Amose 5:14 - Siswati 1996 Bible

¹⁴ Funani lokuhle, hhayi lokubi, khona nitewuphila. Khona-ke Simakadze Nkulunkulu longuSomandla uyawuba nani, njengobe nani nisho kutsi unani.

Amose 5:14 Referencias Cruzadas

Genesisi 39:23

Umgcinijele akazange aphindze ahlupheke ngaloko lokwakungaphansi kwesandla saJosefa, ngobe Simakadze abenaye, futsi konkhe labekwenta Josefa Simakadze abekuphumelelisa.

1 Tikhronike 28:20

Davide waphindze wakhuluma kuSolomoni, indvodzana yakhe, watsi: “Cina, ube nesibindzi, wente lomsebenti. Ungesabi, futsi ungapheli emandla, ngobe Simakadze Nkulunkulu, longuNkulunkulu wami, unawe. Angeke akujabhise, futsi angeke akulahle, kuze kuphele wonkhe umsebenti wekukhonta ethempelini laSimakadze.

2 Tikhronike 15:2

Wahamba waya kuyawuhlangana nenkhosi Asa, wafike kuye watsi: “Lalela lapha kimi, nkhosi Asa, nani nonkhe nine bakaJuda nebakaBhenjamini. Simakadze unani, uma ninaye. Nanimfuna, nitamtfola, kodvwa nanimlahla, naye uyakunilahla.

Tihlabelelo 46:11

Nkulunkulu Somandla unatsi, Nkulunkulu waJakobe usiphephelo setfu. Cabanga.

Tihlabelelo 97:10

Nine lenitsandza Simakadze, tondzani konkhe lokubi, ngobe uyabelusa labametsembako, abephule etandleni talababi.

Eksodusi 3:12

Nkulunkulu watsi: “Mine, ngitawuba nawe. Nasi-ke sibonakaliso loyawubona ngaso kutsi ngimi lona lokutfumile: Kuyawutsi nase ubakhiphile bantfu bami eGibhithe, bese niyeta nifike ningikhonte kulentsaba.”

Taga 11:27

Umuntfu lofunana nalokuhle ufunana nemvuzo; kodvwa lofunana nebubi uhlangabetana nabo.

Isaya 55:2

Niyicitselani imali kuloko lokungesiso sinkhwa? Niyisebentelani intfo lengenelisi? Lalelani, lalelani kimi, nidle loko lokulungile, nemphefumulo wenu uyawujabula ngekudla lokumnandzi kakhulu.

Isaya 8:10

Takheleni emasu enu, kodvwa atakwehlulekiswa; yentani emachinga enu, kodvwa ngeke aphumelele; ngobe Nkulunkulu unatsi.

Amose 3:3

Bantfu lababili bangahambisana yini kanyekanye bangakavumelani?

Amose 5:6

Funanai Simakadze, nitewuphila, ngobe nakungenjalo, utawuhlasela lendlu yakaJosefa njengemlilo. Lomlilo utawukhotsisisa, iBetheli imeswele lotawucisha lowo mlilo.

Mikha 3:11

Babusi balamadolobha bawabusa ngekudizelwa, kanjalo nebaphristi bayatsengwa kuze bachaze bahumushe nemtsetfo, nebaphrofethi imibono netembulo tabo batichaza ngekudizelwa; noko basajinge bachoshe ngekutsi Simakadze unabo, batsi: “Kute lokutasehlela, ngobe Simakadze unatsi.”

Mikha 6:8

Cha, Simakadze usitjelile lokungukona kukuhle. Lakufunako kitsi ngunaku: Ufuna sente kulunga, siphatsane ngemusa, siphilele Nkulunkulu ngentfobeko.

Zefaniya 2:3

Funani Simakadze, nonkhe nine lenitfobekile belive, nine lenenta loko latsi kwenteni. Funani kulunga, nifune kutfobeka, mhlawumbe ningahle nivikeleke ngelilanga lentfukutselo yaSimakadze.

Numeri 16:3

Babutsana ndzawonye bahlasela boMosi na-Aroni, batsi kubo: “Senihambe kakhulu! Sonkhe lesive singcwele, bonkhe ngamunye ngamunye wabo, futsi naNkulunkulu unabo. Nine-ke nitiphakamiselani etikwalesive saSimakadze?”

Matewu 1:23

“Bheka, intfombi iyawukhulelwa itale indvodzana, libito layo kuyawutsiwa ngu-Imanuweli,” lokusho kutsi: “Nkulunkulu unatsi.”

Matewu 28:20

nibafundzise kugcina konkhe lenginiyale ngako. Nibokwati kutsi mine nginani onkhe emalanga, kuze kube ngusekupheleni kwetikhatsi.”

Matewu 6:33

Kodvwa funani kucala umbuso waNkulunkulu kanye nekulunga kwakhe, khona tonkhe letintfo titakwengetelwa kini.

2 kuThimothi 4:22

INkhosi ayibe nemoya wakho. Umusa awube nani.

Joshuwa 1:9

Angikakuyali yini? Cina ube nesibindzi. Ungetfuki, futsi ungaphelelwa ngemandla, ngobe Simakadze Nkulunkulu wakho uyakuba nawe nome ngukuphi lapho uya khona.”