Amose 9:7 - Siswati 1996 Bible

⁷ “Nine, ma-Israyeli, anifanani yini kimi nemaKushe?” kusho Simakadze. “Angizange ngimkhiphe yini Israyeli eGibhithe, nemaFilisti eKhaftori ngakhipha nemaSiriya eKhiri?”

Amose 9:7 Referencias Cruzadas

2 Emakhosi 16:9

Thiglathi Phileseri, inkhosi yase-Asiriya, wasemukela sicelo sa-Ahazi, washuca nemphi yakhe wayawuhlasela iDamaseko, wayitfumba, wabulala Resini, wase utfumba labantfu bakhe wabayisa eKhiri.

2 Tikhronike 14:12

Simakadze washaya wancoba emaKushe embikwa-Asa nebakaJuda. EmaKushe abaleka,

2 Tikhronike 14:9

Zera, umKushe, waviva ngembutfo lomkhulu wayawubahlasela kanye netincola temphi letingema-300, beta baze befika eMaresha.

Eksodusi 12:51

Simakadze wawakhipha ngalo lelo langa ema-Israyeli eGibhithe ngetive tawo.

Isaya 20:4

kanjalo inkhosi yase-Asiriya iyawuhola baseGibhithe nebaseSudani labatfunjwe bangcunu, bangakafaki lutfo nasetinyaweni, labancane nalabadzala, bayawushwebheta ngetibunu tabo tisebaleni, kube lihlazo laseGibhithe.

Isaya 22:6

Elamu utsatsa umgodla wemicibisholo, utseleka nebagibeli bakhe betincola kanye nemahhashi; emadvodza aseKhiri agwabula emahawu.

Isaya 43:3

Ngobe mine nginguSimakadze Nkulunkulu wakho, Longcwele waka-Israyeli, uMsindzisi wakho, ngitawuhlawula ngelive laseGibhithe, ngishintjiselane iKushe neSheba ngawe.

Jeremiya 13:23

UmTopiya angasigucula yini sikhumba sakhe nome ingwe emabala ayo? Nani ningeke nikwente lokuhle, ngobe senetayele kwenta lokubi.

Jeremiya 47:4

Ngobe lilanga lona selifikile lekubhubhisa onkhe emaFilisti, nekubhubhisa nekucedza bonkhe labayinsali lababengasita iThire neSidoni. Simakadze sewutawabhubhisa emaFilisti, imisalela yalabo labaphuma eKhrethe.

Hoseya 12:13

Simakadze wasebentisa umphrofethi kuze abuyise Israyeli amkhiphe eGibhithe, wamnakekela ngesandla semphrofethi.

Amose 1:5

Ngitawubhidlita emasango aseDamaseko, ngibhubhise inkhosi leseSigodzini sase-Aveni, nalowo lophetse indvuku yebukhosi eBhethi Edeni. Sive semaSiriya sitawutfunjelwa eKhiri,” kusho Simakadze.

Amose 2:10

“Mine futsi nganikhipha eGibhithe, nganihola iminyaka lengema-40 ehlane, ngentela kuninika live lema-Amori.

Dutheronomi 2:23

Ema-Avi labakhe emadolobheni lagudla lwandle kuze kuyewufika eGaza, wona-ke abhujiswa ngemaKhrethe labechamuka eKhrethe. Lelive lase lidliwa ngulawo maKhrethe.