Amose 4:13 - Siswati 1996 Bible

¹³ Ngako-ke lalelani! Yena lowo lobumba tintsaba, adale umoya, embule imicabango yakhe kumuntfu, yena lowo logucula intsatsakusa, ayente bumnyama, anyatsele tindzawo letiphakeme temhlaba, nguSimakadze Nkulunkulu longuSomandla libito lakhe.

Amose 4:13 Referencias Cruzadas

Jobe 9:7

Ukhuluma nelilanga kutsi lingakhanyi, lingete laphuma, usibekela kukhanya kwetinkhanyeti.

Tihlabelelo 135:7

Nguye lokhuphula tinkhungu emikhawulweni yemhlaba. Wenta imibane ilandzelwe yimvula. Ukhipha imimoya etingosini takhe.

Tihlabelelo 139:2

Uyakwati kuhlala kwami nekuvuka kwami, imicabango yami uyati ingakaveli.

Tihlabelelo 147:18

Utfumela livi lakhe likuncibilikise, avuse umoya wakhe, emanti agobhote.

Tihlabelelo 65:6

Wena lowamisa tintsaba ngemandla akho, watimisa uvunule emandla.

Eksodusi 10:22

Mosi waphakamisela sandla sakhe etulu esibhakabhakeni, kwaba nebumnyama lobulicinsi, lobasibekela lonkhe live laseGibhithe emalanga lamatsatfu.

Eksodusi 14:20

yabasemkhatsini wesive saseGibhithe nesive sema-Israyeli. Lelifu laba bumnyama esiveni saseGibhithe, kodvwa laba kukhanya esiveni sema-Israyeli ngabo bonkhe lobo busuku. Sive semaGibhithe nesive sema-Israyeli atizange tihlangane.

Isaya 40:12

Ngubani lolinganise emanti ngentsendze yesandla sakhe, nome lowatsi ngebubanti besandla sakhe wemisa imikhawulo yemazulu? Ngubani lolinganisa lutfuli lwemhlaba ngembita, nome lowake wakala tintsaba ngesikali, wakala nemagcuma ngesilinganiso?

Isaya 45:7

Ngenta kukhanya, ngidale bumnyama, ngiletsa lokuhle, ngidale lokubi, mine Simakadze, ngitenta tonkhe letintfo.”

Isaya 47:4

UMhlengi wetfu, Simakadze longuSomandla libito lakhe, unguLongcwele waka-Israyeli.

Isaya 48:2

nine lenitibita ngekutsi nitakhamiti tasedolobheni lelingcwele, netsembele kuNkulunkulu wema-Israyeli, Simakadze longuSomandla libito lakhe, lalelani naku:

Isaya 5:30

Ngalelo langa bayawubhodla etikwa-Israyeli njengekubhodla kwelwandle. Umuntfu uyawutsi nakabuka live, abone bumnyama lobesabekako; ngisho nekukhanya imbala emafu ayawukwenta kube bumnyama.

Jeremiya 10:13

Utsi nakabhavumula, emanti asemazulwini advume; ukhuphula emafu emikhawulweni yemhlaba. Utfumela imibane kanye nemvula, akhiphe umoya lohhushako etingungwini takhe.

Jeremiya 10:16

Lowo Losabelo sakaJakobe akafanani naleti, ngobe yena unguMenti wato tonkhe tintfo, wamenta na-Israyeli, sive lesilifa lakhe, nguSimakadze Somandla libito lakhe.

Jeremiya 13:16

Mnikeni ludvumo Simakadze Nkulunkulu wenu, asengakabuletsi bumnyama, tinyawo tenu tisengakakhubateli emagcumeni lahwalalisako. Netsembele ekukhanyeni, kodvwa utakugucula, akwente kube bumnyama lobuphatsekako, yebo, akwente kube lusizi lolujulile.

Jeremiya 46:18

“Ngifunga kuphila kwami,” kusho iNkhosi, lelibito layo kunguSimakadze longuSomandla, “kuyawufika lowo lonemandla njengeThabori emkhatsini wetintsaba, nanjengeKhameli ngaselwandle.

Jeremiya 51:16

Nakabhavumula yena, emanti asemazulwini ayabhodla, ukhuphula emafu emikhawulweni yonkhe yemhlaba. Utfumela umbane nemvula, akhiphe umoya etingungwini takhe.

Jeremiya 51:19

Lowo Losabelo sakaJakobe akafanani naleti, ngobe yena unguMenti wato tonkhe tintfo, ngisho newesive lesilifa lakhe. Libito lakhe nguSimakadze longuSomandla.

Danyela 2:28

kodvwa ukhona Nkulunkulu losezulwini lowembula timfihlakalo. Nguye lobonise inkhosi Nebukhadnezari loko lokutakwenteka kulamalanga letako. Liphupho lakho nemibono yakho leyendlule lapha engcondvweni yakho usalele embhedzeni wakho ngunaku:

Danyela 2:30

Lemfihlo yembuliwe kimi, hhayi ngobe mine nginekuhlakanipha lokukhulu kwendlula labanye bantfu labaphilako, kodvwa kuze kutsi wena, nkhosi, utekwatiswa inchazelo, khona utewucondzisisa loko lokwendlule engcondvweni yakho.

Hoseya 12:6

Kodvwa wena kufanele ubuyele kuNkulunkulu wakho, umtsandze, ulalele imitsetfo yakhe, wente intsandvo yakhe, ulindzele Nkulunkulu wakho ngaso sonkhe sikhatsi.

Joweli 2:2

Lelo lilanga lebumnyama nesigayegaye, lilanga lemafu nebumnyama lobukhulu. Njengekusa nakwendlaleka etintsabeni kunjalo nekuta kwemphi lenkhulu nalenemandla, lengazange seyibe khona nasendvulo, futsi ingeke iphindze ibe khona nome ngunini.

Amose 3:13

INkhosi Simakadze, Nkulunkulu longuSomandla, utsi: “Vanini naku, niyidvonse ngendlebe indlu yakaJakobe.

Amose 5:27

ngitanenta nitfunjelwe ngesheya kweDamaseko,” usho njalo-ke Simakadze, lolibito lakhe linguNkulunkulu longuSomandla.

Amose 5:8

Simakadze lowenta tinkhanyeti, wadala Silimela neMtsentse. Nguye logucula bumnyama abente intsatsakusa, ente imini ibe busuku. Ubita emanti aselwandle, awatsele ebusweni bemhlaba, nguSimakadze libito lakhe.

Amose 6:8

INkhosi Simakadze itifungile. Simakadze Nkulunkulu longuSomandla utsi: “Ngiyakwenyanya kutigcabha kwaJakobe, tiyanginenga naletinqaba takhe. Ngitaliyekelela lelo dolobha, nako konkhe lokukulo.”

Amose 8:9

INkhosi Simakadze itsi: “Ngalelo langa ngiyakwenta lilanga lishone emini, ngente umhlaba ube mnyama emini kala bha.

Amose 9:6

ngiyo leyakha sigodlo sayo lesiphakeme emazulwini, sisekelo sayo isimbele emhlabatsini, yona lememeta emanti aselwandle bese iwacitsela etikwebuso bemhlaba, libito layo nguSimakadze.

Mikha 1:3

Simakadze usuka endzaweni yakhe lengcwele; utakwehla ahambe eticongweni tetintsaba.

Habakhuki 3:19

Simakadze loyiNkhosi ungemandla ami; wenta tinyawo tami tibe njengetenyamatane, ungenta ngihambe ngiphephile etindzaweni letiphakeme. Lemhlabelisi wetemiculo. Elugujini lwami lolunetintsambo.

Zakhariya 12:1

Livi lesembulo: Leli livi laSimakadze nga-Israyeli. Simakadze, lowendlale emazulu, lobeke tisekelo temhlaba, nalowabumba umoya wemuntfu ekhatsi kuye, utsi:

Matewu 9:4

Kodvwa Jesu ayati imicabango yabo, watsi: “Yini nicabange lokubi etinhlitiyweni tenu?

Johane 2:25

Futsi-ke sasingekho nesidzingo sekutsi angachazelwa ngulomunye ngebantfu, ngobe yena bekati lingekhatsi lemuntfu.

Johane 3:8

Umoya uhhusha lapho utsandza khona, uyakuva kuhhusha kwawo, kodvwa awati lapho uphuma khona nalapho uya khona. Loko-ke kufanana naye wonkhe umuntfu lotelwe nguMoya.”

Dutheronomi 32:13

“Wamgibelisa eticongweni etindze temhlaba, wamondla ngetitselo tesiganga. Wamkhuluphalisa ngeluju lwemadvwala nangemafutsa asemifantfwini, ematjeni emlilo.

Dutheronomi 33:29

Ubusisiwe wena, Israyeli! Ngubani lofanana nawe, sive lesisindziswe nguSimakadze? Nguye losihlangu sakho nemsiti wakho, nenkemba yakho yeludvumo. Titsa takho tiyawutiletsa kuwe, wena uyakutigcobagcoba tindzawo tato letiphakeme.”