Amose 5:1 - Siswati 1996 Bible

¹ Lalelani nali livi, ninendlu yaka-Israyeli. Lesililo ngisenta ngenca yenu:

Amose 5:1 Referencias Cruzadas

Jeremiya 18:13

Ngako-ke naku lokushiwo nguSimakadze, utsi: “Butani kuletinye tive nitsi: ‘Ngubani lowake weva ngentfo lenje?’ Intfo leyesabeka kakhulu yentiwe yiNtfombi lengu-Israyeli.

Jeremiya 7:29

Hhulani tinwele tenu, nine bantfu baseJerusalema, nitilahle, nilile sililo emagcumeni laphakeme, ngobe Simakadze usilahlile, wasishiya lesitukulwane lesingaphansi kwelulaka lwakhe.’ ”

Jeremiya 9:10

Ngiyawukhala ngililele tintsaba, ngikhihlite sililo ngenca yemadlelo asehlane. Alahliwe omile akasahanjwa ngumuntfu, nekubhonsa kwetinkhomo akusevakali. Tinyoni tasemoyeni setibalekile, netilwane tihambile.

Jeremiya 9:17

Naku lokushiwo nguSimakadze longuSomandla, utsi: “Caphelani-ke manje! Bitani bafati besililo kutsi bete; ngibiteleni labo labahlakaniphile babo.

Jeremiya 9:20

Awu, nine labasikati, vanini livi laSimakadze. Vulani tindlebe tenu kuwo emavi laphuma emlonyeni wakhe. Fundzisani emadvodzakati enu kukhihla sililo, fundzisani ngulowo nalowo kulila.

Jeremiya 9:9

Ngingete ngabajezisa yini ngaloku?” kusho Simakadze. “Ngingete ngatiphindziselela yini mine esiveni lesifanana nalesi?”

Hezekeli 19:1

“Phakamisa sililo ulilele tikhulu taka-Israyeli, utsi:

Hezekeli 19:14

Umlilo wabhebheteleka kulelinye lemagala aso lamakhulu wadla titselo taso. Kute nalinye ligala lelicinile lelisasele kuso lelilungele kutsi libe yindvuku yebukhosi.’ “Lesi-ke sililo, lesaba sililo lesisetjentiswa njalo nje.”

Hezekeli 26:17

Bayawube sebadzindza sililo macondzana nawe, batsi: “ ‘Awu, dolobha lelidvume kangaka, ubhujiswe kanjani, bewugcwele emadvodza aselwandle! Wawungemandla etikwetilwandle, wena kanye nebantfu labahlala kuwe; wagcwalisa ngekwesaba bonkhe lababehlala lapho.

Hezekeli 27:2

“Ndvodzana yemuntfu, dzindza sililo macondzana neThire.

Hezekeli 28:12

“Ndvodzana yemuntfu, dzindza sililo ngenkhosi yaseThire, utsi kuyo: ‘Naku lokushiwo yiNkhosi Simakadze, itsi: “ ‘Wena bewusibonelo sekuphelela, ugcwele kuhlakanipha, futsi uphelele ngebuhle.

Hezekeli 32:16

“Lesi sililo labayakuyihlabelela sona. Emadvodzakati etive ayakusihlabela; ngobe ayawulilela iGibhithe neticumbi tayo, kusho iNkhosi Simakadze.”

Hezekeli 32:2

“Ndvodzana yemuntfu, lila, ulilele Faro, inkhosi yaseGibhithe, utsi: “ ‘Ufanana nelibhubesi emkhatsini wetive; ufanana nanyokangwenya etilwandle, ushaya lidamu emifudlaneni yakho, uphehle emanti ngetinyawo takho, udvunge lemifudlana.

Amose 3:1

Lalelani nankha emavi lashiwo nguSimakadze ngani, anisola nine, sive sema-Israyeli, umelana nawo wonkhe umndeni lawukhipha eGibhithe, utsi:

Amose 4:1

Lalelani nali livi, nine bafati basentsabeni yaseSamariya, leniphila kahle, nitamase njengetinkhomati taseBhashani, nine lenicindzetela labamphofu, nifihlite labeswele, niphocelele emadvodza enu kutsi aninike tjwala!

Amose 5:16

Ngako-ke naku lokushiwo yiNkhosi, Nkulunkulu longuSomandla, Simakadze, itsi: “Kuyawuba khona kudzindza sililo kuto tonkhe titaladi, nekukhala kabuhlungu kuto tonkhe tinkhundla. Kutawubitwa balimi kutsi nabo balile, kubitwe nalabati tililo kutsi bakhale.

Amose 8:14

Labo labafunga ngetithico taseSamariya nome batsi: ‘Ngekuphila kwankulunkulu wakho, Dani,’ nome: ‘Ngekuphila kwankulunkulu wakho, Bherisheba,’ bayakuwa phansi, bangaphindzi bavuke.”

Mikha 2:4

Mhlazana kufika leso sikhatsi, tive tiyawubekiselana ngalendzaba yenu yesehlakalo, tiyawuhlabela ingoma ngelusizi lwesehlakalo lesiyawube sinehlele, titsi: ‘Sibhujisiwe sacedvwa, Simakadze ulitsetse live letfu, walinika labo labasitfumbile.’ ”