Amose 5:15 - Siswati 1996 Bible

¹⁵ Tondzani lokubi nitsandze lokulungile, etinkhundleni yehlulelani ngekungakhetsi. Mhlawumbe Simakadze Nkulunkulu longuSomandla angaba nesihawu kuyo insali yakaJosefa.

Amose 5:15 Referencias Cruzadas

2 Samuweli 16:12

Mhlawumbe Simakadze uyawukubona kuhlupheka kwami, angivuze ngalokuhle kuletinhlamba lengititfola lamuhla nje.”

1 Emakhosi 20:31

Tindvuna takhe takhuluma kuye, tatsi: “Sesivile kutsi emakhosi endlu yaka-Israyeli anesihe. Asambe siye enkhosini yaka-Israyeli sivunule emasaka lapha elukhalweni sibophe tintsambo lapha etinhloko tetfu. Mhlawumbe angahle akusindzise angakubulali.”

2 Emakhosi 13:7

Kwase kute lokwase kusele emabutfweni akaJehoyahazi ngaphandle kwebagibeli bemahhashi lababengema-50, netincola temphi letilishumi, nemasotja labeshuca ngetinyawo labeti-10 000. Inkhosi yemaSiriya yayiwabhubhise onkhe lamanye, yawenta aba njengelutfuli lwanakubhulwako.

2 Emakhosi 15:29

Ngesikhatsi saPhekha, inkhosi yaka-Israyeli, Thiglathi Phileseri, inkhosi yase Asiriya, yefika yatfumba i-Ijoni, ne-Abela Bhethi Makha, neJanowa, neKhedeshi kanye neHasori. Watfumba iGileyadi, neGalile, nalo lonkhe live lakaNaftali, bantfu wabatfumba wabayisa e-Asiriya.

2 Emakhosi 19:4

Kungenteka kube Simakadze Nkulunkulu wakho utaweva onkhe emavi endvuna lenkhulu yemphi, letfunywe ngumphatsi wayo, inkhosi yase-Asiriya, kutsi itewuhlazisa Nkulunkulu lophilako, nekutsi yena utayitsetsisela emavi Simakadze Nkulunkulu wakho lawevile. Ngako-ke thandazela lensali lesolomane isasele.’ ”

Tihlabelelo 119:104

Ngetimiso takho ngitfola kucondza, ngako-ke ngiyatitondza tindlela temanga.

Tihlabelelo 34:14

Khwesha kulokubi wente lokuhle; funisisa kuthula, ukubambisise.

Tihlabelelo 36:4

Utsi alele abe akha emachinga ekuganga, sewuhamba ngendlela lembi, akakwenyanyi lokubi aphambane nako.

Tihlabelelo 37:27

Khwesha ebubini, wente lokuhle; uhlale uphila njalonjalo.

Tihlabelelo 80:1

Sive, Melusi waka-Israyeli, wena lohola Josefa njengemhlambi wetimvu. Wena lohlala emkhatsini wemakherubhi, bonakala ngekukhatimula kwakho.

Tihlabelelo 97:10

Nine lenitsandza Simakadze, tondzani konkhe lokubi, ngobe uyabelusa labametsembako, abephule etandleni talababi.

Eksodusi 32:30

Ngakusasa Mosi wakhuluma kubantfu, watsi: “Nente sono lesikhulu lesesabekako. Kodvwa sengitakwenyuka ngiye kuSimakadze entsabeni; mhlawumbe nginganentela inhlawulo yekubuyisana kuSimakadze ngalokona kwenu.”

Jeremiya 18:8

nangabe futsi leso sive lengisecwayisile siphendvuka ebubini baso, ngiyawube sengiyasiyekela, ngingabe ngisasehlisela leso sehlakalo lebesengisilungisele sona.

Jeremiya 22:3

Naku lokushiwo nguSimakadze, utsi: Yentani loko lokucotfo nalokulungile. Nimephule esandleni semcindzeteli wakhe lowo lodlelelwe. Ningakwenti lokubi nome nimphatse ngebudlova lowo losihambi nalongenayise, nemfelokati, futsi ningayicitsi ingati yemuntfu longenacala kulendzawo.

Jeremiya 31:7

Naku lokushiwo nguSimakadze, utsi: “Hlabelani ngenjabulo kuJakobe; memetelani kulesive lesikhulu kunato tonkhe. Vakalisani kumdvumisa kwenu, nitsi: ‘Awu Simakadze, sindzisa sive sakho, imisalela yaka-Israyeli!’

Hezekeli 45:9

“ ‘Naku lokushiwo yiNkhosi Simakadze, itsi: Senone kakhulu, nine babusi baka-Israyeli. Khawulani lobudlova benu bekucindzetela bantfu. Yentani lokulungile nalokwemukelekako kuNkulunkulu kutsi kulungile. Ningaphindzi nicoshe bantfu bami eveni labo, kusho iNkhosi Simakadze.

Danyela 2:49

Ngetulu kwaloko, ngesicelo saDanyela, inkhosi yabeka boShadraki, naMeshaki, na-Abednego kutsi babe tiphatsimandla kulesifundza saseBhabhulona, kwase kutsi Danyela yena wasala esigodlweni.

Joweli 2:14

Ngubani lowatiko? Mhlawumbe angaba nesihawu, ashiye sibusiso, bese kuba ngiminikelo yalokutinhlavu neyetinatfo yaSimakadze Nkulunkulu wenu.

Amose 5:10

Nine bantfu niyamtondza umuntfu lomelana nebubi benu, nimedzelele umuntfu lokhuluma liciniso lodvwa enkhundleni.

Amose 5:24

Kodvwa kwenta tintfo ngekungakhetsi akube yintfo legeleta njengemfula, kulunga kube yintfo legeleta njengemfula longashi.

Amose 5:6

Funanai Simakadze, nitewuphila, ngobe nakungenjalo, utawuhlasela lendlu yakaJosefa njengemlilo. Lomlilo utawukhotsisisa, iBetheli imeswele lotawucisha lowo mlilo.

Amose 6:12

Emahhashi ayagijima yini emadvwaleni latihhehle? Umuntfu angalima yini khona lapho ngetinkhabi? Kodvwa nine senijikise umtsetfocotfo, nawenta waba butsi, netitselo tekulunga natenta tababa,

Amose 7:3

Simakadze wase uyayekela, watsi: “Loko kungeke kusenteka.”

Jona 1:6

Indvuna yemkhumbi yakhandzanisa Jona alele, yafike yatsi: “Wentani la? Uleleleni? Vuka uthandaze kuNkulunkulu wakho! Mhlawumbe yena utasivela asisindzise singabhubhi!”

Jona 3:9

Ngobe ngubani nje lowatiko, mhlawumbe Nkulunkulu angatisola ayiyekele lentfukutselo yakhe leyesabekako, kuze singabhubhi?’ ”

Mikha 2:12

“Kodvwa ngiyakunibutsela ndzawonye, nonkhe nine sive saka-Israyeli lenisasele. Ngiyawunibutsela nonkhe ndzawonye njengetimvu tibuyela esibayeni sato; nanjengelidlelo leligcwele timvu, live lenu lisetawubuye ligcwale bantfu labanyenti.”

Mikha 3:2

kodvwa esikhundleni saloko nitondza kulunga, nitsandze lokubi. Nihlinza bantfu bami, nihlube inyama yabo ematsanjeni abo.

Mikha 5:3

Ngako Simakadze lesive sakhe uyawusiyekelela etitseni taso, kuze kufike sikhatsi sekutalwa kwendvodzana. Kuyawutsi bonkhe bakubo, labayawube basakatekile batfumbeka, bahlanganiselwe ndzawonye babe sive sinye.

Zefaniya 2:3

Funani Simakadze, nonkhe nine lenitfobekile belive, nine lenenta loko latsi kwenteni. Funani kulunga, nifune kutfobeka, mhlawumbe ningahle nivikeleke ngelilanga lentfukutselo yaSimakadze.

Malakhi 3:18

Niyawuphindze niwubone kahle umehluko emkhatsini walabalungile nalababi, ngisho emkhatsini walabo labakhonta Nkulunkulu nalabo labangamkhonti.”

KubaseRoma 12:9

Lutsandvo kufanele lubete kutentisa. Tondzani lokubi, nibambisise lokuhle.

KubaseRoma 7:22

Ngobe ngekwemuntfu longekhatsi ngitfokotela umtsetfo waNkulunkulu.

KubaseRoma 8:7

Ngako-ke labanaka kwenyama batitsa kuNkulunkulu, ngobe abawutfobeli umtsetfo waNkulunkulu; empeleni bate emandla ekuwutfobela.

3 yaJohane 1:11

Wena lotsandzekako, ungasilandzeli sibonelo lesibi, kepha ubolandzela sibonelo lesihle. Umuntfu lowenta lokulungile waNkulunkulu; kepha umuntfu lowenta lokubi akazange asambone Nkulunkulu.