Amose 6:8 - Siswati 1996 Bible

⁸ INkhosi Simakadze itifungile. Simakadze Nkulunkulu longuSomandla utsi: “Ngiyakwenyanya kutigcabha kwaJakobe, tiyanginenga naletinqaba takhe. Ngitaliyekelela lelo dolobha, nako konkhe lokukulo.”

Amose 6:8 Referencias Cruzadas

Genesisi 22:16

yatsi, “Nali livi laSimakadze litsi: ‘Ngitifunga mine kutsi njengobe wente loku, wangete wayigodla indvodzana yakho yekuphela,

Tihlabelelo 106:40

Ngako-ke intfukutselo yaSimakadze yasivutsela sive sakhe, loko lokulifa lakhe kwaba sinengiso kuye.

Tihlabelelo 47:4

Wasikhetsela live letfu kutsi libe lifa letfu, leliligugu nakuJakobe lotsandvwa nguNkulunkulu. Cabanga.

Tihlabelelo 50:12

“Kube bengilambile, bengingeke nginitjele, ngobe umhlaba nako konkhe lokukuwo kwami.

Tihlabelelo 78:59

Watsi nakuva loko Nkulunkulu, watfukutsela, wabalahla baka-Israyeli.

Taga 8:13

Kwesaba Simakadze kukutondza lokubi. Ngiyakutondza kutigcabha, neluchuku, nekutiphatsa dlephu, nebumbulu.

Isaya 28:1

Maye kulowo mchele letitigabatisa ngawo tidzakwa taka-Efrayimu, nakuleyo mbali lebunako, bukhatikhati bebuhle bakhe lobumiswe enhloko yesigodzi lesivundzile; maye kulelo dolobha, ligcabho lalabo lasebalaliswa phansi liwayini!

Jeremiya 12:8

Lifa lami selifanana nelibhubesi lasehlatsini kimi. Liyangihhongela; ngako ngiyalenyanya.

Jeremiya 22:14

Nako kulowo lokhuluma atsi: ‘Ngitatakhela sigodlo lesikhulu lesitawuba nemakamelo lamakhulu lasetulu.’ Ngako utentela emafasitelo lamakhulu kuso asembese ngemsedari, asihlobise nangalokubovu.

Jeremiya 22:5

Kodvwa nangabe aniyihloniphi lemiyalo, ngifunga ngami kutsi lesigodlo sitawuba tindzala, kusho Simakadze.’ ”

Jeremiya 44:26

Kodvwa vanini livi laSimakadze, nonkhe nine maJuda lenihlala eGibhithe: Simakadze utsi: ‘Ngifunga ngeLibito lami lelikhulu kutsi ngingeke ngiphindze ngimvumele nome munye nje umuntfu wakaJuda emkhatsini wenu kutsi afunge ngeLibito lami atsi: “Ngifunga kuphila kweNkhosi Simakadze.”

Jeremiya 49:13

Ngitifunga mine, kutsi iBhosra iyawubhidlitwa ibe yintfo yekwesabisa, intfo yelihlazo, neyekucalekisa, nawo onkhe emadolobha ayo ayawuba ngemadzibikelo aphakadze,” kusho Simakadze.

Jeremiya 51:14

Simakadze longuSomandla utifunge yena, watsi: “Ngiyawukugcwalisa ngemadvodza, kube shangatsi ngemabulo etintsetse, bayawumemeta ngelivi lelikhulu bahalalise ngawe.”

Sililo 2:5

Simakadze unjengesitsa; umgwinyile Israyeli. Ugwinye tonkhe tigodlo takhe, wabhubhisa tinqaba takhe. Wandzise kulila nekukhala kabuhlungu kuyo iNdvodzakati yakaJuda.

Hezekeli 24:21

‘Khuluma kulendlu yaka-Israyeli, utsi: Naku lokushiwo yiNkhosi Simakadze, itsi: Indzawo yami lengcwele sengitayingcolisa, lenqaba lenitigcabha ngayo, injabulo yemehlo enu, intfo lehawukelwa ngumphefumulo wenu. Emadvodzana nemadvodzakati lenawashiya emuva atawubulawa ngenkemba.

Hoseya 11:6

Kuyawuba bumanyamanya betinkemba emadolobheni abo, tiyawubhidlita imicabo yetinsimbi yemasango abo, tiwacedze emacebo abo.

Levithikusi 26:11

Ngiyawuhlala emkhatsini wenu ngisethendeni lekukhontela, ngingesuki kini.

Levithikusi 26:30

Ngiyawubhidlita tindzawo tenu tekukhontela, ngidzilite nemalati enu etimphepho, tidvumbu tenu ngitibutsisele ndzawonye etikwetithico tenu letite imphilo naletiwile; umphefumulo wami uyawunicansukela.

Amose 3:10

Simakadze utsi: “Abati kutsi bangakwenta njani lokulungile, labo lababutsise budlova nemphango etigodlweni tabo.”

Amose 3:11

Ngaleso sizatfu naku lokushiwo yiNkhosi Simakadze, itsi: “Sitsa siyakulitungeleta live, sibhidlite tonkhe tinqaba tenu, siphange netigodlo tenu.”

Amose 4:2

INkhosi Simakadze ifungile ngebungcwele bayo, yatsi: “Lalelani la: Siyeta sikhatsi lapho niyawutsatfwa khona ngemadweba, ngisho nebekugcina benu bayawutsatfwa ngemahhuka ekudweba tinhlanti.

Amose 5:21

Simakadze utsi: “Ngiyawatondza, futsi ngiwabukela phansi lamadzili enu enkholo; ngiyehluleka kuyemukela leyo mihlangano yenu.

Amose 8:3

INkhosi Simakadze itsi: “Ngalelo langa, tingoma letihlatjelwa ethempelini tiyawujika tibe tekudzindza sililo. Kuyawuba nebunikilili betidvumbu letijikijelwe yonkhe indzawo. Kuyawuthula kutsi gudvu!”

Amose 8:7

Simakadze loludvumo lwaka-Israyeli utifunge yena, watsi: “Ngingeke ngikukhohlwe nakunye kwalabakwentile.

Zakhariya 11:8

Nganyanga yinye ngesusa labelusi labatsatfu. Umhlambi wangenyanya, nami ngadzinwa nguwo,

Dutheronomi 32:19

“Simakadze wakubona loko, wabalahla, ngobe abetfukutseliswe ngemadvodzana nemadvodzakati akhe.