Danyela 11:4 - Siswati 1996 Bible

⁴ Iyawutsi nase ivele, umbuso wayo bese uyehlukaniswa ubhekiswe emimoyeni yomine yasezulwini. Ngeke wendlulele etitukulwaneni tayo, futsi ngeke ube nalamandla leyayiwasebentisa, ngobe lombuso wayo uyawusishulwa unikwe labanye.

Danyela 11:4 Referencias Cruzadas

Tihlabelelo 39:6

Impela, kuphila kwemuntfu kunjengesitfunti. Utihlupha ngelite nje. Ucongelela ingcebo, akabati labatawuyidla.

Umshumayeli 4:8

Bekunemuntfu labehleti yedvwana, abengenandvodzana ate nemnakabo. Abeshikaneka siphelane ajinge angeneliseki ngebunjinga bakhe, watibuta watsi: “Empeleni ngikhandlekela bani? Ngitemukelani lokujabula?” Nako loko kulite, umsebenti lolusizi!

Jeremiya 12:15

Kodvwa ngitawutsi ngingabazuphuna, ngiphindze ngibe nesihawu kubo ngibuyisele ngulowo nalowo eveni lakhe lekulifa lakhe.

Jeremiya 12:17

Kodvwa nangabe nome ngusiphi nje sive singalaleli, ngiyawusizuphuna sonkhe ngisibhubhise,” kusho Simakadze.

Jeremiya 18:7

Nome ngangusiphi sikhatsi nangimemetela kutsi sive nome umbuso utawuzushunwa, ubhidlitwe uze ubhubhe,

Jeremiya 31:40

Sonkhe leso sigodzi lapho kulahlwa khona tidvumbu nemlotsa, nato tonkhe tibebesi kuye emfudlaneni iKhidroni, kuze kuyewufika ekoneni leLisango Lelihhashi ngasemphumalanga, kuyawuba ngcwele kuSimakadze. Lelidolobha lingeke liphindze lizuphunwe nome libhidlitwe.”

Jeremiya 45:4

Simakadze watsi: “Khuluma kuye, utsi: ‘Naku lokushiwo nguSimakadze, utsi: Loko lesengikwakhile ngiyawukuketula, ngikuzuphune naloko bengikuhlanyelile eveni lonkhe.

Jeremiya 49:36

Ngiyawutfumela imimoya lemine e-Elamu, imimoya lesuka emagumbini lamane emazulu. Ngiyawubasakatela emimoyeni lemine, kuyawubate sive, lapho kungayikuba khona base-Elamu labacoshiwe.

Hezekeli 37:9

Wakhuluma kimi, watsi: “Phrofetha emphefumulweni, phrofetha, ndvodzana yemuntfu, ukhulume kuwo, utsi: ‘Naku lokushiwo yiNkhosi Simakadze, itsi: Wena mphefumulo, chamuka emimoyeni yomine, uphefumulele kulaba lababulewe, khona batewuphila.’ ”

Danyela 7:2

Danyela watsi: “Embonweni wami ebusuku, ngabona embikwami kwakunemimoya yomine yasezulwini, ivumbuka elwandle lolukhulu.

Danyela 7:6

“Emvakwaloko, ngatsi ngiyabuka, ngabona embikwami lesinye futsi silo, sona-ke sasifanana nengwe. Lapha emhlane waso sasinetimphiko letine letinjengetenyoni. Lesilo sasinetinhloko letine, sanikwa emandla ekubusa.

Danyela 7:8

“Ngatsi ngisacabanga ngaletimphondvo, ngase ngibona sekunalolunye luphondvo embikwami, luluncane, lolwamila nje emkhatsini wato; kwatsi letintsatfu taleta tekucala timphondvo tazuphuneka embikwalo. Lolu-ke luphonjwana lwase lunemehlo lanjengewemuntfu, nemlomo lowawukhuluma ngekutigabatisa.”

Danyela 8:22

Letimphondvo letine letamila esikhundleni salolwa lolwephulwa, timele imibuso lemine leyawuvela kuleso sive, kodvwa ingeke ibe nemandla lafananako.

Danyela 8:8

Lesiphongo satikhukhumukisa saba sikhulu kakhulu, kodvwa kwatsi lapho sesinemandla, lwephuka loluphondvo lwaso lolukhulu, kwatsi esikhundleni salo kwamila timphondvo letine letigcamile, takhula taya etulu emimoyeni yomine yelizulu.

Zakhariya 2:6

“Balekani! Balekani! Sukani eveni lasenyakatfo,” kusho Simakadze, “ngobe nginisakatele emimoyeni yomine yelizulu,” kusho Simakadze.

Zakhariya 6:5

Lengilosi yangiphendvula, yatsi: “Lena ngimimoya yomine yasezulwini, iyaphuma ekumeni embikwaSimakadze wemhlaba wonkhe.

Matewu 12:25

Kepha Jesu ayati imicabango yabo, watsi kubo: “Wonkhe umbuso lowehlukene ekhatsi, uyacitseka. Kute lidolobha nome likhaya lelingema nalehlukene ekhatsi.

Lukha 12:20

Kodvwa Nkulunkulu watsi kuso: ‘Silima! Kulobusuku balamuhla umphefumulo wakho uyabitwa kuwe; pho, letintfo lesewutilungisile titawuba tabani?’

Sembulo 7:1

Emvakwaloko ngabona tingilosi letine time emagumbini omane emhlaba, tibambe imimoya yomine yemhlaba kutsi kubete umoya lohhusha emhlabeni, nome elwandle, nome kukusiphi sihlahla.