Amose 8:4 - Siswati 1996 Bible

⁴ Lalelani lapha, nine lenigcobagcoba labeswele nibuye nicedze bonkhe labamphofu balelive,

Amose 8:4 Referencias Cruzadas

1 Emakhosi 22:19

Mikhaya wachubeka watsi: “Ngako-ke lalela livi laSimakadze: Ngabona Simakadze ahleti esihlalweni sakhe sebukhosi nayo yonkhe imphi yasezulwini ime ngakuye imtungeletile ngesekudla sakhe nangesancele.

Jobe 24:4

Bakhweshisa labeswele endleleni, baphocelele bonkhe labamphofu belive kutsi babhace.

Tihlabelelo 10:7

Emlonyeni wakhe kugcwele ticalekiso, nemacebo, nencindzetelo; ngaphansi kwelulwimi lwakhe kucambalale kuganga nebubi.

Tihlabelelo 12:5

Simakadze-ke yena utsi: “Njengobe timphuya setichwagiwe, nanjengobe tihlupheki timpintjekile, ngitakuta ngimephule lowo lofuna lusito, bese ngimbeka endzaweni lengenangoti.”

Tihlabelelo 14:4

Pho, bate yini lwati bonkhe labantfu labenta lokubi? Badla emandla ebantfu bami shangatsi badla sinkhwa, bangathandazi kuSomandla.

Tihlabelelo 140:12

Ngiyati kutsi Simakadze uyayimelela indzaba yalohluphekile, awamelele nemalungelo alomphofu.

Tihlabelelo 56:1

Ngihawukele, Nkulunkulu, ngobe bantfu bayangigcobagcoba; onkhe emalanga labamelene nami bayangihlasela.

Taga 30:14

Labanye bantfu banematinyo latinkemba, nemihlatsi lengimikhwa; yebo, babukhali. Baloshela bamite tonkhe timphuya emhlabeni.

Isaya 1:10

Lalelani livi laSimakadze, nine babusi baseSodoma; lalelani imfundziso yaNkulunkulu wetfu, nine bantfu baseGomora!

Isaya 28:14

Ngako-ke vanini livi laSimakadze, nine tedzeleli lenibusa lesive eJerusalema.

Jeremiya 28:15

Ngako umphrofethi Jeremiya wase ukhuluma kuHananiya, umphrofethi, watsi: “Lalela lapha, Hananiya! Wena awukatfunywa nguSimakadze, kodvwa lesive ulibele kusenta setsembe emanga akho.

Jeremiya 5:21

Lalelani naku, nine bantfu labatilima nalabangenangcondvo, labatsi banemehlo kodvwa babe bangaboni, labatsi banetindlebe kodvwa babe bangeva:

Hezekeli 22:12

Kuwe kunemadvodza lemukela imidizo entele kucitsa ingati; utsatsa intalo ugale inzuzo lenkhulu, wente intalo yebutulujane kumakhelwane wakho ngekumcindzetela. Sewungikhohliwe mine, kusho iNkhosi Simakadze.

Hezekeli 45:10

“ ‘Kufanele nisebentise tisindvo netikali letetsembekile letisemtsetfweni, kube: yi-efa lengiyo nebhathi lengiyo.

Amose 5:11

Nigcobagcoba labamphofu nibacindzetele kutsi baninike kudla. Ngako-ke, nome nakhe tindlu letinkhulu tematje, ningeke nihlale kuto; nome nihlanyele tivini letikhulu, ningeke nilinatse liwayini lato.

Amose 5:12

Ngobe ngiyati kutsi mangaki emacala enu nekutsi tono tenu tikhulu kangakanani. Niyabacindzetela labalungile, nitsatse imidizo, nemuke labamphofu emalungelo abo etinkhundleni.

Amose 7:16

Manje-ke vani livi laSimakadze. Wena watsi: “ ‘Ungaphrofethi lokumelene na-Israyeli. uyekele nekushumayela umelane nendlu ya-Isaka.’

Mikha 2:2

Nabafuna emasimi, bavele bawatsatse ngendlovuyangena; nabafuna tindlu, bavele batidle. Kute namunye lonemndeni lovikelekile, nome lonelutfo loluphephile.

Mikha 3:3

Nidla inyama yemitimba yesive sami, nihlube inyama yaso ematsanjeni aso nihlahlele ematsambo aso, nicobe inyama yemitimba yabo njengenyama icotjelwa kufakwa ebhodweni.

Zakhariya 5:6

Ngabuta, ngatsi: “Kuyini?” Yangiphendvula, yatsi: “Libhasikidi lekukala.” Yaphindze yachubeka yatsi: “Loku bubi bebantfu kuwo wonkhe umhlaba.”

Matewu 23:13

“Maye kini, bafundzisi bemtsetfo nebaFarisi! Batentisi! Nivimbela bantfu umbuso welizulu, nibe nine ningangeni, nebantfu labafuna kungena anibavumeli kutsi bangene. [

YaJakobe 5:6

Nimlahlile nambulala umuntfu lolungile; kantsi akamelani nani.