Amose 5:11 - Siswati 1996 Bible

¹¹ Nigcobagcoba labamphofu nibacindzetele kutsi baninike kudla. Ngako-ke, nome nakhe tindlu letinkhulu tematje, ningeke nihlale kuto; nome nihlanyele tivini letikhulu, ningeke nilinatse liwayini lato.

Amose 5:11 Referencias Cruzadas

Jobe 20:19

Ngobe ubacindzetele labamphofu, wabashiya beswele, ubadle netindlu tabo langazange asatakhe.

Isaya 16:10

Injabulo nekutsakasa kususiwe emahlatsini etitselo lahlanyelwe; kute namunye losahlabela amemete etivinini, sekute losahluta liwayini ematjeni ekulihluta, ngobe ngikucedzile kumemeta.

Hezekeli 26:12

Bayawuphanga bunjinga bakho, batfumbe netimphahla takho letitsengwa titsengiswe, bayawubhidlitela phansi tibondza takho, bahhihlite tindlu takho letinhle, balahle ematje akho, netingodvo leticinile, nayo yonkhe imfuhlululu elwandle.

Hezekeli 34:21

Njengobe nitifuca ngemhlubulo nangelihlombe, nitigcubule ngetimphondvo tenu tonkhe timvu letibutsakatsaka, nize niticoshe tihambe,

Hoseya 9:2

Emabala ekubhulela kolo nematje ekuhluta liwayini ngeke abondle bantfu; liwayini lelisha bangeke balitfole.

Levithikusi 26:16

ngiyawunijezisa nganaku: Ngiyawunehlisela kutfutfumela lokwesabekako, netifo letingelapheki, nemikhuhlane lephumphutsekisa emehlo, nginente nihusheke. Niyawulima nihlanyelele lite, ngobe titsa tenu tiyawunehlula tidle konkhe loko kudla.

Amose 2:6

Naku lokushiwo nguSimakadze, utsi: “Bantfu baka-Israyeli bone kwaze kwengca, ngaleso sizatfu ngingeke ngihlale ngingabajezisi. Labalungile babatsengisa ngesiliva, bese kutsi labeswele babatsengise ngetincabule letimbili.

Amose 2:7

Bagcobagcoba tinhloko talabamphofu kube shangatsi bagcobagcoba lutfuli lwemhlaba, bese kutsi labacindzetelwe bangababoneleli. Indvodza nemsa wayo balala nentfombatana yinye, ngaloko bahlazise Libito lami lelingcwele.

Amose 3:15

Ngiyawubhidlita indlu yasebusika kanye nendlu yasehlobo, tindlu letihlotjiswe ngematinyo etindlovu tiyawubhidlitwa, kanjalo netindlu letibukekako tiyawuhhihlitwa,” kusho Simakadze.

Amose 3:9

Memetelani etigodlweni tase-Ashdodi nasetigodlweni taseGibhithe, nitsi: “Butsanani ndzawonye etintsabeni taseSamariya; bonani umsindvo lomkhulu losemkhatsini wayo kanye nekucindzetelwa lokukuyo.”

Amose 4:1

Lalelani nali livi, nine bafati basentsabeni yaseSamariya, leniphila kahle, nitamase njengetinkhomati taseBhashani, nine lenicindzetela labamphofu, nifihlite labeswele, niphocelele emadvodza enu kutsi aninike tjwala!

Amose 6:11

Ngobe Simakadze ubeke umyalo, lendlu lenkhulu itawubhidlitwa, iphihlitwe ibe ticucu, kutsi nalena lencane ibe ticucu.

Amose 6:12

Emahhashi ayagijima yini emadvwaleni latihhehle? Umuntfu angalima yini khona lapho ngetinkhabi? Kodvwa nine senijikise umtsetfocotfo, nawenta waba butsi, netitselo tekulunga natenta tababa,

Amose 8:4

Lalelani lapha, nine lenigcobagcoba labeswele nibuye nicedze bonkhe labamphofu balelive,

Amose 9:14

Ngiyawusilandza sibuye sive sami ema-Israyeli lebesitfunjiwe, siyakuwakha kabusha emadolobha aso langemadzibikelo, bese sihlala kuwo. Siyawuhlanyela tivini, sinatse liwayini lato; siyawukwakha tingadze, sidle titselo tato.

Mikha 1:6

Ngako Simakadze utsi: “ISamariya ngitayenta ibe tindzala tesikhotsa, kube yindzawo yekuhlanyela umvini. Tindlu letitindzala ngiyakutitfulula tigeletele etigodzini, kutsi tisekelo telidolobha ngitihlubule tibesebaleni.

Mikha 2:2

Nabafuna emasimi, bavele bawatsatse ngendlovuyangena; nabafuna tindlu, bavele batidle. Kute namunye lonemndeni lovikelekile, nome lonelutfo loluphephile.

Mikha 6:15

“Niyawuhlanyela, kodvwa aniyiwuvuna. Niyawuhluta emafutsa etitselweni tawo, kodvwa aniyikuwasebentisa. Niyawuphisa liwayini, kodvwa ningalinatsi.

Zefaniya 1:13

Ingcebo yabo iyawuphangwa, netindlu tabo tibhidlitwe. Bayawukwakha tindlu, kodvwa bangahlali kuto; bayawuhlanyela tivini, kodvwa bangalinatsi liwayini lato.”

Hagayi 1:6

Nihlanyele kakhulu, navuna kuncane. Niyadla, anesutsi; niyanatsa, kodvwa anikholwa. Niyembatsa, kodvwa anifutfumali. Niyahola imali yenu, niyifake esipatjini lesinetimbobo.”

Malakhi 1:4

Edomu angasho atsi: “Nome sipitjitiwe, kodvwa sitawutakha kabusha letindzala.” Kodvwa naku lokushiwo nguSimakadze longuSomandla, utsi: “Bangakha, kodvwa ngitawuphindze ngibhidlite. Bayawubitwa ngekutsi Live Lenkhohlakalo, sive lesihlala njalo singaphansi kwelulaka lwaSimakadze.

Dutheronomi 28:30

“Uyakushaywa ngekutsi wetsembise intfombi kusuke lenye indvodza iyidlwengule. Uyawukwakha indlu, kodvwa ungahlali kuyo. Uyawulima sivini, kodvwa ungafinyeleli ekudleni emagelebisi aso.

YaJakobe 2:6

Kepha nine nimdvumatile lona lophuyile. Akusibo labacebile yini labanicindzetelako? Akusibo yini labo labanimangalela etinkantolo?