Danyela 12:10 - Siswati 1996 Bible

¹⁰ Labanyenti bayawuhlanjululwa babe msulwa, bacengisiswe kahle bangabi nasici, kodvwa lababi bayawuchubeka babe babi kakhulu. Kute namunye walababi loyawukuvisisa, kodvwa laba labahlakaniphile bayawukuvisisa kahle.

Danyela 12:10 Referencias Cruzadas

Tihlabelelo 107:43

Lohlakaniphile akacaphele letintfo, bantfu abayicondzisise imisebenti yemusa waSimakadze.

Tihlabelelo 51:7

Ngihlambulule ngehisophu, ngitewuhlambuluka. Ngigeze ngibe mhlophe kunangcocwane.

Taga 1:5

Labahlakaniphile batsi bangatilalela kwengeteke lwati lwabo; nalabanengcondvo batsi bangatifundza batente, batfole bungcweti,

Isaya 1:18

Simakadze utsi: “Wotani manje sitewubonisana. Nome tono tenu tibovu njengengati, titawuba mhlophe njengangcocwane, nome tibovu tju, titawuba mhlophe njengeboya bemvu.

Hezekeli 36:25

Ngiyawunifafata ngemanti lahlobile, bese niyahlanteka; ngiyawunihlanta kuko konkhe kungcola kwenu nakuto tonkhe tithico tenu.

Hezekeli 47:11

Kodvwa emachaphoti nematete akayiwuhluma abe luhlata abe mahle, ayawusala aluswayi.

Danyela 11:33

“Labo labahlakaniphile bayawufundzisa labanyenti, noko kube kwesikhashana solo bawa ngenkemba, nome bashiswe, nome batfunjwe, nome baphangwe.

Danyela 11:35

Labanye balabahlakaniphile bayawukhubatela, kuze bahlanjululwe ngekucengwa, bangcweliswe, bentiwe bangabi nasici kuze kube sikhatsi sesiphetfo, ngobe sona siyawufika ngesikhatsi lesimisiwe.”

Danyela 12:3

Labo labahlakaniphile bayawucwebetela njengekumanyatela kwemazulu, nalabo labaholele labanye ekulungeni, bakhanye njengetinkhanyeti kuze kube nguphakadze naphakadze.

Hoseya 14:9

Ngubani lohlakaniphile? Uyawutibona letintfo. Ngubani lokwati kubona tintfo letifihlakele? Utaticondza kahle letintfo. Tindlela taSimakadze tilungile, labalungile bahamba ngato, kodvwa labahlubukako bayakhubeka kuto.

Zakhariya 13:9

Lencenye yesitsatfu ngiyakuyimikisa emlilweni, ngibacenge njengesiliva, ngibahlolisise njengegolide. Bayakulibita Libito lami, bese mine ngiyabaphendvula; ngiyawutsi: ‘Bona babantfu bami;’ nabo batsi: ‘Simakadze nguNkulunkulu wetfu.’ ”

Malakhi 3:3

Uyawuhlala njengemcengi nanjengemhlanti wesiliva; uyawuhlanta emaLevi awacenge njengegolide nesiliva. Simakadze uyawuba nemadvodza layawuletsa iminikelo ngekulunga,

Makho 4:11

Waphendvula watsi: “Nine niphiwe imfihlakalo yembuso waNkulunkulu, kodvwa laba labangephandle konkhe bakutfola ngemifanekiso,

Lukha 24:25

Jesu wase utsi kubo: “Maye, nilibele, nekukholwa kwenu kubutsakatsaka ekwemukeleni loko lokwashiwo baphrofethi!

Johane 18:37

Ngako Philatu watsi: “Ngempela ungiyo yini inkhosi?” Jesu waphendvula watsi: “Uyasho wena kutsi ngiyiNkhosi. Mine ngatalelwa kona loko, futsi ngetela kona loko kulomhlaba kuze ngifakazele liciniso. Lowo loweliciniso uyaliva livi lami.”

Johane 7:17

Umuntfu nakatsandza kwenta intsandvo yaNkulunkulu utakwati ngalemfundziso yami, nome iphuma kuNkulunkulu, nome ngitikhulumela kwami nje.

Johane 8:47

“Umuntfu lowaNkulunkulu uyaweva emavi aNkulunkulu, ngiko nje nine ningeva, ngobe anisibo baNkulunkulu.”

1 kubaseKorinthe 6:11

Babenjalo labanye emkhatsini wenu. Kodvwa-ke nyalo senagezwa, nangcweliswa, nemukeleka kuNkulunkulu kutsi nilungile egameni leNkhosi Jesu Khristu nangaMoya waNkulunkulu wetfu.

2 kubaseKorinthe 7:1

Bazalwane, njengobe letetsembiso titetfu, asitihlante kuko konkhe lokungcolisa umtimba nemoya, siphile imphilo yebungcwele lobuphelele ngekwesaba Nkulunkulu.

kuThithusi 2:14

Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.

KumaHebheru 12:10

Phela bobabe babesiyala kwesikhashana ngekubona kwabo, kodvwa yena usiyalela kutsi kutewusitakala tsine, kuze sibe nesabelo ebungcweleni bakhe.

1 yaPhetro 1:22

Njengobe senihlambulule imiphefumulo yenu ngekulalela liciniso ngaMoya kuze nitsandze bazalwane benu ngelutsandvo lolute kutentisa, tsandzanani ngenhlitiyo lephelele.

1 yaPhetro 1:7

Injongo yaletilingo kutsi kukholwa kwenu kuvivinywe, kuze kubonakale bungiko bako. Ngisho negolide lebhubhako ihlolisiswa ngemlilo bungiyo bayo, kanjalo-ke nekukholwa kwenu lokuligugu kunegolide kufanele kutsi kuvivinywe bungiko bako. Khona-ke niyawutfola kubongwa, nebukhosi, neludvumo ekwembulweni kwaJesu Khristu.

1 yaJohane 5:20

Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.

Sembulo 16:11

Bacalekisa Nkulunkulu wasezulwini ngenca yebuhlungu babo netilondza tabo, kodvwa bangete baphendvuka emisebentini yabo lemibi.

Sembulo 19:14

Emabutfo asezulwini amlandzela agibele emahhashi lamhlophe, embetse tingubo letimhlophe letihlantekile telineni.

Sembulo 19:8

Uphiwe kutsi embatsiswe ingubo yelineni lecolisakele, nalekhanyako, nalemsulwa.” Lelineni lecolisakele itento nemisebenti lelungile yalabangcwele.

Sembulo 22:11

Lomubi akachubeke nebubi bakhe, lowonako achubeke one, lolungile achubeke nekulunga kwakhe, longcwele achubeke nebungcwele.”

Sembulo 3:18

Ngako-ke ngiyakuyala kutsi utsenge kimi igolide lelolongwe ngemlilo, khona utewuceba, utsenge tingubo letimhlophe tekwembatsa, khona utewufihla bungcunu bakho kutsi bungabonakali, utsenge nemutsi wekugcobisa emehlo akho kutsi ubone.

1 Samuweli 24:13

Njengobe kusho sisho salabadzala sitsi: ‘Kubenti balokubi kuvela tento letimbi,’ ngako mine ngingeke ngikubeke sandla.