Amose 9:1 - Siswati 1996 Bible

¹ Ngabona Simakadze eme ngaselatini, watsi: “Shaya tihloko tetinsika, kuze tenabelo teminyango titewunyikanyika. Juba tihloko tetinsika utehlisele etinhloko tabo bonkhe bantfu; labo labasele ngiyawubabulala ngenkemba. Kute namunye loyawubaleka; yebo, kute loyawuphunyula.

Amose 9:1 Referencias Cruzadas

2 Tikhronike 18:18

Mikhaya wachubeka watsi: “Ngako-ke lalela livi laSimakadze: Ngabona Simakadze ahleti esihlalweni sakhe sebukhosi, nayo yonkhe imphi yasezulwini ime ngakuye ngesekudla sakhe nangesancele.

Tihlabelelo 68:21

Empeleni, Nkulunkulu uyawutiphohlota, tinhloko tetitsa takhe, aphihlite netinkhakhayi talabaphikelela etonweni.

Tihlabelelo 68:22

Simakadze wakhuluma watsi: “Titsa takho ngiyawutibuyisa naseBhashani, ngibuyise naletisekujuleni kwelwandle,

Isaya 30:16

Natsi nine: ‘Cha, tsine sitawubaleka ngemahhashi.’ Ngako-ke nitawubaleka! Nine natsi: ‘Sitawugibela emahhashini lagijimisa kwembane.’ Ngako-ke laba labanicoshako nabo bayawugijimisa kwembane!

Isaya 6:1

Kwatsi ngemnyaka wekufa kwenkhosi Uziya, ngabona Simakadze ahleti esihlalweni sakhe sebukhosi, naso lesisetulu futsi siphakeme, umsila wesembatfo sakhe ugcwalise lonkhe lithempeli.

Jeremiya 11:11

Ngako-ke naku lokushiwo nguSimakadze, utsi: ‘Ngiyakwehlisela etikwabo inhlekelele labangeke bakhone kuyibalekela. Nome bangakhala bacele lusito kimi, ngingeke ngibalalele.

Jeremiya 42:16

inkemba leniyesabako itanikhandza khona lapho, nalendlala leniyesabako itanilandzela ize iyenikhandza eGibhithe, lapho nitawufike nifele khona.

Jeremiya 48:44

“Wonkhe lobalekela sesabiso uyawuhholokoshela emgodzini. Wonkhe lokhuphukako emgodzini uyawubhajwa elugibeni; ngobe ngiyawehlisela etikwaMowabi umnyaka wakhe wesijeziso,” kusho Simakadze.

Hezekeli 1:28

Lokukhanya kwakumtungeletile njengemushi wenkosazana ubonakala emafini, ngelilanga lekuna kwemvula. Loku bekukubonakala lokwakubonakalisa bukhosi baSimakadze. Ngatsi kube ngikubone konkhe loku, ngawa ngibhekise buso bami phansi, ngase ngiva livi lalokhulumako.

Hezekeli 10:4

Inkhatimulo yaSimakadze yase iyesuka etikwemakherubhi, yehlela emnyango welithempeli. Lifu lagcwalisa lithempeli, nesibuya sagcwaliswa bukhatikhati benkhatimulo yaSimakadze.

Hezekeli 15:7

Ngiyawubhekisa buso bami ngakubo ngimelane nabo. Nome baphumile emlilweni, noko lomlilo usetawubacedza. Ngesikhatsi ngibhekisa buso bami ngakubo ngimelana nabo, niyawukwati-ke kutsi mine nginguSimakadze.

Hezekeli 9:2

Ngase ngibona kuchamuka emadvodza lasitfupha ngasesangweni lelingenhla, lelibuke ngasenyakatfo, nguleyo naleyo iphetse silimato lesibi ngesandla sayo. Emkhatsini wawo kwakunendvodza leyayembetse telineni, leyayinesipatji setintfo tekubhala engculwini yayo. Angena lamadvodza, afike ema eceleni kwelilati lelitfusi.

Amose 3:14

“Mhlazana ngijezisa ema-Israyeli ngenca yetono tawo, ngiyawubhidlita emalati aseBetheli, netimphondvo telilati tiyawujutjwa tilahleke phansi.

Amose 7:17

“Ngako-ke naku lokushiwo nguSimakadze: “ ‘Umfati wakho uyawuba yingwadla yelidolobha; emadvodzana nemadvodzakati akho ayakufa ngenkemba. Emasimi akho atawulinganiswa, abelwe labanye; wena utakufa, ufele eveni lemahedeni. Israyeli, vele, yena utawutfunjwa, esuswe eveni lakhe lekutalwa.’ ”

Amose 7:9

“Tindzawo letiphakeme taka-Isaka tekukhontela tithico tiyawubhujiswa, netindlu taka-Israyeli tekukhontela bonkulunkulu tiyawubhidlitwa. Ngenkemba yami ngiyawuvukela indlu yakaJerobowamu.”

Habakhuki 3:13

Waphumela kutawukhulula bantfu bakho, nekutawusindzisa logcotjiwe wakho. Wambhubhisa umholi waseveni lalababi, wabahlubula kusukela etinweleni tenhloko kuye etintwaneni tetinyawo. Cabanga.

Zefaniya 1:12

“Ngaleso sikhatsi ngiyakuyiphenya ngetibane iJerusalema, ngijezise labo labatesutsisako, labafanana neliwayini lelisele emashiceni alo, bacabange batsi: ‘Simakadze angeke ente lutfo, loluhle nome lolubi.’

Zefaniya 2:14

Imihlambi yetimvu neyetimbuti kanye nemihlambi yetinkhomo iyawulala phansi khona lapho, tilwane netidalwa talo lonkhe luhlobo. Sikhova selihlane nesikhova lesiklabalazako kuyawuhlala etihlokweni tetinsika tayo ebusuku. Kukhala kwato kuyakwenta kutsi umsindvo wekuhokoma uphume ngemafasitelo, imfuhlululu iyawubaseminyango, tinsika temsedari tiyawubekeka ebaleni.

Johane 1:18

Kute lowase wabona Nkulunkulu, ngaphandle kweNdvodzana letelwe yodvwa lenguNkulunkulu, lesesifubeni seYise, ngiyo lembonakalisile.

Johane 1:32

Johane wafakaza watsi: “Ngimbonile Moya ehla ezulwini anjengelituba, wahlala etikwakhe.

Imisebenti yebaPhostoli 26:13

Kwakusemini lenkhulu emgwacweni, Nkhosi, nangibona kukhanya lokwakwendlula kwelilanga kuphuma ezulwini kwangibaneka kwangitungeleta kanye nalabo ngangihamba nabo.

Joshuwa 10:18

watsi: “Gicitelani ematje lamakhulu emnyango walomgedze, bese nibeka balindzi kutsi bawalindze.

Sembulo 1:17

Ngatsi kube ngimbone, ngawa ngasetinyaweni takhe, ngadzimate ngaba njengemuntfu lofile. Wangibamba ngesandla sakhe sangesekudla watsi: “Ungesabi, mine ngiwekucala newekugcina,

Sembulo 8:3

Lenye ingilosi yeta yema ngaselatini iphetse sitja segolide semphepho, yanikwa imphepho lenyenti kutsi iyengete iyihlanganise nemithandazo yabo bonkhe labangcwele, inikele ngayo etikwelilati legolide lelalisembikwesihlalo sebukhosi.