Danyela 2:30 - Siswati 1996 Bible

³⁰ Lemfihlo yembuliwe kimi, hhayi ngobe mine nginekuhlakanipha lokukhulu kwendlula labanye bantfu labaphilako, kodvwa kuze kutsi wena, nkhosi, utekwatiswa inchazelo, khona utewucondzisisa loko lokwendlule engcondvweni yakho.

Danyela 2:30 Referencias Cruzadas

Genesisi 41:16

Josefa waphendvula watsi: “Akusimi, nkhosi, kodvwa nguNkulunkulu lotawunika Faro inchazelo lengiyo.”

Tihlabelelo 139:2

Uyakwati kuhlala kwami nekuvuka kwami, imicabango yami uyati ingakaveli.

Isaya 45:4

Ngenca yaJakobe, inceku yami, Israyeli lokhetsiwe wami, ngikubita ngelibito lakho ngikunika libito leludvumo, noko wena awungemukeli.

Danyela 1:17

Lamajaha lamane Nkulunkulu wawanika lwati nekucondza kwato tonkhe tinhlobo temfundvo netetincwadzi letatibhaliwe. Danyela abesayicondza yonkhe imibono nemaphupho ato tonkhe tinhlobo.

Danyela 2:47

Inkhosi yakhuluma kuDanyela, yatsi: “Impela, loNkulunkulu wakho unguNkulunkulu wabo bonkhe bonkulunkulu, neNkhosi yemakhosi, neMembuli wetimfihlakalo, ngobe wena ukhonile kwembula lemfihlakalo.”

Danyela 2:49

Ngetulu kwaloko, ngesicelo saDanyela, inkhosi yabeka boShadraki, naMeshaki, na-Abednego kutsi babe tiphatsimandla kulesifundza saseBhabhulona, kwase kutsi Danyela yena wasala esigodlweni.

Amose 4:13

Ngako-ke lalelani! Yena lowo lobumba tintsaba, adale umoya, embule imicabango yakhe kumuntfu, yena lowo logucula intsatsakusa, ayente bumnyama, anyatsele tindzawo letiphakeme temhlaba, nguSimakadze Nkulunkulu longuSomandla libito lakhe.

Matewu 24:22

Kube lawo malanga akafinyetwanga bekuyakubate longasindziswa; kepha ngenca yalabakhetsiwe lawo malanga ayawufinyetwa.

Makho 13:20

Kube futsi Nkulunkulu abengakawafinyeti lawo malanga, kute namunye labeyawusindziswa; kodvwa ngenca yalabakhetfwe nguye wawafinyeta lawo malanga.

Imisebenti yebaPhostoli 3:12

Nakabona labantfu Phetro, watsi kubo: “Madvodza aka-Israyeli, kunimangaliselani loku, nisigolotelelani kangaka? Nicabanga kutsi kungebungcwele betfu yini nome ngemandla etfu yini kutsi sente lomuntfu wahamba?

KubaseRoma 8:28

Siyati kutsi Nkulunkulu usebentisa konkhe kube lusito kulabo labamtsandzako, lababitwe ngekwenjongo yakhe.

2 kubaseKorinthe 4:15

Ngobe konkhe loko kwentelwa nine, kuze kutsi umusa usenabela kubantfu labanyenti, kwandziswe kubonga kwabo, kube ludvumo kuNkulunkulu.