Amose 9:4 - Siswati 1996 Bible

⁴ Nome bangatfunjwa titsa tabo, nakhona lapho ngiyawuyala inkemba kutsi ibabulale. Emehlo ami ngiyakuwanamatselisa kubo, kube kubi kubo, kungabi kuhle.”

Amose 9:4 Referencias Cruzadas

Genesisi 44:21

Inkhosi yatsi etincekwini tayo: ‘Mletseni la kimi ngitembona ngemehlo.’

2 Tikhronike 16:9

Ngobe emehlo aSimakadze abuka emhlabeni wonkhe kucinisa labo labatinhlitiyo tabo titinikele kuye ngalokuphelele. Wena wente intfo lebulima kakhulu, kusukela manje utakulwa timphi siphelane.”

Tihlabelelo 34:17

Labalungile nabakhala bacela lusito, Simakadze uyabeva, abakhulule kuto tonkhe tinhlupheko tabo.

Eksodusi 14:24

Kwatsi kuseluvivi, Simakadze wabuka phansi asensikeni yemlilo neyelifu abuka imphi yemaGibhithe, emabutfo aseGibhithe wawasanganisa.

Jeremiya 12:12

Etikwawo onkhe emadvundvu latingagadvu babhubhisi bayawunyakatela, ngobe inkemba yaSimakadze iyawubadla bantfu, kusukela ngala kwelive kuye ngale kwalo, kute namunye loyawusindza.

Jeremiya 21:10

Ngitimisele kwenta lokubi kulelidolobha, hhayi lokuhle, kusho Simakadze. Liyawuniketelwa etandleni tenkhosi yaseBhabhulona, ilibhubhise ngemlilo.’ ”

Jeremiya 24:6

Emehlo ami ayawubelusa kube lusito kubo, ngiyawuphindze ngibabuyise kulelive. Ngiyawubakha ngingababhidliti; yebo, ngiyawubahlanyela ngingabazuphuni.

Jeremiya 39:12

“Ubomtsatsa, umnakekele kahle, ungamenti lutfo, kodvwa umentele konkhe lakucelako.”

Jeremiya 39:16

“Hamba utjele Ebedi Meleki, umKushe, utsi: ‘Naku lokushiwo nguSimakadze longuSomandla, Nkulunkulu wema-Israyeli, utsi: Sengitawugcwalisa emavi ami lamelana nalelidolobha ngitakuwagcwalisa ngesigameko, hhayi ngalokuhle. Ngaleso sikhatsi ayawugcwaliseka embikwemehlo akho.

Jeremiya 44:11

“Ngako-ke naku lokushiwo nguSimakadze longuSomandla, Nkulunkulu wema-Israyeli, utsi: Ngitimisele kwehlisela inhlekelele etikwenu nekubhubhisa Juda wonkhe.

Hezekeli 5:12

Incenye yesitsatfu yebantfu bakho, Jerusalema, itakufa ngesifo lesibulalanako, nome ibhujiswe yindlala ngekhatsi kwakho; incenye yesitsatfu itakufa ngenkemba ngaphandle kwetibondza takho; kutsi lenye incenye yesitsatfu isakateleke emimoyeni, ngiyicoshe ngenkemba leyeluliwe.

Hezekeli 5:2

Ngesikhatsi nakuphelela emalanga ekuvinjetelwa, shisa incenye yesitsatfu yaletinwele ngemlilo ekhatsi edolobheni. Tsatsa lenye incenye yesitsatfu uyisakate ngenkemba yonkhe indzawo edolobheni. Lencenye lenye yesitsatfu uyisakatele emoyeni. Ngobe ngitabacosha ngenkemba.

Levithikusi 17:10

“ ‘Wonkhe umIsrayeli nome wetive lohlala nani lodla ingati, ngiyawumelana naye ngimncume esiveni sakubo.

Levithikusi 26:33

Ngiyawunisakatela kuletinye tive, nginicoshe ngenkemba yami. Live lenu liyawuphundleka nemadolobha enu abe tindzala.

Amose 9:8

Naku-ke lokushiwo nguSimakadze, utsi: “Ngempela emehlo eNkhosi Simakadze asetikwawo wonkhe lowo mbuso lowonako. Ngiyakuwubhubhisa ungabikho ebusweni bemhlaba, noko ngingeke ngiyibhubhise yonkhe indlu yakaJakobe.

Zakhariya 8:10

Ngaphambili kwalawo malanga kwakute inkhokhelo yebantfu nome yetilwane. Kute namunye labengaphuma angene ngenca yesitsa sakhe, ngobe ngagucula wonkhe umuntfu kutsi emelane namakhelwane wakhe.