Amose 8:9 - Siswati 1996 Bible

⁹ INkhosi Simakadze itsi: “Ngalelo langa ngiyakwenta lilanga lishone emini, ngente umhlaba ube mnyama emini kala bha.

Amose 8:9 Referencias Cruzadas

Jobe 5:14

Behlelwa bumnyama lobukhasa phansi emini, litsi libalele lise nga, bona bahambe baphumphutsa njengasebusuku.

Isaya 13:10

Umtsentse welizulu kanye nato tonkhe tinkhanyeti ngemabutfo ato kungeke kukuvete kukhanya kwako. Lilanga leliphumako litakwentiwa libe mnyama, ngisho nenyanga iyakwehluleka kukhanyisa.

Jeremiya 13:16

Mnikeni ludvumo Simakadze Nkulunkulu wenu, asengakabuletsi bumnyama, tinyawo tenu tisengakakhubateli emagcumeni lahwalalisako. Netsembele ekukhanyeni, kodvwa utakugucula, akwente kube bumnyama lobuphatsekako, yebo, akwente kube lusizi lolujulile.

Jeremiya 15:9

Unina webantfwana labasikhombisa uyawucaleka, aphefumule kwekugcina. Lilanga liyawumshonela emini, uyawutseleka ngelihlazo, adliwe ngemahloni. Ngiyawubulala insali yesive sami ngenkemba embikwetitsa tayo,” kusho Simakadze.

Hezekeli 32:7

Nase ngikucisha, ngiyakuwasibekela emazulu, ngente tinkhanyeti tawo tibe mnyama. Lilanga ngiyakulimbonya ngelifu, nenyanga ingakukhiphi kukhanya kwayo.

Amose 4:13

Ngako-ke lalelani! Yena lowo lobumba tintsaba, adale umoya, embule imicabango yakhe kumuntfu, yena lowo logucula intsatsakusa, ayente bumnyama, anyatsele tindzawo letiphakeme temhlaba, nguSimakadze Nkulunkulu longuSomandla libito lakhe.

Amose 5:8

Simakadze lowenta tinkhanyeti, wadala Silimela neMtsentse. Nguye logucula bumnyama abente intsatsakusa, ente imini ibe busuku. Ubita emanti aselwandle, awatsele ebusweni bemhlaba, nguSimakadze libito lakhe.

Mikha 3:6

“Baphrofethi, sekusele kancane kuniphelele; yebo, selinishonele lilanga. Njengobe naku nedukisa sive sami, ningeke niphindze nibe netiphrofetho temibono, futsi ningeke nikwati kukubona lokutako kusengakefiki.”

Zakhariya 14:7

Kuyakuba lilanga leliyincophamlandvo, leliyawubate imini nebusuku, lilanga lelatiwa nguSimakadze. Kuyawutsi nakutakuhlwa, kuvele kukhanya.

Matewu 24:29

“Kepha masinyane nje emvakwaleto tinhlupheko, “ ‘lilanga liyawufiphala, nenyanga iyawubate kukhanya, netinkhanyeti tidzilike esibhakabhakeni, nemandla emkhatsi ayawunyakatiswa.’

Matewu 27:45

Kepha kusukela ngeli-awa leli-12 emini umhlaba wonkhe waba mnyama, kwaze kwaba li-awa lesitsatfu.

Makho 15:33

Kwatsi ngeli-awa leli-12 emini kwaba mnyama emhlabeni wonkhe, kwaze kwaba li-awa lesitsatfu.

Lukha 23:44

Kwatsi kungusemini lenkhulu, ngensimbi yeli-12, lilanga lafiphala, bumnyama bembesa live lonkhe, kwaze kwaba ngesikhatsi santsambama, ngensimbi yesitsatfu,

Sembulo 6:12

Latsi liWundlu nalicatulula luphawu lwesitfupha, ngabona kutamatama lokukhulu kwemhlaba. Lilanga laba mnyama njengendvwangu yelisaka leboya, inyanga yaba njengengati.

Sembulo 8:12

Ingilosi yesine yalishaya licilongo layo; kwashaywa incenye yesitsatfu yelilanga, nencenye yesitsatfu yenyanga, nencenye yesitsatfu yetinkhanyeti, loko kwenta kutsi incenye yesitsatfu yekukhanya kwako ibe mnyama; nencenye yesitsatfu yemini yangete yakhanya, kanjalo futsi nencenye yesitsatfu yebusuku.