Amose 9:13 - Siswati 1996 Bible

¹³ Naku-ke lokushiwo nguSimakadze, utsi: “Ayeta emalanga, lapho bavuni bayakwengcelelwa ngulabalimako, nalabahlanyelako bengcelelwe ngulabahluta liwayini. Liwayini lelisha liyawuntfontsa etintsabeni, ligelete kuwo onkhe emagcuma.

Amose 9:13 Referencias Cruzadas

Genesisi 49:11

Uyawuba nenala, bantfu bayawubopha timbongolo tabo emivinini, nematfole etimbongolokati tabo emivinini lemihle. Bayawugeza tingubo tabo ewayinini, netembatfo tabo ewayinini lelibovu sangati.

Tihlabelelo 97:5

Tintsaba tincibilika njengemtfwebeba embikwaSimakadze, yebo, tiyancibilika tiphele embikweNkhosi yemhlaba wonkhe.

Isaya 16:10

Injabulo nekutsakasa kususiwe emahlatsini etitselo lahlanyelwe; kute namunye losahlabela amemete etivinini, sekute losahluta liwayini ematjeni ekulihluta, ngobe ngikucedzile kumemeta.

Isaya 55:13

Esikhundleni setihlahla temanyeva kuyawukhula tihlahla tesipheshula, esikhundleni senchachabutane kukhule mabovana. Loku kuyawuba sikhumbuto sekudvumisa Simakadze, kube sibonakaliso saphakadze, lesingeke sibhujiswe.”

Hezekeli 28:26

Siyawuhlala lapho siphephile, sakhe tindlu, sihlanyele emasimi emagelebisi; sona siyawuhlala siphephile, nase ngehlisela sijeziso kubo bonkhe bomakhelwane baso labasidlela umona. Ngulapho-ke bayawukwati khona kutsi mine nginguSimakadze Nkulunkulu wabo.’ ”

Hezekeli 36:35

Bayawutsi: “Lelive belilihlane lelingenalutfo selihlume laba njengensimi yase-Edeni; emadolobha labesasele atindzala, sekukhala libhungane kuwo, asabhujisiwe, nyalo asabiyelwe futsi asahlalwa bantfu.”

Joweli 2:24

Tindzawo tekubhulela emabele titawugcwala tivuno talokutinhlavu; imiphandza itawugcwala iphuphume ngeliwayini lelisha nangemafutsa.

Joweli 3:18

“Ngalelo langa tintsaba tiyawuntfontsa liwayini lelisha, kutsi emagcuma agelete lubisi, tihosha takaJuda tigijime emanti. Umtfombo uyawugeleta uphume endlini yaSimakadze unisele Sigodzi Semigamba.

Joweli 3:20

Live lakaJuda liyawuhlala lakhelwe bantfu phakadze naphakadze, kanjalo neJerusalema iyawuhlala inebantfu titukulwane ngetitukulwane.

Levithikusi 26:5

Sivuno siyawuba sikhulu kangangekutsi niyawuchubeka nivune, kuze kushaye sikhatsi sekukha emagelebisi. Nekukha emagelebisi kuyawuchubeka kuze kushaye sikhatsi sekuhlanyela. Yebo, niyawudla konkhe kudla lenikufunako, niphindze nihlale ngekuthula eveni lenu.

Amose 9:5

INkhosi Simakadze lenguSomandla, yona letsintsa umhlaba bese uyancibilika, kutsi bonkhe labahlala kuwo balile, live lonkhe likhukhumuke njengeNayili, liphindze libotje njengalomfula waseGibhithe,

Johane 4:35

Nine niyaye ningete nasho yini kutsi: ‘Sekusele tinyanga letine sivune’? Lalelani la, phakamisani emehlo enu nibone kutsi emasimi asamhlophe, asalungele kuvunwa.

Tikhulu 5:5

Tintsaba tatamatama embikwaSimakadze, longuSimakadze waseSinayi. Tatamatama embikwaSimakadze, Nkulunkulu wema-Israyeli.