Danyela 12:4 - Siswati 1996 Bible

⁴ Kodvwa wena Danyela, wavalele uze uwashicilele lamavi alencwadzi legocotwako, kuze kube nguleso sikhatsi sekugcina. Labanyenti bayawukwehla benyuka bafuna kwati kutsi kwentekani.”

Danyela 12:4 Referencias Cruzadas

Isaya 11:9

Kungeke kulimate futsi kungeke kubulale nome ngangukuphi entsabeni yami lengcwele, ngobe umhlaba uyawugcwala kwati Simakadze, njengobe nemanti agcwalisa lwandle.

Isaya 29:11

Kini wonkhe nje lombono awusilo lutfo, ngaphandle kwemagama nje lavalelwe encwadzini legocotwako. Naninika lomunye, lokwatiko kufundza, lencwadzi legocotwako, nitsi: “Fundza naku, tsine,” uyawuphendvula atsi: “Ngingeke ngikhone, ivaliwe yananyatsiselwa.”

Isaya 30:26

Inyanga iyawukhanya njengelilanga, nekukhanya kwelilanga kuyawuphindvwa kasikhombisa, ngangekukhanya kwemalanga lagcwele lasikhombisa, ngesikhatsi Simakadze nakabopha emanceba esive sakhe, elapha tilondza letavetwa nguye.

Isaya 32:3

Emehlo alabo lababonako angeke asavaleka, netindlebe talabo labevako setiyawulalela.

Isaya 8:16

Bophisisa lobufakazi, uvalele umtsetfo wami emkhatsini webafundzi bami.

Jeremiya 5:1

“Yehlani nenyuka etitaladini taseJerusalema, calatani ndzawo tonkhe nicabange kahle, phenyisisani tonkhe tinkhundla tayo. Naningakhandza nome munye nje umuntfu lowenta tintfo ngekwetsembeka, afune liciniso, ngitalitsetselela lelidolobha.

Danyela 10:1

Ngemnyaka wesitsatfu waKhuresi, inkhosi yasePheresiya, kwefika umbono kuDanyela, labebitwa ngekutsi nguBhelteshasari. Emavi awo abeliciniso, futsi abemacondzana nekulwa lokukhulu. Kuwacondzisisa kahle kwakhe kweta ngembono.

Danyela 10:14

Manje-ke sengitele kutakuchazela kutsi kutakwentekani kubantfu bakini ngemalanga letako, ngobe lombono umayelana netikhatsi letiseta.”

Danyela 10:21

kodvwa ngitawucala ngikutjele kutsi kubhalweni encwadzini yeliciniso. Kute namunye longelekelelako kutsi emelane nato, ngaphandle kwaMikhayeli, inkhosi yenu.

Danyela 11:33

“Labo labahlakaniphile bayawufundzisa labanyenti, noko kube kwesikhashana solo bawa ngenkemba, nome bashiswe, nome batfunjwe, nome baphangwe.

Danyela 11:40

“Ngesikhatsi sekugcina, inkhosi yaseningizimu iyawuhlaselana nayo emphini, kodvwa inkhosi yasenyakatfo iyawuyidvumela iyekulwa nayo ngetincola temphi nangemasotja lagibele emahhashi emphi, nangalelikhulu lifu lemikhumbi yemphi. Iyawungenela emave lamanyenti, iwakhukhule kube shangatsi ngungesihhuhhula semvula.

Danyela 12:13

“Kodvwa wena Danyela, hamba endleleni yakho kuze kube ngusekugcineni. Uyawuphumula, kuyawutsi ekupheleni kwemalanga, uvuke utekwemukeliswa sabelo sakho lekulifa lakho.”

Danyela 12:5

Mine Danyela, ngase ngiyabuka, ngabona embikwami sekume labanye lababili, lomunye eme ngala elusentseni lwemfula, lomunye eme ngesheya kwemfula malungana naye.

Danyela 12:9

Wangiphendvula watsi: “Hamba ngendlela yakho, Danyela, ngobe lamavi asavalelwe ashicilelwa, kuyawudzimate kube sikhatsi sekugcina.

Danyela 8:17

Watsi asasondzela kulendzawo lapho ngangime khona, ngesaba kakhulu ngawa phansi ngebuso. Watsi kimi: “Ndvodzana yemuntfu, visisa kahle kutsi lombono umacondzana nesikhatsi sekugcina.”

Danyela 8:19

Watsi: “Ngitakutjela kutsi kutakwentekani kamuva, ngesikhatsi selulaka, ngobe lombono umacondzana nesikhatsi sekugcina lesimisiwe.

Danyela 8:26

“Lombono wemihlatjelo yasebusuku neyasekuseni lowukhonjisiwe uliciniso, kodvwa uwugcine usifuba sakho, ngobe wona umacondzana netikhatsi tekugcina.”

Matewu 24:14

LeliVangeli ngembuso liyawushunyayelwa emhlabeni wonkhe, kuze kube bufakazi etiveni tonkhe, bese-ke kuyefika kuphela.”

KubaseRoma 10:18

Kodvwa ngiyabuta ngitsi: “Abakeva yini?” Empeleni bevile, “ngobe inkhulumo yabo iphumele emhlabeni wonkhe, nemavi abo asafike emikhawulweni yonkhe yemhlaba.”

Sembulo 10:4

Kwatsi kube kuvakale lokudvuma lokusikhombisa, ngase ngilungiselela kubhala, kodvwa ngeva livi liphuma ezulwini litsi: “Loko lokushiwo kudvuma lokusikhombisa ungakubhali phansi; kugcine kuyimfihlo.”

Sembulo 22:10

Yachubeka yatsi kimi: “Ungawafihli lamavi alesiphrofetho salencwadzi, ngobe sikhatsi sesisedvute.

Sembulo 5:1

Esandleni sekudla salowo lohleti esihlalweni sebukhosi ngabona incwadzi legocotiwe ibhalwe ngekhatsi nangephandle, ivalwe yananyatseliswa ngetimphawu letisikhombisa.