Danyela 2:4 - Siswati 1996 Bible

⁴ Ngako bosonkhanyeti baphendvula inkhosi ngesi-Aramu batsi: “Awu nkhosi, lunwele loludze, wena waphakathi, tjela tinceku takho liphupho, tsine-ke sitabe sesiyalichaza.”

Danyela 2:4 Referencias Cruzadas

Genesisi 31:47

Labani wasetsa watsi yiJega Sahadutha; kodvwa Jakobe wasetsa watsi yiGaledi.

Genesisi 41:8

Ngakusasa ekuseni umphefumulo wakhe wakhatsateka kakhulu kangangekutsi wadzimate wabita tonkhe tangoma taseGibhithe kanye nabo bonkhe bosiyazi bakhona. Batsi kube befike, Faro wabalandzisa lamaphupho akhe, kodvwa kwabate ngisho namunye lowaba nemandla ekumchazela ngawo.

1 Emakhosi 1:25

Lamuhla nje Adoniya sewehlile wayakwenta umhlatjelo ngetinkhomo letinyenti, nangematfole lakhuluphalisiwe, nangetimvu letinyenti. Umeme bonkhe bantfwabenkhosi, netindvuna temphi, na-Abiyatha, umphristi. Manje nje bayadla banatsa naye, batsi: ‘Lunwele loludze! Nkhosi Adoniya!’

1 Emakhosi 1:31

Ngako Bhatisheba wakhotsamisa buso bakhe wabubhekisa phansi, waguca embikwenkhosi, watsi: “Shangatsi inkhosi yami Davide angaphila phakadze!”

2 Emakhosi 18:26

Bo-Eliyakimu, umsa waHilkiya, naShebna, naJowa bakhuluma kulendvuna lenkhulu yemphi, batsi: “Sicela umane ukhulume ngesiSiriya etincekwini takho, ngobe ngulona lulwimi lesiluvako. Ungakhulumi natsi ngesiHebheru kuva bonkhe labantfu labalapha etulu elubondzeni.”

Ezra 4:7

Kwaphindza futsi ngesikhatsi sekubusa kwa-Athazeksesi, inkhosi yasePheresiya, boBishlamu, naMithredathi, naThabeyali kanye nebangani babo babhalela Athazeksesi incwadzi. Lencwadzi yayibhalwe ngelulwimi lwesi-Aramu, yase iyahunyushwa.

Nehemiya 2:3

kodvwa ngakhuluma enkhosini ngatsi: “Lunwele loludze, nkhosi! Buso bami bungahlala kanjani bungakhatsateki, nangabe lidolobha, lapho kwalala khona bobabemkhulu, libhidlitiwe nemasango akhona asashiswe ngemlilo?”

Isaya 36:11

Bo-Eliyakimu, naShebna, naJowa bakhuluma kulendvuna lenkhulu, batsi: “Sicela umane ukhulume ngesiSiriya etincekwini takho, ngobe ngulona lulwimi lesiluvako. Ungakhulumi natsi ngesiHebheru kuva bonkhe labantfu labalapha etulu elubondzeni.”

Isaya 44:25

lophuntisa tibonakaliso tebaphrofethi bemanga, labaphengulako abente tilima, acitse kufundza kwalabahlakaniphile, akugucule akwente kube ngumbhedvo.

Danyela 1:4

Kwakufanele kube ngemajaha lamahle langenasiyela, labenemandla nenhlitiyo yako konkhe kufundziswa, lanelwati, lanengcondvo lekhaliphile, lalungele kusebenta esigodlweni senkhosi. Kwakufanele awafundzise lulwimi netincwadzi taseBhabhulona.

Danyela 2:7

Baphindza baphendvula futsi, batsi: “Sicela inkhosi kutsi itjele tinceku tayo leliphupho, tsine-ke sitabe sesiyalichaza.”

Danyela 3:9

Bakhuluma enkhosini Nebukhadnezari, batsi: “Bayethe nkhosi, lunwele loludze! Wena waphakathi!

Danyela 4:19

Ngako Danyela, labebitwa ngekutsi nguBhelteshasari, wadideka kakhulu kwesikhashana, imicabango yakhe yametfusa. Ngako inkhosi yakhuluma kuye, yatsi: “Bhelteshasari, ungavumi likwetfuse leliphupho kanye nenchazelo yalo.” Bhelteshasari waphendvula, watsi: “Nkhosi yami, kube mane leliphupho belicondzene netitsa takho nenchazelo yalo icondzene nalabo labemelene nawe!

Danyela 4:7

Kwatsi kube tangoma, nebatsebuli, nabosonkhanyeti, netinyanga befike, ngabalandzisa ngaleliphupho, kodvwa behluleka kungichazela lona.

Danyela 4:9

“Ngakhuluma kuye, ngatsi: Bhelteshasari, mholi wetangoma, ngiyati kutsi umoya wabonkulunkulu labangcwele ukuwe, kute imfihlakalo lelukhuni kakhulu kuwe. Nali liphupho lami, ase ungichazele lona.

Danyela 5:10

Indlovukazi yatsi kube ive emavi enkhosi netindvuna, yeta yangena endlini yelidzili. Yafike yatsi: “Bayethe, nkhosi, lunwele loludze, wena waphakathi! Ungetfuki! Ungesabi!

Danyela 5:8

Tonkhe tati tenkhosi tangena; kodvwa atizange tikwati kuwufundza lombhalo nome titjele inkhosi kutsi wawusho kutsini.

Danyela 6:21

Danyela waphendvula watsi: “Lunwele loludze, nkhosi!

Danyela 6:6

Ngako labengameli naletikhulu babutsana baba sicumbi baya enkhosini, bafike batsi: “Bayethe, nkhosi Dariyusi, lunwele loludze! Nkhosi!

Danyela 6:7

Bengameli bembuso, netindvuna, netikhulu, nebeluleki kanye nebabusi bonkhe bavumelene ngekutsi inkhosi kufanele ikhiphe umtsetfosimemetelo bese icinisa lesimemetelo ngekutsi nome ngubani lothandaza kulomunye nkulunkulu nome umuntfu ngaphandle kwakho, nkhosi, kulamalanga langema-30 letako uyawujikijelwa emgodzini wemabhubesi.

Matewu 21:9

Leticumbi letatihamba embikwakhe naletatimlandzela tatimemeta titsi: “Hosana kuyo iNdvodzana yaDavide! Ubusisiwe lotako egameni leNkhosi! Hosana kulelisetulu kakhulu!”

1 Samuweli 10:24

Samuweli watsi kubantfu: “Niyambona-ke umuntfu lokhetfwe nguSimakadze? Kute namunye lofanana naye kubo bonkhe labanye bantfu.” Sive sonkhe samemeta satsi: “Lunwele loludze! Nkhosi!”