Amose 8:8 - Siswati 1996 Bible

⁸ Live lingeke yini litfutfumele ngaloku, nabo bonkhe labahlala kulo bangeke yini balile? Lonkhe live liyawukhukhumuka njengeNayili, liyawutanyatanyiswa, bese liyabotja njengalomfula waseGibhithe.”

Amose 8:8 Referencias Cruzadas

Tihlabelelo 18:7

Umhlaba watfutfumela, watamatama, netisekelo tetintsaba tatfutfumela, tatamatama, ngobe Somandla abesatfukutsele.

Isaya 5:25

Ngako-ke intfukutselo yaSimakadze yasivutsela sive sakhe; waphakamisa sandla sakhe wabashaya wabalahla phansi, tintsaba tatamatama. Tidvumbu tabo taba njengemfuhlululu etitaladini. Noko ngako konkhe loku lulaka lwakhe alukagucuki, sandla sakhe sisephakeme.

Jeremiya 12:4

Kuyawudzimate kube ngunini solomane live lihleti ligagadzekile, netjani bawo onkhe emasimi bubunile? Njengobe labo labahlala kulo bakhohlakele, tilwane netinyoni sekubhubhe kwaphela. Ngetulu kwaloko bantfu batsi: “Angeke akubone loko lokwenteka kitsi.”

Jeremiya 46:7

“Ngubani lona lokhuphuka njengemfula iNayili, anjengemifula lenemanti lagubhutelako?

Jeremiya 46:8

IGibhithe ikhuphuka njengeNayili, injengemifula lenemanti lagubhutelako. Itsi: ‘Ngitawuvumbuka ngigcibedzele umhlaba; ngitawubhubhisa emadolobha kanye nebantfu labahlala kuwo.’

Jeremiya 51:29

Live liyatfutfumela ligidzitele, ngobe injongo yaSimakadze ngeBhabhulona imile, kutsi abhubhise live laseBhabhulona, kuze kutsi kubete namunye longahlala kulo.

Danyela 9:26

Emvakwetikhatsi letingema-62, Logcotjiwe uyawuncanyulwa, akayiwuba nalutfo. Bantfu bembusi lomunye loyawufika, bayawulibhubhisa lelidolobha kanye nelithempeli. Siphetfo siyawufika njengesihhuhhula semvula. Kuyawuchubeka kulwa kuze kube ngusekugcineni, kuyawube kwehle incitsakalo.

Hoseya 10:5

Bantfu labahlala eSamariya bayalesabela, lelitfole lelisithico saseBhethi Aveni. Bantfu balo bayawulililela, kanjalo nebaphristi balo labalikhontako, labo lababetsakasele inkhatimulo yalo yegolide, bayawulililela ngobe itsatfwe kubo yayiswa ekutfunjweni.

Hoseya 4:3

Ngenca yaloku live liyalila, nabo bonkhe labahlala kulo bayahusheka; tilwane tesiganga netinyoni tasemoyeni kanye netinhlanti taselwandle kuyafa.”

Amose 8:10

Emadzili enu enkholo ngiyakuwagucula abe sililo, nako konkhe kuhlabela kwenu kube kukhala. Ngiyawunenta nonkhe nembatse emasaka, nihhule tinhloko tenu. Leso sikhatsi ngiyawusenta sifanane nesekulilela indvodzana letelwe yodvwa kabo. Lelo langa liyawugcina kabuhlungu kakhulu.”

Amose 9:5

INkhosi Simakadze lenguSomandla, yona letsintsa umhlaba bese uyancibilika, kutsi bonkhe labahlala kuwo balile, live lonkhe likhukhumuke njengeNayili, liphindze libotje njengalomfula waseGibhithe,

Nahume 1:8

Ngesikhukhula lesinemandla baseNineve labaphambene naye uyawubacedza, abacoshe baye ebumnyameni.

Matewu 24:30

“Lapho-ke kuyawubonakala sibonakaliso seNdvodzana yeMuntfu esibhakabhakeni; tonkhe tive temhlaba tiyawukhala natibona iNdvodzana yeMuntfu ita ngemafu elizulu, ngemandla, nangenkhatimulo lenkhulu.