Amose 7:9 - Siswati 1996 Bible

⁹ “Tindzawo letiphakeme taka-Isaka tekukhontela tithico tiyawubhujiswa, netindlu taka-Israyeli tekukhontela bonkulunkulu tiyawubhidlitwa. Ngenkemba yami ngiyawuvukela indlu yakaJerobowamu.”

Amose 7:9 Referencias Cruzadas

Genesisi 46:1

Ngako Israyeli watsatsa konkhe labenako wahamba, waze wefika eBherisheba, lapho efike wanikela iminikelo kuNkulunkulu wa-Isaka, uyise.

2 Emakhosi 14:24

Wenta lokubi emehlweni aSimakadze, wangete waphendvuka ngisho nakusinye sono lesentiwa nguJerobowamu, umsa waNebati, labedvonsele ngato sive saka-Israyeli ekoneni.

Isaya 63:18

Kwaba sikhashana nje sive sakho saba tindlalifa tendzawo yakho lengcwele, kodvwa nyalo titsa tetfu setiyinyatsele phansi indlu yakho lengcwele.

Jeremiya 51:51

“Sihlazekile, ngobe setfukiwe, lihlazo lisimbonye buso betfu, ngobe bantfu bekuhamba bangenile etindzaweni letingcwele tendlu yaSimakadze.”

Hezekeli 6:3

‘Awu, tintsaba taka-Israyeli, lalelani livi leNkhosi Simakadze. Naku lokushiwo yiNkhosi Simakadze kini, nine tintsaba nemagcuma, nani mifudlana netihosha, itsi: Sekusedvutane kutsi ngehlisele inkemba etikwenu, futsi ngitatibhubhisa letindzawo tenu letiphakeme tekukhontela tithico.

Hoseya 10:8

Tindzawo letiphakeme tebubi tiyawubhujiswa, leso sono sa-Israyeli. Emanyeva nemitfuma kuyawukhula kumbonye emalati abo. Bayawube sebakhuluma etintsabeni batsi: “Simbonyeni!” nasemagcumeni batsi: “Dzilikelani etikwetfu!”

Amose 3:14

“Mhlazana ngijezisa ema-Israyeli ngenca yetono tawo, ngiyawubhidlita emalati aseBetheli, netimphondvo telilati tiyawujutjwa tilahleke phansi.

Amose 5:5

Ningangifuni eBetheli, ningayi naseGilgali, ningayi ngisho naseBherisheba. Ngobe iGilgali ngempela itawudzingiswa, kutsi iBetheli incishiswe ize ibe lite.”

Amose 7:11

Ngobe naku lokushiwo nguAmose, utsi: “ ‘Jerobowamu utakufa ngenkemba, ema-Israyeli wona ngempela atawudzingiswa, esuswe eveni lawo lekutalwa.’ ”

Amose 7:13

Ungaphindzi uphrofethe lapha eBetheli, ngobe lena yindzawo lekutsiwa ingcwele yenkhosi, nelithempeli lembuso.”

Amose 8:14

Labo labafunga ngetithico taseSamariya nome batsi: ‘Ngekuphila kwankulunkulu wakho, Dani,’ nome: ‘Ngekuphila kwankulunkulu wakho, Bherisheba,’ bayakuwa phansi, bangaphindzi bavuke.”

Amose 9:1

Ngabona Simakadze eme ngaselatini, watsi: “Shaya tihloko tetinsika, kuze tenabelo teminyango titewunyikanyika. Juba tihloko tetinsika utehlisele etinhloko tabo bonkhe bantfu; labo labasele ngiyawubabulala ngenkemba. Kute namunye loyawubaleka; yebo, kute loyawuphunyula.

Mikha 1:5

Konkhe loku kuyakwenteka, ngobe Israyeli onile wahlubuka kuNkulunkulu. Empeleni nje ngubani lekufanele asoleke ngenca yekuhlubuka kwa-Israyeli? Vele, yiSamariya. Ngubani lonelicala lekukhonta tithico kaJuda? Vele, yiJerusalema matfupha.