Danyela 11:7 - Siswati 1996 Bible

⁷ “Kuyawuvela lomunye entalelwaneni yakabo loyawutsatsa sikhundla sayo. Uyawuhlasela emabutfo enkhosi yasenyakatfo, angene nasenqabeni yayo; uyawulwa nabo abehlule.

Danyela 11:7 Referencias Cruzadas

Jobe 14:7

“Nangabe sihlahla sesijutjiwe, likhona litsemba lekutsi singahle siphindze sihlume futsi, kantsi nalawo mahlumela aso angeke abune.

Tihlabelelo 109:8

Shangatsi imihla yekuphila kwakhe ingafinyetwa, lomunye atsatse sikhundla sakhe.

Tihlabelelo 55:23

Wena Simakadze nguwe loyawubajikijela phansi, emgodzini wekufa. Bantfu bengati nenkhohliso bangeke baphile, ngisho nencenye yemphilo yabo. Kodvwa mine ngiyakwetsembela kuwe.

Isaya 11:1

Kuyawuhluma lihlumela esiphuntini sakaJese; ligala lelimila etimphandzeni takhe liyawutsela titselo.

Isaya 9:14

Ngako Simakadze uyawujuba ka-Israyeli inhloko nemsila kokubili, ligala lelisundvu nemhlanga kokubili, ngalanga linye.

Jeremiya 12:2

Ubahlanyele, bamila; bayakhula batsele titselo. Sonkhe sikhatsi uhlala usetindzebeni temilomo yabo, kodvwa ukhashane netinhlitiyo tabo.

Hezekeli 17:18

Wedzelela sifungo ngekwephula sivumelwane. Njengobe naye wafaka sandla kulesetsembiso, noko wenta tonkhe letintfo, kodvwa angeke aphunyule.

Danyela 11:40

“Ngesikhatsi sekugcina, inkhosi yaseningizimu iyawuhlaselana nayo emphini, kodvwa inkhosi yasenyakatfo iyawuyidvumela iyekulwa nayo ngetincola temphi nangemasotja lagibele emahhashi emphi, nangalelikhulu lifu lemikhumbi yemphi. Iyawungenela emave lamanyenti, iwakhukhule kube shangatsi ngungesihhuhhula semvula.

Danyela 11:6

Kuyawutsi emvakweminyaka bese bayahlangana basitane. Kuyawusuka indvodzakati yenkhosi yaseningizimu iyekwendza enkhosini yasenyakatfo kuze kwakheke buhlobo. Kodvwa angeke iwagcine emandla ayo, futsi-ke nenkhosi nemandla ayo angeke eme. Ngalawo malanga kuyawunikelwa ngalenkhosikati kanye nawo wonkhe lomtsimba lowawuyichubile, nemntfwana nendvodza yayo.

Malakhi 4:1

“Impela lilanga liyeta; liyawushisa njengemlilo lowesabekako nalohhumako. Bonkhe labatigcabhako bangangihloniphi nalabenta lokubi bayawuba tinhlanga, lelo langa lelitako liyawubalumekela ngemlilo,” kusho Simakadze longuSomandla. “Kute imphandze nome ligala leliyawusala kubo.

Lukha 12:20

Kodvwa Nkulunkulu watsi kuso: ‘Silima! Kulobusuku balamuhla umphefumulo wakho uyabitwa kuwe; pho, letintfo lesewutilungisile titawuba tabani?’