Danyela 2:20 - Siswati 1996 Bible

²⁰ watsi: “Alidvunyiswe Libito laNkulunkulu phakadze naphakadze; kuhlakanipha nemandla kwakhe.

Danyela 2:20 Referencias Cruzadas

Genesisi 14:20

Akabongwe Nkulunkulu Losetikwako Konkhe lonikete letitsa takho entsendzeni yesandla sakho.” Abrama wanika Melkhisedeki kwelishumi kwako konkhe.

1 Emakhosi 8:56

“Ludvumo alube kuSimakadze, lonikete kuphumula nekuthula esiveni sakhe, ema-Israyeli, njengobe asetsembisa. Kute nalinye livi lelisilele kuto tonkhe tetsembiso takhe letinhle latetsembisa ngenceku yakhe, Mosi.

1 Tikhronike 29:20

Davide wachubeka wakhuluma kulesive, watsi: “Dvumisani Simakadze Nkulunkulu wenu.” Ngako sonkhe sive sadvumisa Simakadze, Nkulunkulu waboyisemkhulu; baguca bakhotsamisa tinhloko tabo embikwaSimakadze nenkhosi.

2 Tikhronike 20:21

Emvakwaloko kukhuluma kwakhe nebantfu, Jehoshafati wakhetsa emadvodza kutsi ahlabele kuSimakadze advumise inkhatimulo yebungcwele bakhe, asahamba ahola emabutfo, atsi: “Bongani Simakadze, ngobe umusa wakhe ume kuze kube phakadze.”

Nehemiya 9:5

LamaLevi lekwakuboJeshuwa, naKhadmiyeli, naBani, naHashabneya, naSherebiya, naHodiya, naShebaniya kanye naPhethahiya bakhuluma batsi: “Sukumani nidvumise Simakadze Nkulunkulu wenu kusukela phakadze kuze kube nguphakadze. Alidvunyiswe Libito lakhe lelikhatimulako, Libito lelaphakanyiswa laba ngetulu kwato tonkhe tindvumiso netibongo.”

Jobe 12:13

“Kuhlakanipha nemandla kwaNkulunkulu, kweluleka nekucondza kwakhe.

Tihlabelelo 113:1

Haleluya, dvumisani Simakadze! Dvumisani nine tinceku taSimakadze, dvumisani libito laSimakadze.

Tihlabelelo 113:2

Alibongwe libito laSimakadze, manje kuze kube phakadze!

Tihlabelelo 115:18

Kodvwa tsine, lesiphilako, siyawumbonga Simakadze, kusukela manje kuze kube phakadze. Haleluya, dvumisani Simakadze.

Tihlabelelo 147:5

Mkhulu Simakadze wetfu, nemandla akhe makhulu, kuhlakanipha kwakhe akunakulinganiswa.

Tihlabelelo 41:13

Akabongwe Simakadze, Nkulunkulu wema-Israyeli, kusukela phakadze kuze kube phakadze. Amen! Yebo, Amen!

Tihlabelelo 50:23

Lowo lonikela umnikelo wekubonga, uyangidvumisa. Utiphendlela indlela, kutsi ngimkhombise insindziso yaNkulunkulu.”

Tihlabelelo 62:11

Nkulunkulu ukhulume kanye, ngeva kwaba kubili: kutsi emandla ngakho, Nkulunkulu,

Taga 8:14

Kweluleka lokuhle nekwehlulela kahle kwami, kucondza kanye nemandla kwami.

Jeremiya 32:19

imigomo yakho mikhulu, yebo, nemisebenti yakho inemandla. Emehlo akho avulekile kuto tonkhe tindlela tebantfu; ngulowo nalowo umnika umvuzo wakhe ngangekutiphatsa kwakhe nangalokufanele imisebenti yakhe.

Hezekeli 28:3

Uhlakaniphile yini kunaDanyela? Kute yini imfihlo lengakakhanyi kuwe?

Matewu 6:13

Ungasingenisi ekulingweni, kodvwa usisindzise kulokubi. [Ngobe umbuso wakho, nemandla, nebukhosi, kuze kube phakadze. Amen.]’

YaJuda 1:24

Kuye lonemandla ekunigcina, ningete nakhubeka, kuze aniletse ebukhosini bakhe, nite licala, nitfokota kakhulu,

Sembulo 5:12

tatihlabela ngelivi lelikhulu titsi: “Lifanele liWundlu lelahlatjwa, kutsi lemukele emandla, nengcebo, nekuhlakanipha, nekuncoba, neludvumo, nebukhosi, nesibusiso!”