Danyela 2:2 - Siswati 1996 Bible

² Ngako inkhosi yabita tangoma, nebatsebuli, nebaphenguli, kanye nabosonkhanyeti kutsi batemtjela kutsi ubhudzeni. Batsi kube befike beme embikwenkhosi,

Danyela 2:2 Referencias Cruzadas

Genesisi 41:8

Ngakusasa ekuseni umphefumulo wakhe wakhatsateka kakhulu kangangekutsi wadzimate wabita tonkhe tangoma taseGibhithe kanye nabo bonkhe bosiyazi bakhona. Batsi kube befike, Faro wabalandzisa lamaphupho akhe, kodvwa kwabate ngisho namunye lowaba nemandla ekumchazela ngawo.

Esta 1:13

Kwakungumkhuba wenkhosi kutsi icale ibute indlela etingcwetini temtsetfo letatibeluleki bayo etintfweni letiphatselene nenkhosi, ngako yavele yatibita.

Eksodusi 7:11

Faro wabita tihlakaniphi kanye nalabalumbako bakakhe. Nabo labalumbi baseGibhithe bakwenta loko ngemilingo yabo.

Isaya 19:3

EmaGibhithe ayawuphelelwa ngemandla; emasu awo ngiyawuwacedza atsi nya. Ayawuya etithicweni ayewuphengula, aze ayewufuna labaphansi, netangoma, nalababhulako.

Isaya 8:19

Bantfu batanitjela kutsi: “Yanini etangomeni nakulababhulako, labo labahlebako banhhinklile.” Batsi: “Sive akukafaneli yini kutsi sibute kuNkulunkulu waso?” Indlela ifunelwani kulabafile egameni lalabaphilako?

Danyela 1:20

Kuyo yonkhe indzaba yekuhlakanipha neyekucondza, inkhosi leyayibabuta ngayo yabakhandza bancono ngalokuphindvwe kalishumi kunato tonkhe tangoma nebatsebuli lababe kuwo wonkhe umbuso wayo.

Danyela 1:4

Kwakufanele kube ngemajaha lamahle langenasiyela, labenemandla nenhlitiyo yako konkhe kufundziswa, lanelwati, lanengcondvo lekhaliphile, lalungele kusebenta esigodlweni senkhosi. Kwakufanele awafundzise lulwimi netincwadzi taseBhabhulona.

Danyela 2:10

Bosonkhanyeti baphendvula inkhosi, batsi: “Kute nome munye umuntfu lapha emhlabeni longenta loku lokufunwa yinkhosi! Kute inkhosi nome ngulenkhulu kangakanani nalenemandla, leyase yabuta intfo lenje nakusinye sangoma, nome umtsebuli, nome kusonkhanyeti.

Danyela 2:27

Danyela wayiphendvula inkhosi, watsi: “Kute sati, nome umtsebuli, nome sangoma, nome inyanga lokungayichazela inkhosi ngalemfihlakalo leyicelile,

Danyela 3:8

Ngalesikhatsi labanye bosonkhanyeti beta bafike banyundzela emaJuda.

Danyela 4:3

“Maye, tikhulu tibonakaliso takhe, maye, tinemandla timangaliso takhe! Umbuso wakhe ngumbuso waphakadze; bukhosi bakhe buyawuhlala bukhona titukulwane ngetitukulwane.

Danyela 4:6

Ngako ngayala kutsi tonkhe tati taseBhabhulona tite lapha embikwami, titengichazela leliphupho lami.

Danyela 5:7

Inkhosi yamemeta kutsi kulandvwe bonkhe batsebuli, nabosonkhanyeti, netangoma. Yakhuluma kuletati taseBhabhulona, yatsi: “Nome ngabe ngubani longafundza lombhalo, angitjele kutsi usho kutsini, utakwembeswa ngaletibukhwebeletane, agacwe umgaco wegolide entsanyeni yakhe, entiwe abe ngumbusi wesitsatfu embusweni.”

1 Samuweli 6:2

emaFilisti abita baphristi netangoma, atsi: “Sitakwenta njani ngalelibhokisi laSimakadze? Sitjeleni kutsi sitalibuyisela kanjani endzaweni yalo.”