Danyela 11:20 - Siswati 1996 Bible

²⁰ “Lowo loyawutsatsa sikhundla emvakwakhe uyawukhipha umtselisi, kuze akwati kugcina lomcebo wasebukhosini umile. Naye futsi uyawubhujiswa kungakapheli minyaka mingaki, noko hhayi ngentfukutselo nome emphini.”

Danyela 11:20 Referencias Cruzadas

2 Emakhosi 23:35

Jehoyakimu wanika Faro Nekho isiliva negolide labetsite ayikhishwe. Loko wakwenta ngekutselisa live, wagulula isiliva negolide kubantfu bakhona, kwaya ngebungako babo.

Taga 30:33

Kuphehla lubisi kuveta liphehla. Kushaya likhala kuveta ingati. Kanjalo, nekususa luchuku kuveta kucabana.

Isaya 60:17

Ngiyawukuletsela igolide esikhundleni selitfusi, nesiliva esikhundleni sensimbi. Esikhundleni selukhuni ngiyawukuletsela litfusi, nensimbi esikhundleni sematje. Kuthula ngiyawukwenta kube ngumbusi wakho, kulunga ngikwente kube ngumholi wakho.

Danyela 11:21

“Uyawulandzelwa ngumfokatana nje longazange asanikwe ludvumo lwebukhosi. Uyawufika ngesikhatsi bantfu bawo bativela bavikelekile, atsatse umbuso ngemacebo.

Danyela 11:7

“Kuyawuvela lomunye entalelwaneni yakabo loyawutsatsa sikhundla sayo. Uyawuhlasela emabutfo enkhosi yasenyakatfo, angene nasenqabeni yayo; uyawulwa nabo abehlule.

Habakhuki 1:1

Leli livi lelembulelwa Habakhuki, umphrofethi.