetinselo taso. Sasehlukile kuto tonkhe leta takucala tilo, futsi sasinetimphondvo letilishumi.

Danyela 8:24

Iyawuba nemandla kakhulu, kodvwa hhayi ngekwemandla ayo. Iyawukwenta umonakalo lowesabekako, iphumelele kuko konkhe leyikwentako. Iyawubhubhisa emadvodza lanemandla lamakhulu nesive lesingcwele.

Danyela 9:26

Emvakwetikhatsi letingema-62, Logcotjiwe uyawuncanyulwa, akayiwuba nalutfo. Bantfu bembusi lomunye loyawufika, bayawulibhubhisa lelidolobha kanye nelithempeli. Siphetfo siyawufika njengesihhuhhula semvula. Kuyawuchubeka kulwa kuze kube ngusekugcineni, kuyawube kwehle incitsakalo.

Amose 1:3

Naku lokushiwo nguSimakadze, utsi: “Bantfu baseDamaseko bone kwaze kwengca, ngaleso sizatfu ngingeke ngihlale ngingabajezisi. Baphatse sive sakaGileyadi ngensila nakabuhlungu, basihhudlisa phansi njengetihliphi nanjengetihhudlo.

Johane 11:48

Nasimyekela achubeka ngalendlela, bonkhe bantfu batawukholwa kuye. EmaRoma atawufika abhidlite lendzawo atfumbe nesive sakitsi.”