Amose 3:9 - Siswati 1996 Bible

⁹ Memetelani etigodlweni tase-Ashdodi nasetigodlweni taseGibhithe, nitsi: “Butsanani ndzawonye etintsabeni taseSamariya; bonani umsindvo lomkhulu losemkhatsini wayo kanye nekucindzetelwa lokukuyo.”

Amose 3:9 Referencias Cruzadas

2 Samuweli 1:20

“Loku akusiwumenyetelwa eGathi, kungakhulunywa nasetitaladini tase-Ashkeloni, funa emadvodzakati emaFilisti ajabule, funa emadvodzakati alabangakasoki atfokote.

Taga 1:13

Sitawutfola tonkhe tintfo letiligugu, sigcwalise tindlu tetfu ngetimphahla lesitichwagile.

Taga 11:16

Umuntfu lomsikati lonemusa utfola ludvumo ngako, kantsi bantfu labanelutfutfuva batfola ludvumo ngemcebo wabo.

Umshumayeli 4:1

Ngaphindze ngabuka ngabona konkhe kucindzetelana lokwentiwako lapha ngaphansi kwemtfunti welilanga: Ngabona tinyembeti talabacindzetelwe, bate ngisho nemdvudvuti; emandla abengakubacindzeteli babo, kodvwa labo labacindzetelwe bate ngisho nemdvudvuti.

Jeremiya 31:5

Uyawuphindze futsi uhlanyele tivini emagcumeni aseSamariya; balimi bayawutihlanyela, bajabule ngetitselo tato.

Jeremiya 46:14

“Memetelani loku eGibhithe, nikwatise futsi naseMigdoli; kumemeteleni futsi naseMemfisi kanye naseThaphanesi, nitsi: ‘Manini ngetigaba tenu nilungele, ngobe inkemba iyawudla labo labanitungeletile.’

Jeremiya 50:2

“Memetelani nikhulume emkhatsini webetive, phakamisani siboniso semphi, nimemetele, ningafihli lutfo, kodvwa tsanini: ‘IBhabhulona itawutfunjwa, Bheli utawuhlazeka, Maduki yena agcwale kwesaba. Titfombe tayo tiyawuhlazeka netithico tayo tigcwale kwesaba.’

Hezekeli 36:8

“ ‘Kodvwa nine, tintsaba taka-Israyeli, niyawuhluma emagala, nitselele sive sami ema-Israyeli titselo tenu, ngobe siyawubuya ekhaya masinyane.

Hezekeli 37:22

Ngiyawubenta babe sive sinye kulelo live, etintsabeni taka-Israyeli. Kuyawuba nenkhosi yinye leyawubabusa bonkhe, futsi abasayiwuphindze babe tive letimbili letehlukene nome behlukane babe ngimibuso lemibili.

Hoseya 7:1

nase ngifuna kuphilisa Israyeli, tono ta-Efrayimu tibekwa ebaleni, nemacala eSamariya ayembulwa. Benta emacebo, emasela agcekeze tindlu, tigebengu tibamba inkunzi etitaladini;

Amose 1:8

Ngitayibhubhisa inkhosi yase-Ashdodi nalowo lophetse indvuku yebukhosi e-Ashkeloni. Ngitayivukela i-Ekroni, ngiwabhubhise onkhe emaFilisti kungasali namunye,” kusho iNkhosi Simakadze.

Amose 4:1

Lalelani nali livi, nine bafati basentsabeni yaseSamariya, leniphila kahle, nitamase njengetinkhomati taseBhashani, nine lenicindzetela labamphofu, nifihlite labeswele, niphocelele emadvodza enu kutsi aninike tjwala!

Amose 5:11

Nigcobagcoba labamphofu nibacindzetele kutsi baninike kudla. Ngako-ke, nome nakhe tindlu letinkhulu tematje, ningeke nihlale kuto; nome nihlanyele tivini letikhulu, ningeke nilinatse liwayini lato.

Amose 6:1

Maye kini, nine labanetsetekile eSiyoni, nakini nine labativela bavikelekile entsabeni yaseSamariya! Maye nakini, nine madvodza lagcamile esiveni lesikhulu nalesisekucala etiveni tonkhe, nine labeta kini baka-Israyeli!

Amose 6:3

Nikhweshisela eceleni lilanga lelibi, bese nisondzeta edvutane umbuso lowesabisako.

Amose 8:6

nitsenge labamphofu ngesiliva, nalabeswele ngetincabule letimbili, ngisho naloku lokushanyelwe phansi esibuyeni sekubhula nikubite imali.

Mikha 6:10

Etindlini talababi kugcwele umcebo labawutfola ngebubi. Basebentisa tikali ngebucili, lekunguyonantfo lengiyitondzako.

1 Samuweli 5:1

Atsi kube emaFilisti alitfumbe libhokisi lesivumelwane saNkulunkulu, alitsatsa e-Ebheni Eza alimikisa e-Ashdodi.