Amose 8:7 - Siswati 1996 Bible

⁷ Simakadze loludvumo lwaka-Israyeli utifunge yena, watsi: “Ngingeke ngikukhohlwe nakunye kwalabakwentile.

Amose 8:7 Referencias Cruzadas

Jobe 24:23

Angabenta bativele kuphumula lokuphephile, kodvwa emehlo akhe abuka tindlela tabo.

Tihlabelelo 10:11

Lomubi ucabanga enhlitiyweni yakhe utsi: “Nkulunkulu akanendzaba, akanaki, angeke abuke ngakimi kuze kube phakadze naphakadze.”

Tihlabelelo 47:4

Wasikhetsela live letfu kutsi libe lifa letfu, leliligugu nakuJakobe lotsandvwa nguNkulunkulu. Cabanga.

Tihlabelelo 47:5

Nkulunkulu ukhuphuke ngenhlokomo, Simakadze wenyuke nakukhala licilongo.

Tihlabelelo 68:34

Memetelani emandla aNkulunkulu, bukhosi bakhe bengamele sive saka-Israyeli, nemandla akhe asetulu esibhakabhakeni.

Eksodusi 17:16

Mosi wachubeka watsi: “Ngobe tandla taphakanyiselwa kuSimakadze wasipha kuncoba. Simakadze uyawuchubeka nekulwa nema-Amaleki titukulwane ngetitukulwane.”

Isaya 22:14

Simakadze longuSomandla ukwembulile loku kimi, ngakuva: “Niyawuze nife solomane lesono singakahlawulelwa”, isho njalo iNkhosi Simakadze lenguSomandla.

Isaya 43:25

“Mine, ngimi, losusa tiphambuko takho ngenca yami, tono takho angiphindzi ngitikhumbule.

Jeremiya 17:1

“Sono saJuda sicoshwe ngelutsi lwensimbi, sabhalwa ngesihloko sedayimane etibhebheni tetinhlitiyo tabo nasetimphondvweni temalati abo.

Jeremiya 31:34

Sekuyawubate umuntfu loyawufundzisa makhelwane wakhe, nome indvodza ifundzise umnakabo, itsi: ‘Yati Simakadze,’ ngobe bonkhe sebayawungati kusukela kulomncane kuye kulomkhulu,” kusho Simakadze. “Ngobe ngiyawubatsetselela bubi babo, tono tabo ngingasaphindzi ngitikhumbule.”

Jeremiya 44:21

“Simakadze akayikhumbulanga yini wayicabanga imphepho leyayitfunciswa emadolobheni akaJuda nasetitaladini taseJerusalema, itfunciswa ngini naboyihlo nemakhosi enu, netiphatsimandla tenu, kanye nebantfu balelive?

Hoseya 7:2

kodvwa ababoni kutsi ngitikhumbula tonkhe tento tabo letimbi. Tono tabo tiyabagabudzela, tisembikwami ngaso sonkhe sikhatsi.”

Hoseya 8:13

Banikela ngemihlatjelo lenikwe mine, bese badla lenyama, kodvwa Simakadze akajabuli ngayo. Manje sewutabukhumbula bubi babo, abajezisele tono tabo: Bayawubuyela eGibhithe.

Hoseya 9:9

Bonakele ngalokujulile njengasetikhatsini taseGibeya. Nkulunkulu uyawubukhumbula bubi babo, abajezisele tono tabo.

Amose 4:2

INkhosi Simakadze ifungile ngebungcwele bayo, yatsi: “Lalelani la: Siyeta sikhatsi lapho niyawutsatfwa khona ngemadweba, ngisho nebekugcina benu bayawutsatfwa ngemahhuka ekudweba tinhlanti.

Amose 6:8

INkhosi Simakadze itifungile. Simakadze Nkulunkulu longuSomandla utsi: “Ngiyakwenyanya kutigcabha kwaJakobe, tiyanginenga naletinqaba takhe. Ngitaliyekelela lelo dolobha, nako konkhe lokukulo.”

Lukha 2:32

lekukhanya lokwembulelwe betive, neludvumo esiveni sakho saka-Israyeli.”