Amose 9:10 - Siswati 1996 Bible

¹⁰ Tonkhe toni letisemkhatsini wesive sami, tiyakufa ngenkemba; labo labakhuluma batsi: ‘Inhlekelele ingeke isehlele nome isikhandze.’ ”

Amose 9:10 Referencias Cruzadas

Tihlabelelo 10:11

Lomubi ucabanga enhlitiyweni yakhe utsi: “Nkulunkulu akanendzaba, akanaki, angeke abuke ngakimi kuze kube phakadze naphakadze.”

Umshumayeli 8:11

Ngenca yekutsi sigwebo sentfo lembi siyephuta kukhishwa, tinhlitiyo tebantfu setihlosa kwenta bubi ngesibindzi.

Isaya 33:14

Toni taseSiyoni tiyatfutfumela, kutfutfumela kubabambile labangamesabi Nkulunkulu: “Ngubani emkhatsini wetfu longahlala nemlilo locotfulako? Ngubani emkhatsini wetfu longahlala nekuvutsa kwaphakadze?”

Isaya 5:19

maye kulabo labatsi: “Nkulunkulu akasheshise, akaphangise umsebenti wakhe, khona sitewubona. Longcwele waka-Israyeli akakwente masinyane loko latimisele kukwenta, khona sitekwati.”

Isaya 56:12

Ngulowo nalowo uyatikhalela atsi: “Wotani, ngitalilandza liwayini! Asinatseni tjwala njengekutsandza kwetfu! Likusasa nalo litawuba njengalamuhla, nome-ke libe ncono kakhulu!”

Jeremiya 18:18

Batsi: “Wotani sente lisu ngaJeremiya, ngobe imfundziso yemtsetfo lefundziswa baphristi ngeke ize iphele, naleteluleko tetihlakaniphi, nalelivi leliphuma kubaphrofethi. Ngako buyani simhlasele ngemagama etfu, singayinaki yonkhe lentfo layishoko.”

Jeremiya 23:17

Bachubeka bakhulume kulabangedzelelako batsi: ‘Simakadze utsi: Nitawuba nekuthula.’ Kubo bonkhe labalandzela inkhani yetinhlitiyo tabo, batsi: ‘Kute lokubi lokutanehlela.’

Jeremiya 29:32

naku lokushiwo nguSimakadze utsi: Ngempela, ngitamjezisa Shemaya waseNehelamu kanye nesitukulwane sakhe. Kute namunye loyawusala kulabantfu laba, futsi akayiwubona nakunye kwetintfo letinhle lengiyawutentela bantfu bami, ngobe yena ushumayele kuhlubuka mine, kusho Simakadze.’ ”

Hezekeli 20:38

Ngiyawuphenya emkhatsini wenu bonke labo labangivukelako bahlubuke kimi. Nome ngiyawubakhipha eveni lapho bahlala khona nje, noko bangeke bangene eveni laka-Israyeli. Ngulapho-ke niyawungati khona kutsi mine nginguSimakadze.

Amose 6:1

Maye kini, nine labanetsetekile eSiyoni, nakini nine labativela bavikelekile entsabeni yaseSamariya! Maye nakini, nine madvodza lagcamile esiveni lesikhulu nalesisekucala etiveni tonkhe, nine labeta kini baka-Israyeli!

Amose 6:3

Nikhweshisela eceleni lilanga lelibi, bese nisondzeta edvutane umbuso lowesabisako.

Amose 9:8

Naku-ke lokushiwo nguSimakadze, utsi: “Ngempela emehlo eNkhosi Simakadze asetikwawo wonkhe lowo mbuso lowonako. Ngiyakuwubhubhisa ungabikho ebusweni bemhlaba, noko ngingeke ngiyibhubhise yonkhe indlu yakaJakobe.

Mikha 3:11

Babusi balamadolobha bawabusa ngekudizelwa, kanjalo nebaphristi bayatsengwa kuze bachaze bahumushe nemtsetfo, nebaphrofethi imibono netembulo tabo batichaza ngekudizelwa; noko basajinge bachoshe ngekutsi Simakadze unabo, batsi: “Kute lokutasehlela, ngobe Simakadze unatsi.”

Zakhariya 1:6

Kodvwa lamavi ami netimiso tami, lengabayala ngako ngemlomo webaphrofethi, tinceku tami, akuzange kufike yini etindlebeni taboyihlomkhulu? Base bayaphendvuka batsi: ‘Simakadze longuSomandla wente kitsi loko lobekusifanele ngekwetindlela tetfu nangalesikwentako, njengobe abesatimisele kukwenta.’ ”

Malakhi 3:15

Kodvwa nyalo sibita labatigabatisako sitsi bangulababusisiwe. Impela benti balokubi bayaphumelela, ngisho nalabo labamelene naNkulunkulu nabo bayaphunyula.’ ”

Malakhi 4:1

“Impela lilanga liyeta; liyawushisa njengemlilo lowesabekako nalohhumako. Bonkhe labatigcabhako bangangihloniphi nalabenta lokubi bayawuba tinhlanga, lelo langa lelitako liyawubalumekela ngemlilo,” kusho Simakadze longuSomandla. “Kute imphandze nome ligala leliyawusala kubo.