Amose 8:13 - Siswati 1996 Bible

¹³ “Ngalelo langa tintfombi letinhle nemajaha lanemandla bayawucaleka ngenca yekoma.

Amose 8:13 Referencias Cruzadas

Tihlabelelo 63:1

Nkulunkulu, wena unguNkulunkulu wami! Ngifuna wena. Umphefumulo wami womele wena, umtimba wami ulambele wena, eveni lelomile naleligagadzekile, live lelite emanti.

Isaya 40:30

Nalabasha bayaphela emandla, badzinwe, nemajaha ayakhubatela awe,

Isaya 9:17

Ngako-ke Simakadze ngeke ajabule ngemajaha abo, futsi ngeke abadzabukele labo labangenaboyise kanye nebafelokati, ngobe bonkhe abanaNkulunkulu, futsi babi, bonkhe bakhuluma emanyala. Noko ngako konkhe loku, lulaka lwakhe alukagucuki, sandla sakhe sisephakeme.

Jeremiya 48:18

“Yehlani ekubabatekeni kwenu nihlale emhlabatsini logagadzekile, awu, nine takhamiti taseDiboni, ngobe lowo lobhubhisa Mowabi utanisukela nani, atewubhidlita emadolobha enu labiyelwe.

Sililo 1:18

“Simakadze ulungile, noko ngayihlubuka imitsetfo yakhe. Lalelani, nonkhe nine tive, bukani kuhlupheka kwami. Emajaha akami netintfombi takami sebatfunjiwe.

Sililo 2:10

Babusi beNdvodzakati yaseSiyoni bahlala phansi bathule, batsele lutfuli etinhloko tabo, bembatse emasaka. Emantfombatana aseJerusalema atfobile, abhekisa tinhloko tawo phansi.

Sililo 2:21

“Labasha nalabadzala kulale lunja kanyekanye elutfulini lwetitaladi; emajaha ami netintfombi tami kuwe ngelusiko lwenkemba. Ubabhubhisile ngelilanga lentfukutselo yakho; ubabulale ngenkemba ungenasihawu nabo.

Hoseya 2:3

Ngaphandle kwaloko ngitamhlubula abe ngcunu, ngimente abe ngcunu njengamhlazane atalwa; ngitawumenta abe njengelihlane, ngimgucule abe live leligagadzekile, afe ngekoma.

Hoseya 2:5

Unina abengaketsembeki, wabemitsa ngekwelihlazo, watsi: ‘Ngitawulandzela emashende ami, labo labangipha kudla kwami nemanti ami, insontfo yami, nelineni yami, emafutsa ami kanye nesinatfo sami.’

Zakhariya 9:17

Maye, live lakhe liyawuba lihle bo! Futsi liyawubukeka lilihle kakhulu. Lokutinhlavu kuyawukwenta tinsizwa tiphumelele, neliwayini lelisha lente emantfombatane ondleke.

Dutheronomi 32:25

Esitaladini inkemba iyawubenta babe ngulabangenabantfwana. Emakhaya abo kuyawubusa luvalo. Emajaha netintfombi kuyawubhubha, emakhehla netinswane kuphele.