Danyela 2:1 - Siswati 1996 Bible

¹ Ngemnyaka wesibili wekubusa kwakhe, Nebukhadnezari wabhudza emaphupho; inhlitiyo yakhe yakhatsateka kakhulu, wehluleka ngisho nekulala.

Danyela 2:1 Referencias Cruzadas

Esta 6:1

Kulobo busuku abuzange sebehle butfongo enkhosini, ngako yatfumela kutsi akulandvwe emabhuku emilandvo yembuso ifundzelwe.

Jeremiya 25:1

Livi lefika kuJeremiya macondzana nabo bonkhe bantfu bakaJuda emnyakeni wesine wekubusa kwaJehoyakimu, umsa waJosaya, inkhosi yakaJuda, lekwakungumnyaka wekucala wekubusa kwaNebukhadnezari, inkhosi yaseBhabhulona.

Danyela 2:3

yatsi kubo: “Ngibhudze liphupho lelingihlupha kakhulu, manje ngifuna kwati kutsi lisho kutsini.”

Danyela 4:2

Ngiyajabula kutsi nginitjele ngaletibonakaliso letimangalisako netimangaliso latentele mine, Nkulunkulu Longetulu Kwako Konkhe.

Danyela 4:5

Ngabhudza liphupho lelangenta ngesaba kakhulu. Ngatsi ngisalele embhedzeni wami, imicabango nemibono leyabonakala engcondvweni yami kwangetfusa.

Danyela 5:9

Ngako inkhosi Bhelshasari yatfutfumela kakhulu, nebuso bayo bachubeka baphaphatseka. Tindvuna tayo nato tacakeka.

Danyela 6:18

Inkhosi yase iyancandzeka ibuyela esigodlweni sayo, busuku bonkhe yayihleti ingadli lutfo, akuzange kuletfwe ngisho nentfo yekuyijabulisa embikwayo. Ayizange ilale.

Danyela 7:1

Kwatsi ngemnyaka wekucala waBhelshasari, inkhosi yaseBhabhulona, Danyela wabhudza liphupho, kwendlula imibono engcondvweni yakhe aselele embhedzeni wakhe ngalobo busuku. Walibhala phansi leliphupho alandzisa lobekucuketfwe ngilo leliphupho.

Danyela 7:15

“Mine Danyela ngakhatsateka emoyeni wami, nalemibono leyendlula engcondvweni yami yangiphatamisa emphefumulweni.