Amose 6:11 - Siswati 1996 Bible

¹¹ Ngobe Simakadze ubeke umyalo, lendlu lenkhulu itawubhidlitwa, iphihlitwe ibe ticucu, kutsi nalena lencane ibe ticucu.

Amose 6:11 Referencias Cruzadas

2 Emakhosi 25:9

Wafike wokhela ngemlilo lithempeli laSimakadze, nesigodlo senkhosi kanye nato tonkhe tindlu taseJerusalema. Watokhela ngemlilo tonkhe tindlu letibalulekile.

Tihlabelelo 105:16

Watfumela indlala kulelo live, kwaphela kudla, kati walala etiko.

Tihlabelelo 105:31

Wakhuluma, kwavela emabulo etibawu, kanye netimphungane eveni labo lonkhe.

Tihlabelelo 105:34

Wakhuluma, kwavela sikhonyane, kwavela inkhasa lengeke ibaleke,

Umshumayeli 10:18

Nangabe umnikati wendlu avilapha, luphahla lwendlu yakhe luyahhibika; kantsi futsi nakayingileka nje, indlu yakhe igcina seyingenela.

Isaya 13:3

Labangcwele bami ngibatfumile, ngiwabitile emachawe ami lanemandla kutsi ayewufeza sigwebo sentfukutselo yami, wona lawo lajabulela kungincobela.

Isaya 55:11

linjalo-ke nelivi lami leliphuma emlonyeni wami: Lingeke libuye kimi yabayaba, kodvwa liyawukwenta loko lengikuhlosile, liwufeze umgomo walo lengilikhiphele wona.

Hoseya 13:16

Bantfu baseSamariya kufanele batitfwalele licala labo, ngobe bamhlubukile Nkulunkulu wabo. Bayawubulawa ngenkemba; tinswane tabo tiyawusacatwa phansi emhlabatsini, labakhulelwe babo bahhujutwe tisu.”

Amose 3:15

Ngiyawubhidlita indlu yasebusika kanye nendlu yasehlobo, tindlu letihlotjiswe ngematinyo etindlovu tiyawubhidlitwa, kanjalo netindlu letibukekako tiyawuhhihlitwa,” kusho Simakadze.

Amose 5:11

Nigcobagcoba labamphofu nibacindzetele kutsi baninike kudla. Ngako-ke, nome nakhe tindlu letinkhulu tematje, ningeke nihlale kuto; nome nihlanyele tivini letikhulu, ningeke nilinatse liwayini lato.

Amose 6:8

INkhosi Simakadze itifungile. Simakadze Nkulunkulu longuSomandla utsi: “Ngiyakwenyanya kutigcabha kwaJakobe, tiyanginenga naletinqaba takhe. Ngitaliyekelela lelo dolobha, nako konkhe lokukulo.”

Amose 9:1

Ngabona Simakadze eme ngaselatini, watsi: “Shaya tihloko tetinsika, kuze tenabelo teminyango titewunyikanyika. Juba tihloko tetinsika utehlisele etinhloko tabo bonkhe bantfu; labo labasele ngiyawubabulala ngenkemba. Kute namunye loyawubaleka; yebo, kute loyawuphunyula.

Amose 9:9

“Ngako ngiyawukhipha umyalo, nginyakatise indlu yaka-Israyeli emkhatsini wato tonkhe tive, njengemabele nakanyakatiswa ngesisefo, kodvwa kute ngisho nayinye inhlavu leyakuwela emhlabatsini.

Nahume 1:14

Simakadze sewukhiphe umyalo mayelana nawe, Nineve, lotsi: “Awusayikuba natitukulwane letiyawumisa libito lakho. Ngitawutibhubhisa tonkhe titfombe takho netithico takho letisemathempelini abonkulunkulu bakho. Ngitanilungiselela emathuna, ngobe nibabi kakhulu!”

Zakhariya 14:2

Ngiyakubutsela tonkhe tive eJerusalema kutekulwa nayo; lelidolobha liyawutfunjwa, tindlu tiphangwe, nebesifazane badlwengulwe. Incenye yebantfu balelidolobha iyawutfunjwa, kodvwa laba labanye bantfu labayawube basele bangeke basuswe kulelidolobha.

Malakhi 1:4

Edomu angasho atsi: “Nome sipitjitiwe, kodvwa sitawutakha kabusha letindzala.” Kodvwa naku lokushiwo nguSimakadze longuSomandla, utsi: “Bangakha, kodvwa ngitawuphindze ngibhidlite. Bayawubitwa ngekutsi Live Lenkhohlakalo, sive lesihlala njalo singaphansi kwelulaka lwaSimakadze.

Lukha 19:44

Tiyawukubhidlita uphele nya kanye nebantfu labangekhatsi kwakho; alikho nome linye litje leliyawusala ngetulu kwalelinye, ngobe awusicaphelisisanga sikhatsi Nkulunkulu lakuhambela ngaso.”